നടന്‍ വിജയകുമാറിന് ക്ലീന്‍ചീട്ട് നല്‍കിയിരിക്കുകയാണ് കൊച്ചി കാക്കനാട് മജിസ്‌ട്രേറ്റ് കോടതി. പോലീസിനെ ആക്രമിച്ച് ആത്മഹത്യയ്ക്ക് ശ്രമിച്ചെന്ന കേസില്‍ നടന്‍ വിജയ കുമാറിനെ കോടതി കുറ്റവിമുക്തനാക്കിയിരിക്കുകയാണ്. വിജയ കുമാറിനെതിരെ ഉണ്ടായിരുന്ന പണമിടപാടുകേസില്‍ ചോദ്യം ചെയ്യലിനിടെയാണ് സംഭവം നടന്നത്. എന്നാല്‍ കേസില്‍ മതിയായ തെളിവുകള്‍ ഇല്ലെന്ന് ചൂണ്ടിക്കാട്ടിയാണ് കൊച്ചി കാക്കനാട് മജിസ്‌ട്രേറ്റ് കോടതിയുടെ നടപടി. 2009 ഫെബ്രുവരി 11 നാണ് സംഭവം നടന്നത്. 25 ലക്ഷം തട്ടിച്ചെന്ന കേസില്‍ തൃക്കാക്കര അസിസ്റ്റന്റ് കമ്മിഷണര്‍ ഓഫിസിലേക്ക് വിളിച്ചു വരുത്തിയപ്പോഴാണ് നടന്‍ ആത്മഹത്യാശ്രമം നടത്തിയതെന്നാണ് പോലീസ് പറഞ്ഞത്.

സി.ഐയുടെ നതൃത്വത്തില്‍ നടത്തിയ ചോദ്യം ചെയ്യലിനിടെ സമീപത്തുണ്ടായിരുന്ന പോലീസുകാരനെ തള്ളി മാറ്റി മുറിയിലെ പേപ്പര്‍ മുറിക്കുന്ന കത്തി എടുത്ത് കൈയിലെ ഞരമ്പ് മുറിച്ച് വിജയകുമാര്‍ ആത്മഹത്യയ്ക്ക് ശ്രമിച്ചെന്നാണ് പോലീസ് പറയുന്നത്. ഓദ്യോഹിക കൃത്യനിര്‍വഹണം തടസപ്പെടുത്തിയതിനും ആത്മഹത്യാശ്രമം നടത്തിയതിനുമാണ് വിജയകുമാറിനെതിരെ കേസെടുത്തിരുന്നത്. എന്നാല്‍ കോടതിയില്‍ കേസ് സംശയാതീതമായി തെളിയിക്കാന്‍ പോലീസിന് കഴിഞ്ഞില്ല.

തെളിവുകള്‍ ഹാജരാക്കുന്നതില്‍ പൊലീസ് പരാജയപ്പെട്ടുവെന്ന് കോടതി നിരീക്ഷിച്ചു. കുറ്റവിമുക്തനാക്കപ്പെട്ടിട്ടും ചെയ്യാത്ത തെറ്റിന്റെ പേരില്‍ താരസംഘടനയായ അമ്മ തന്നെ ഒറ്റപ്പെടുത്തിയതില്‍ അതിയായ വേദനയുണ്ടെന്നും വിജയകുമാര്‍ പറഞ്ഞു. വിജയകുമാറിനെതിരായ 25 ലക്ഷം രൂപയുടെ പണാപഹരണ കേസ് പറവൂര്‍ കോടതി നേരത്തെ തള്ളിയിരുന്നു. ഇതടക്കം അഞ്ച് കേസുകളാണ് വിജയകുമാറിനെതിരെ ഉണ്ടായിരുന്നത്. എല്ലാ കേസുകളിലും കോടതി കുറ്റവിമുക്തനാക്കിയതായി വിജയകുമാര്‍ പറഞ്ഞു.

ചെയ്യാത്ത കുറ്റത്തിന്റെ പേരില്‍ 13 വര്‍ഷമായി തന്നെ ഒറ്റപ്പെടുത്തുന്ന താരസംഘടന അമ്മ ഇപ്പോള്‍ പീഡന കേസിലെ പ്രതികള്‍ക്ക് സ്വീകരണമാണ് നല്‍കുന്നതെന്ന് വിജയകുമാര്‍ ആരോപിച്ചു. കുറ്റവിമുക്തനായെങ്കിലും ചെയ്യാത്ത തെറ്റിന്റെ പേരില്‍ താരസംഘടന അമ്മ ഒറ്റപ്പെടുത്തിയത് ഏറെ വേദനിപ്പിച്ചെന്ന് വിജയകുമാര്‍ പറഞ്ഞു. 2009 ഫെബ്രുവരി 11നാണ് വിജയകുമാര്‍ പൊലീസ് സ്‌റ്റേഷനില്‍ ആത്മഹത്യ ശ്രമം നടത്തിയത്.

25 ലക്ഷം രൂപ തട്ടിച്ചെന്ന കേസില്‍ ചോദ്യം ചെയ്യാനായി നടന്‍ വിജയകുമാറിനെ തൃക്കാക്കര അസിസ്റ്റന്റ് കമ്മീഷര്‍ ഓഫീസിലേക്ക് വിളിച്ച് വരുത്തിയപ്പോഴായിരുന്നു സംഭവം. സിഐയുടെ നേതൃത്വത്തിലുള്ള ചോദ്യം ചെയ്യലിനിടെ സമീപത്തുണ്ടായിരുന്ന പൊലീസുകാരനെ തള്ളി വീഴ്ത്തി മുറിയിലെ കടലാസ് മുറിയ്ക്കുന്ന കത്തിയെടുത്ത് കൈയ്യിലെ ഞരമ്പ് അറുത്ത് വിജയകുമാര്‍ ആത്മഹത്യയ്ക്ക് ശ്രമിച്ചെന്നായിരുന്നു പൊലീസ് ഭാഷ്യം.