സീരിയല്‍ നടിയായ പ്രത്യുഷ ബാനര്‍ജിയുടെ മരണവുമായി ബന്ധപ്പെട്ട് അറസ്റ്റിലായ കാമുകന്‍ രാഹുല്‍ രാജ് സിംഗ് ആശുപത്രിയില്‍. ചോദ്യം ചെയ്യുന്നതിനിടെ ശ്വാസതടസം അനുഭവപ്പെട്ടതിനെ തുടര്‍ന്നാണ് ഇയാളെ ആശുപത്രിയില്‍ പ്രവേശിപ്പിച്ചത്. കാന്ദിവാലിയിലെ ശ്രീസായ് ആശുപത്രിയിലാണ് രാഹുലിനെ പ്രവേശിപ്പിച്ചത്. ഇയാളെ ഐ.സി.യുവില്‍ പ്രവേശിപ്പിച്ചു.

മാനസിക സമ്മര്‍ദ്ദവും ശാരീരിക ക്ഷീണവും മൂലം രാഹുലിന്റെ ആരോഗ്യനില മോശമാണെന്ന് ആശുപത്രി അധികൃതര്‍ വെളിപ്പെടുത്തി. ബാലികാ വധു എന്ന ടെലിവിഷന്‍ പരമ്പരയിലൂടെ പ്രശസ്തയായ പ്രത്യുഷ വെള്ളിയാഴ്ചയാണ് ആത്മഹത്യ ചെയ്തത്. സംഭവത്തില്‍ രാഹുല്‍ സംശയത്തിന്റെ നിഴലിലാണ്. നടിയുടെ മരണത്തില്‍ ഇയാള്‍ക്ക് പങ്കുണ്ടോയെന്ന് പോലീസ് അന്വേഷിക്കുന്നതിനിടെയാണ് ഇയാള്‍ ആശുപത്രിയിലായത്.

പ്രത്യുഷയുടെയും രാഹുലിന്റെയും പ്രണയ ബന്ധത്തിലെ തകര്‍ച്ചയാണ് നടിയുടെ ആത്മഹത്യയിലേക്ക് നയിച്ചതെന്നാണ് പോലീസ് നിഗമനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha