വസ്ത്രധാരണത്തെ കുറിച്ച് മോശം ഭാഷയില് വിമര്ശിച്ചവര്ക്കെതിരെ കിടിലന് മറുപടിയുമായി സയനോര
വസ്ത്രധാരണത്തെ കുറിച്ച് മോശം ഭാഷയില് വിമര്ശിച്ചവര്ക്കെതിരെ കിടിലന് മറുപടിയുമായി ഗായികയായ സയനോര രംഗത്ത്. കഴിഞ്ഞ ദിവസം സമൂഹമാദ്ധ്യമങ്ങളില് നടിമാരുടെ ഒരു ന്യത്ത വീഡിയോ വൈറലായിരുന്നു. നടിമാരായ ഭാവന,രമ്യ നമ്ബീശന്,ശില്പ ബാല, ഗായികയായ സയനോര എന്നിവര് ചേര്ന്ന് മനോഹരമായ ന്യത്തച്ചുവടുകള് വയ്ക്കുന്ന വീഡിയോയാണ് വൈറലായത്. നൃത്തം ചെയ്യുമ്ബോള് ധരിച്ചിരുന്ന അതേ വേഷത്തില് അലസമായി ഇരിക്കുന്ന ഫോട്ടോ പോസ്റ്റ് ചെയ്തുകൊണ്ടായിരുന്നു സയനോരയുടെ മറുപടി. 'കഹി ആഗ് ലഗേ ലഗ് ജാവേ' എന്ന കുറിപ്പിനൊപ്പം എന്റെ ജീവിതം, എന്റെ ശരീരം, എന്റെ വഴി എന്ന ഹാഷ്ടാഗോടെയാണ് തന്റെ ചിത്രം സയനോര പങ്കുവെച്ചത്. താരങ്ങളടക്കം നിരവധി പേരാണ് ഗായികയ്ക്ക് പിന്തുണയുമായി രംഗത്ത് എത്തിയത്. സിനിമയ്ക്ക് അകത്തും പുറത്തും അടുത്ത സുഹൃത്തുക്കളാണ് ഇവര്. ഒന്നിച്ചുള്ള ചിത്രങ്ങളും വീഡിയോകളും താരങ്ങള് നിരന്തരം സമൂഹമാധ്യമങ്ങളില് പങ്കുവയ്ക്കാറുണ്ട്.
https://www.facebook.com/Malayalivartha