നഗ്നതാ പ്രദര്ശനം നടത്തിയ കേസില് സിനിമാ നടന് ശ്രീജിത് രവി നല്കിയ ജാമ്യാപേക്ഷ ഇന്ന് ഹൈക്കോടതി പരിഗണനയില്.... മാനസിക രോഗത്തിന് ചികിത്സയിലാണെന്നും സ്വഭാവ വൈകൃതത്തിന്റെ ഭാഗമായാണ് ഇങ്ങനെ സംഭവിച്ചതെന്നും ഹര്ജിയില് ശ്രീജിത് രവി
പെണ്കുട്ടികള്ക്ക് മുന്നില് നഗ്നതാ പ്രദര്ശനം നടത്തിയ കേസില് സിനിമാ നടന് ശ്രീജിത് രവി നല്കിയ ജാമ്യാപേക്ഷ ഹൈക്കോടതി ഇന്ന് പരിഗണിക്കും. ഹര്ജിയില് സര്ക്കാര് നിലപാടറിയിക്കും. മാനസിക രോഗത്തിന് ചികിത്സയിലാണെന്നും സ്വഭാവ വൈകൃതത്തിന്റെ ഭാഗമായാണ് ഇങ്ങനെ സംഭവിച്ചതെന്നുമാണ് ശ്രീജിത് രവി ഹര്ജിയില് പറയുന്നത്.
എന്നാല് സമാന സംഭവങ്ങള് മുമ്പും ആവര്ത്തിച്ചിട്ടുണ്ടെന്നും ജാമ്യം നല്കരുതെന്നുമാണ് പ്രോസിക്യൂഷന് നിലപാട്. തൃശ്ശൂര് അഡീഷണല് സെഷന്സ് കോടതി ജാമ്യം തളളിയതിനെ തുടര്ന്ന് ശ്രീജിത് രവി നിലവില് റിമാന്ഡിലാണ്.
പോക്സോ വകുപ്പ് പ്രകാരമാണ് ശ്രീജിത്ത് രവിയെ അറസ്റ്റ് ചെയ്തത്. അയ്യന്തോളിലെ എസ്.എന് പാര്ക്കിന് സമീപം കാര് നിര്ത്തി രണ്ട് കുട്ടികളോട് അശ്ലീല ആംഗ്യം കാണിച്ചു എന്നതാണ് കേസ്. 11ഉം അഞ്ചും വയസുള്ള രണ്ട് കുട്ടികള്ക്ക് മുന്നില് വെച്ച് നഗ്നതാ പ്രദര്ശനം നടത്തിയ ശേഷം പ്രതി അവിടെ നിന്ന് കാറില് പോവുകയായിരുന്നു.
കുട്ടികള് മാതാപിതാക്കളെ വിവരം അറിയിച്ചു എങ്കിലും പ്രതിയെ തിരിച്ചറിയാന് കഴിഞ്ഞിരുന്നില്ല. പിന്നീട് പൊലീസില് പരാതി നല്കി. പൊലീസ് കേസെടുത്ത് അന്വേഷിച്ചതിനിടെ കാറിനെ കുറിച്ച് ലഭിച്ച സൂചനകള് വഴിയാണ് ശ്രീജിത്ത് രവിയാണ് പ്രതിയെന്ന് തിരിച്ചറിയുന്നത്.
https://www.facebook.com/Malayalivartha
