രണ്ടുപേരുടെയും വഴക്ക് ചിരിയോടെ ആണ് ഞാന് കണ്ടുനിന്നത്... തിലകനും മമ്മൂട്ടിയും തമ്മിലുള്ള വഴക്കുകളെക്കുറിച്ച് ഷോബി തിലകന്
മലയാള സിനിമയില് മമ്മൂട്ടിയും തിലകനും ഒരുമിച്ചു ചെയ്ത നിരവധി ചിത്രങ്ങള് സൂപ്പര് ഹിറ്റുകളായിരുന്നു. എന്നാല് ഇവര്ക്കിടയില് ചില പ്രശ്നങ്ങള് ഉണ്ടായിരുന്നതായി വാര്ത്തകള് മുന്പ് പുറത്തുവന്നിട്ടുണ്ട്. ഇപ്പോഴിതാ ഇരുവര്ക്കുമിടയിലെ വഴക്ക് നേരിട്ട് കണ്ടിട്ടുണ്ടെന്ന് പറയുകയാണ് തിലകന്റെ മകനും നടനും ഡബ്ബിങ് ആര്ട്ടിസ്റ്റുമായ ഷോബി തിലകന്.
ഷോബി തിലകന്റെ വാക്കുകള്...
'തച്ചിലേടത്ത് ചുണ്ടന് സിനിമയുടെ ലൊക്കേഷനില് ഞാനും അച്ഛനൊപ്പം ഉണ്ടായിരുന്നു. ആ സിനിമ ചെയ്യുമ്ബോള് മമ്മൂക്കയും അച്ഛനും തമ്മില് വഴക്കായിരുന്നു. ഒരു കാര്യമുള്ള കാര്യത്തിനല്ല, വെറുതേയാണ്. സൗന്ദര്യ പിണക്കം എന്ന് പറയാം. രണ്ടാളും ഒരേ സ്വഭാവക്കാരാണ്. അങ്ങനെ ഉള്ളവര് ഒരുമിച്ച കഥാപാത്രങ്ങളായി വരുമ്ബോഴുണ്ടാകുന്നതാണ്.' ഷോബി പറഞ്ഞു. എന്തോ ഒരു ആത്മസംതൃപ്തിക്ക് വേണ്ടിയാണ് രണ്ടു പേരും വഴക്ക് കൂടുന്നത്. ചിരിയോടെ ആണ് താനത് കണ്ടു നിന്നിട്ടുള്ളത്. രണ്ടു മണിക്കൂറിനുള്ളില് തീരുന്ന വഴക്ക് ആയിരുന്നു അതെന്നും അദ്ദേഹം പറഞ്ഞു.
'തച്ചിലേടത്ത് ചുണ്ടന്' ശേഷം ഒരുമിച്ച് അഭിനയിക്കാനിരുന്ന മൂന്ന് ചിത്രങ്ങളുടെ നിര്മ്മാതാക്കളെ വിളിച്ച് മമ്മൂട്ടിക്ക് ഒപ്പം അഭിനയിക്കാന് ബുദ്ധിമുട്ട് ഉണ്ട്, അഡ്വാന്സ് തിരികെ നല്കിയേക്കാം എന്ന് പറഞ്ഞെന്നും പിന്നാലെ മമ്മൂട്ടി വിളിച്ചു സംസാരിച്ചതോടെ പ്രശ്നങ്ങള് എല്ലാം തീര്ന്നെന്നും ഷോബി പറഞ്ഞു.
ഒരു സീരിയസ് പ്രശ്നമായിട്ടോ അത് മനസില് വെച്ച് പെരുമാറുന്ന ആളായിട്ടോ താന് ഒരിക്കലും മമ്മൂക്കയെ കാണില്ല. അദ്ദേഹം പറയാനുള്ളത് മനസില് വെക്കാതെ തുറന്നു പറയും. ചിലപ്പോള് നല്ലതാവും അല്ലെങ്കില് ചീത്തയാവും. മമ്മൂക്കയ്ക്ക് ഡബ്ബ് ചെയ്തിട്ടുണ്ടെങ്കിലും എന്തായിരിക്കും അദ്ദേഹം പറയുന്നത് എന്ന ടെന്ഷനില് വിളിച്ചു ചോദിച്ചിട്ടില്ലെന്നും ഷോബി പറഞ്ഞു.
തിലകന് ആശുപത്രിയില് കിടന്നപ്പോള് മമ്മൂട്ടിയും ദുല്ഖറും കൂടി കാണാന് വന്നിരുന്നതായും ഷോബി അഭിമുഖത്തില് പറഞ്ഞു. അമ്മ സംഘടനയുമായി ബന്ധപ്പെട്ട് തിലകനും മമ്മൂട്ടിയും പ്രശ്നം നടക്കുന്ന സമയത്തും 'ഉസ്താദ് ഹോട്ടലില്' ദുല്ഖറിനൊപ്പം തിലകനെ കാസ്റ്റ് ചെയ്തതിനെ കുറിച്ചും ഷോബി പറഞ്ഞു.
'ഉസ്താദ് ഹോട്ടലിലേക്ക് അച്ഛനെ തെരഞ്ഞെടുക്കാന് കാരണം ദുല്ഖര് എന്ന അന്നത്തെ തുടക്കക്കാരനായ നടന് അച്ഛനെപ്പോലെ സീനിയറായ ഒരു നടന്റെ കൂടെ അഭിനയിക്കുമ്ബോള് ഉണ്ടാകുന്ന ഒരു പോസിറ്റീവ് എനര്ജി കിട്ടാന് വേണ്ടി മാത്രമാണ്, എന്നാണ് ഞാന് മനസിലാക്കുന്നത്' മമ്മൂട്ടിയും കൂടി അറിഞ്ഞുകൊണ്ടായിരുന്നു അതെന്നാണ് താന് കരുതുന്നതെന്നും ഷോബി വ്യക്തമാക്കി.
https://www.facebook.com/Malayalivartha