ദുബായ് യാത്രയില് കാവ്യയേയും മകള് മീനാക്ഷിയേയും പ്രതീക്ഷിച്ചിരുന്ന സകലരേയും അമ്പരപ്പിച്ച് ദിലീപെത്തിയത് അമ്മയുടെ കൈയ്യും പിടിച്ച്
ദിലീപിന്റെ ദുബായ് യാത്രയില് എല്ലാവരും പ്രതീക്ഷിച്ചതല്ല നടന്നത്. കാവ്യയേയും മകള് മീനാക്ഷിയേയും പ്രതീക്ഷിച്ചിരുന്ന സകലരേയും അമ്പരപ്പിച്ച് ദിലീപെത്തിയത് അമ്മയുടെ കൈയ്യും പിടിച്ചായിരുന്നു. മീനാക്ഷിയ്ക്ക് പരീക്ഷയായതിനാലാണ് കൊണ്ടു വരാത്തതെന്നാണ് പറയുന്നത്. അതേ സമയം കാവ്യയെ ഒഴിവാക്കിയതായും സൂചനയുണ്ട്. ഇതിനിടെ കാവ്യ ഗര്ഭിണിയായതിനാലാണ് ദുബായ് യാത്ര വേണ്ടെന്ന് ഉപദേശിച്ചതെന്നും സിനിമാ വൃത്തങ്ങള് പറയുന്നു. എന്നാല് കാവ്യ ദുബായില് എത്തുമെന്നും പറയുന്നു.
അതേസമയം നടിയെ ആക്രമിച്ച കേസില് പ്രതിയായതോടെ ദിലീപിനെ നായകനാക്കിയുള്ള ചിത്രങ്ങളെടുക്കാന് നിര്മ്മാതാക്കള് മടിക്കുന്നുവെന്ന റിപ്പോര്ട്ടുകളും പുറത്തുവരുന്നു. ദിലീപിനെ നായകനാക്കി ചിത്രമെടുക്കാന് വിചാരണക്കും മറ്റുമായി കൂടുതല് സമയം എടുക്കുമെന്നതിനാല് സിനിമാക്കാര്യങ്ങള് മുറപോലെ നടക്കുമോ എന്ന ആശങ്കയാണ് പലര്ക്കും. മാത്രമല്ല, ഇക്കാര്യത്തില് ടോമിച്ചന് മുളകുപാടത്തെ പോലെ ധൈര്യം പല നിര്മ്മാതാക്കള്ക്കുമില്ല തന്നെ. അതുകൊണ്ട് തന്നെ ദിലീപിനെ നായകനാക്കാന് മടിക്കുന്നതിനിടെ തന്റെ ബിസിനസ് കൊഴുപ്പിക്കാന് തന്നെയാണ് താരം ഒരുങ്ങുന്നത്. തന്റെ ഉടമസ്ഥതയിലുള് ദേ പുട്ട് റസ്റ്റോറന്റിന്റെ പ്രവര്ത്തനങ്ങള് കൂടുതല് വിപുലമാക്കാനാണ് നടന്റെ തീരുമാനം. ഇതിനായാണ് അദ്ദേഹം ഹൈക്കോടതിയുടെ പ്രത്യേക അനുമതിയോടെ ദുബായിലെത്തിയത്.
അമ്മ സരോജത്തെയും ഒപ്പം കൂട്ടിയാണ് ദിലീപ് ദുബായില് എത്തിയത്. ഇരുവരെയും സുഹൃത്തുക്കള് ഹൃദ്യമായി സ്വീകരിച്ചു. ഇരുവരും പിന്നീട് താമസ സ്ഥലത്തേക്കു പോയി. ഇതെവിടെയാണെന്ന് വെളിപ്പെടുത്തിയിട്ടില്ല. കരാമയിലാണ് പുതിയ റസ്റ്റോറന്റ് തുടങ്ങുന്നത്. നീട്ടി വളര്ത്തിയ താടിയുമായി സാധാരണ വേഷത്തിലെത്തിയ ദിലീപിനെ ദുബായിലെ സുഹൃത്തുക്കള് രാജ്യാന്തര വിമാനത്താവളത്തില് പൊന്നാടയണിയിച്ച് സ്വീകരിച്ചു. വീല് ചെയറിലാണ് അമ്മ സരോജം പുറത്തേയ്ക്ക് വന്നത്. ഇരുവരും പിന്നീട് താമസ സ്ഥലത്തേയ്ക്ക് പോകുകയായിരുന്നു.
