നടിയെ ആക്രമിച്ച കേസില് അന്വേഷണസംഘത്തിനെതിരെ അതിജീവിത നല്കിയ ഹര്ജി ഇന്ന് ഹൈക്കോടതി പരിഗണനയില്... തുടരന്വേഷണം അവസാനിപ്പാക്കാന് ഹൈക്കോടതി അനുവദിച്ച സമയ പരിധി അവസാനിക്കുന്നത് വെള്ളിയാഴ്ച
നടിയെ ആക്രമിച്ച കേസില് അന്വേഷണസംഘത്തിനെതിരെ അതിജീവിത നല്കിയ ഹര്ജി ഇന്ന് ഹൈക്കോടതി പരിഗണനയില്... കേസിനെ സ്വാധീനിക്കാനും അട്ടിമറിക്കാനും ശ്രമിച്ച ദിലീപിന്റെ അഭിഭാഷകരെ ചോദ്യം ചെയ്യാന് പോലും തയ്യാറാകാത്ത അന്വേഷണ സംഘത്തിന്റെ നിലപാട് ചോദ്യം ചെയ്താണ് ഹര്ജി.
അഭിഭാഷകര്ക്കെതിരെ അന്വേഷണമാകാമെന്ന് കോടതിപോലും അനുമതി നല്കിയിട്ടും ഉന്നത സമ്മര്ദത്തെത്തുടര്ന്നാണ് അന്വേഷണ ഉദ്യോഗസ്ഥര് പിന്വലിഞ്ഞതെന്നാണ് അതിജീവിത ആരോപിക്കുന്നത്. ഇതിനിടെ, തുടരന്വേഷണം അവസാനിപ്പാക്കാന് ഹൈക്കോടതി അനുവദിച്ച സമയ പരിധി മറ്റന്നാള് അവസാനിക്കും.
മെമ്മറി ഫൊറന്സിക് പരിശോധനാ ഫലം കൂടി പരിശോധിച്ചശേഷമാകും അന്തിമ റിപ്പോര്ട്ട് നല്കുന്നതിലുള്ള തീരുമാനം. ദിലീപിന്റെ സുഹൃത്തായ ശരത്തിനെ പ്രതിയാക്കിയാണ് തുടരന്വേഷണ റിപ്പോര്ട്ട് തയ്യാറാക്കിയിട്ടുള്ളത്.
അതേസമയം, നടിയെ ആക്രമിച്ച കേസില് ജാമ്യം നല്കണമെന്നാവശ്യപ്പെട്ട് പ്രതിയായ പള്സര് സുനി നല്കിയ ഹര്ജി ഇന്ന് സുപ്രീംകോടതി വീണ്ടും പരിഗണിക്കും. ജസ്റ്റിസ് അജയ് രസ്തോഗി അധ്യക്ഷനായ ബഞ്ചാണ് ജാമ്യാപേക്ഷ പരിഗണിക്കുന്നത്. വിചാരണാ നടപടികള് വൈകാന് സാധ്യതയുള്ളതിനാല് ജാമ്യം നല്കണമെന്ന് ചൂണ്ടിക്കാട്ടിയാണ് പള്സര് സുനി സുപ്രീം കോടതിയെ സമീപിച്ചത്.
കഴിഞ്ഞ ഏപ്രിലില് കേസ് കോടതി പരിഗണിച്ചിട്ടുണ്ടായിരുന്നു. ഇതില് സംസ്ഥാന സര്ക്കാരിന് കോടതി നോട്ടീസ് അയച്ചിരുന്നു. കേസില് താനൊഴികെ എല്ലാ പ്രതികള്ക്കും ജാമ്യം ലഭിച്ചിട്ടുണ്ടെന്നും പള്സര് സുനി സമര്പ്പിച്ച ജാമ്യാപേക്ഷയില് പറയുന്നുണ്ട്.. അഞ്ച് വര്ഷമായി വിചാരണ തടവുകാരനായി കഴിയുന്നതിനാല് ജാമ്യം നല്കണമെന്നാണ് സുനിയുടെ ആവശ്യം.
https://www.facebook.com/Malayalivartha
