തെന്നിന്ത്യയുടെ പ്രിയ താരജോഡികളാണ് സാമന്തയും നാഗ ചൈതന്യയും. താരജോഡികള്‍ക്ക് നിരവധി ആരാധകരാണ് ഉള്ളത്. സോഷ്യല്‍ മീഡിയയില്‍ ഇരുവരും പോസ്റ്റ് ചെയ്യുന്ന ചിത്രങ്ങള്‍ നിമിഷ നേരം കൊണ്ടാണ് ആരാധകര്‍ ഏറ്റെടുക്കാറുമുള്ളത്. എന്നാല്‍ ഇരുവരുടേയും ആരാധകരുടെ നെഞ്ചുപൊട്ടുന്ന വാര്‍ത്തയാണ് ഇപ്പോള്‍ പുറത്തുവന്നിരിക്കുന്നത്.

സാമന്തയും നാഗ ചൈതന്യയും വേര്‍പിരിയുന്നതായുള്ള റിപ്പോര്‍ട്ടുകളാണ് പുറത്തുവരുന്നത്. തെലുങ്ക് മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്യുന്നത്. ഇതിന്റെ ഭാഗമായി ഇരുവരും കുടുംബകോടതിയെ സമീപിച്ചിട്ടുണ്ടെന്നാണ് റിപ്പോര്‍ട്ടുകള്‍.

കഴിഞ്ഞ കുറെ ദിവസങ്ങളായി ഇതുമായി ബന്ധപ്പെട്ട ചര്‍ച്ചകളാണ് സോഷ്യല്‍ മീഡിയയിലെങ്ങും. ആദ്യമൊക്കെ ഗോസിപ്പായി തള്ളിക്കളഞ്ഞിരുന്നുവെങ്കിലും പുതിയ റിപ്പോര്‍ട്ടുകള്‍ പ്രകാരം താരങ്ങളുടെ വേര്‍പിരിയല്‍ വെറും ഗോസിപ്പല്ലെന്നാണ് വിലയിരുത്തപ്പെടുന്നത്. ഔദ്യോഗികമായി പിരിയുന്നതിന് മുമ്പുള്ള നടപടിയായ കൗണ്‍സിലിംഗ് ഘട്ടത്തിലാണ് ഇരുവരും എന്നാണ് സൂചന.

സാമന്ത കരിയറില്‍ കൂടുതല്‍ അവസരങ്ങള്‍ തേടാന്‍ ശ്രമിക്കുന്നതാണ് നാഗചൈതന്യയേും കുടുംബത്തേയും അസ്വസ്ഥമാക്കുന്നതെന്നും അതാണ് വേര്‍പിരിയലിന് കാരണമെന്നുമാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. സമീപകാലത്തായി സാമന്തയുടെ സിനിമകള്‍ വലിയ തോതില്‍ പ്രശംസിക്കപ്പെട്ടിരുന്നു.

കൂടാതെ വിവാഹ ശേഷവും വളരെ മനോഹരമായ ദാമ്പത്യ ജീവിതം നയിച്ചുവരുന്ന സാമന്ത അടുത്തിടെ പെട്ടെന്ന് തന്റെ പേരില്‍ മാറ്റം വരുത്തിയത് വേര്‍പിരിയലില്‍ സൂചനയാണെന്ന തരത്തില്‍ സോഷ്യല്‍ മീഡിയയില്‍ ചര്‍ച്ചയായിരുന്നതുമാണ്. സാമന്ത അക്കിനേനി എന്നായിരുന്നു സാമന്തയുടെ ഇന്‍സ്റ്റഗ്രാം ഐഡി. എന്നാല്‍ ഇത് ഇപ്പോള്‍ മാറ്റി സാമന്ത രുത് പ്രഭു എന്ന തന്റെ സ്വന്തം പേരിലേക്ക് മാറ്റുകയായിരുന്നു. ഇതോടെയാണ് വേര്‍പിരിയല്‍ സാധ്യതയിലേക്ക് ആരാധകരും വിരല്‍ ചൂണ്ടിയത്.

എന്നാല്‍ പേരു മാറ്റിയതില്‍ സാമന്ത പ്രതികരിച്ചിരുന്നു. ഗോസിപ്പുകളോടും ഊഹാപോഹങ്ങളോടും തനിക്ക് തോന്നുമ്പോള്‍ മാത്രമേ പ്രതികരിക്കൂ എന്നാണ് താരം പറഞ്ഞത്. കൂടാതെ ഇതിന് വ്യക്തമായ ഒരു ഉത്തരം തരാന്‍ അവര്‍ തയ്യാറായില്ല എന്നും വാര്‍ത്തകളില്‍ പറയുന്നു. അതേസമയം എന്തിനും സ്വന്തമായ അഭിപ്രായമുള്ള നടിയാണ് സാമന്ത എന്നും അതുകൊണ്ട് തന്നെ ഈ വിഷയത്തോട് കൃത്യമായി പ്രതികരിക്കാതിരുന്നതും ആരാധകരെ സംശയത്തിലാക്കിയിരുന്നു.

2017ലായിരുന്നു താരങ്ങളുടെ വിവാഹം. ഏറെ നാളത്തെ പ്രണയത്തിനൊടുവിലാണ് ഇവര്‍ ഇരുവരും വിവാഹിതരായത്. ഏവരെയും അതിശയിപ്പിക്കുന്ന തരത്തിലെ പ്രണയമായിരുന്നു ഇവരുടേത്. കോടികള്‍ മുതല്‍ മുടക്കില്‍ വളരെ ആഡംബര വിവാഹമായിരുന്നു ഇവരുടേത്. ക്രിസ്ത്യന്‍ രീതിയിലും ഹിന്ദു ആചാര പ്രകാരമുള്ള ചടങ്ങുകളും വിവാഹത്തില്‍ ഉണ്ടായിരുന്നു.

നയന്‍താരയും സാമന്തയും വിജയ് സേതുപതിയും ഒന്നിക്കുന്ന പുതിയ ചിത്രമായ 'കാത്തുവാക്കുള്ളെ രണ്ടു കാതല്‍' ആണ് സാമന്ത ചെയ്ത്കൊണ്ടിരിക്കുന്ന ഏറ്റവും പുതിയ ചിത്രം. ഈ ചിത്രം കൂടി കഴിഞ്ഞ് അവര്‍ ഒരു ഇടവേള എടുക്കുമെന്നും റിപ്പോര്‍ട്ടുകള്‍ സൂചിപ്പിക്കുന്നു. അതേസമയം സമാന്തയുമായി പ്രശ്നമുണ്ടോ എന്ന ചോദ്യത്തോട് നാഗ ചൈതന്യയും കൃത്യമായ ഉത്തരം നല്‍കുന്നില്ല. കുടുംബ പ്രശ്നം ചൂണ്ടിക്കാട്ടി നിര്‍മാതാക്കളുടെയും സംവിധായകരുടെയും ഫോണ്‍ കോളുകള്‍ പോലും നാഗ ചൈതന്യ എടുക്കുന്നില്ല എന്നും റിപ്പോര്‍ട്ടുകള്‍ ഉണ്ട്.
എന്തായാലും ഇവരുടെ ആരാധകരാകെ വേര്‍പിരിയല്‍ വാര്‍ത്തയില്‍ നിരാശയിലാണെന്നാണ് റിപ്പോര്‍ട്ടുകള്‍..