മലയാളത്തിന്റെ പ്രിയ നടന് ഇന്നസെന്റിന് നാടിന്റെ യാത്രാമൊഴി.... അന്തിമോപചാരം അര്പ്പിക്കാന് നൂറുകണക്കിനാളുകള് , മൃതദേഹം വിലാപയാത്രയായി പള്ളിയിലേക്ക് കൊണ്ടു പോകുന്നു ... സംസ്കാരം ഇരിങ്ങാലക്കുട സെന്റ് തോമസ് കത്തീഡ്രലില്
അന്തരിച്ച സിനിമാ താരവും മുന് എംപിയുമായ ഇന്നസെന്റിന് നാടിന്റെ യാത്രാമൊഴി. രാവിലെ പത്തിന് ഇരിങ്ങാലക്കുട സെന്റ് തോമസ് കത്തീഡ്രല് പള്ളി സെമിത്തേരിയിലാണ് സംസ്കാരം.മൃതദേഹം വിലാപയാത്രയായി പള്ളിയിലേക്ക് കൊണ്ടു പോകുന്നു.
ഇന്നലെ ജീവിതത്തിന്റെ നാനാതുറകളില് നിന്നുള്ള ആയിരങ്ങളാണ് അന്തിമോപചാരം അര്പ്പിക്കാനായി നാടിന്റെ വിവിധ ഭാഗങ്ങളില് നിന്ന് കടവന്ത്രയിലേക്കും ഇരിങ്ങാലക്കുടയിലേക്കും ഒഴുകിയെത്തിയത്.
ഞായറാഴ്ച രാത്രി കൊച്ചിയിലെ ലേക്ഷോര് ആശുപത്രിയിലായിരുന്നു മുന് എം.പി കൂടിയായ ഇന്നസെന്റ് അന്തരിച്ചത്. ന്യൂമോണിയ ബാധിച്ച് ചികിത്സയിലിരിക്കെയായിരുന്നു അന്ത്യം. രണ്ടാഴ്ച മുന്പാണ് ആശുപത്രിയില് പ്രവേശിപ്പിച്ചത്.
ആരോഗ്യനില മെച്ചപ്പെട്ടതിനെ തുടര്ന്ന് ഐ.സി.യുവില് നിന്ന് നേരത്തെ മുറിയിലേക്ക് മാറ്റിയിരുന്നു. ആരോഗ്യനില വീണ്ടും വഷളായതോടെ ഇ.സി.എം.ഒയുടെ സഹായത്തിലാണ് അവസാന നിമിഷം വരെ കഴിഞ്ഞിരുന്നത്.കടവന്ത്ര രാജീവ് ഗാന്ധി ഇന്ഡോര് സ്റ്റേഡിയത്തില് ഇന്നലെ രാവിലെ എട്ട് മുതല് പൊതുദര്ശനത്തിനു വച്ച ഭൗതികശരീരം അവസാനമായി ഒരു നോക്കു കാണാന് സഹപ്രവര്ത്തകര്ക്ക് പുറമേ രാഷ്ട്രീയ, സാംസ്കാരിക മേഖലകളില് നിന്നുള്ള നിരവധിയാളുകളാണ് ഒഴുകിയെത്തിയത്.
https://www.facebook.com/Malayalivartha