നേരത്തെ ഭാര്യ കാവ്യ മാധവന്, മകള് മീനാക്ഷി എന്നിവരോടൊപ്പമാണ് ദിലീപിനൊപ്പമുണ്ടാകുമെന്ന് റിപ്പോര്ട്ടുകളുണ്ടായിരുന്നു. എന്നാല് അവര് യാത്ര ഒഴിവാക്കുകയായിരുന്നു. നടിയെ ആക്രമിച്ച കേസില് ദിലീപിനെ എട്ടാം പ്രതിയാക്കി അന്വേഷണ സംഘം അനുബന്ധ കുറ്റപത്രം സമര്പ്പിച്ചതിനു ശേഷമാണ് ഈ യാത്ര. അതേസമയം, നാദിര്ഷാ ചൊവ്വാഴ്ച രാവിലെ റസ്റ്ററന്റില് മാധ്യമപ്രവര്ത്തകരെ കണ്ടു പ്രവര്ത്തനങ്ങള് വിശദീകരിച്ചു. എന്നാല്, ദിലീപ് വൈകിട്ടോടെ ഇവിടെ എത്തുമെന്നാണു പ്രതീക്ഷ. ദിലീപും നാദിര്ഷയും കൂടാതെ, യുഎഇയില് നിന്നുള്ള അഞ്ചു പേരും ചേര്ന്നാണ് റസ്റ്ററന്റ് ആരംഭിക്കുന്നത്. ദിലീപിന്റ അമ്മയടക്കം അഞ്ച് അമ്മമാര് ചേര്ന്ന് ബുധനാഴ്ച വൈകിട്ട് ഏഴിന് റസ്റ്ററന്റ് ഉദ്ഘാടനം ചെയ്യും.
കരാമയിലെ പാര്ക് റെജിസ് ഹോട്ടലിന് പിന്വശത്തായി അല് ഷമ്മാ കെട്ടിടത്തിലെ താഴത്തെ നിലയിലാണ് റസ്റ്റോറന്റ്. ഒട്ടേറെ മലയാളി റസ്റ്റോറന്റുകളുള്ള ദുബൈയിലെ പ്രധാനസ്ഥലമാണ് കരാമ. മലയാളി കുടുംബങ്ങള് നിരവധി താമസിക്കുന്ന പ്രദേശം കൂടിയാണിത്. നടിയെ ആക്രമിച്ച കേസില് ജാമ്യത്തിലിറങ്ങിയ നടന് ദിലീപ് കഴിഞ്ഞദിവസം അങ്കമാലി മജിസ്ട്രേറ്റ് കോടതിയിലെത്തിയാണ് ദുബൈയിലേയ്ക്ക് വരാനുള്ള പാസ്പോര്ട്ട് കൈപ്പറ്റിയത്. റസ്റ്റോറന്റിന്റെ ദുബൈ ശാഖയുടെ ഉദ്ഘാടനച്ചടങ്ങില് പങ്കെടുക്കാന് ഹൈക്കോടതി ദിലീപിന് അനുമതി നല്കിയിരുന്നു. തുടര്ന്നാണു പാസ്പോര്ട്ടിനായി ദിലീപ് കോടതിയിലെത്തിയത്. നടിയെ ആക്രമിച്ച കേസില് ദിലീപിനെ എട്ടാം പ്രതിയാക്കി അന്വേഷണ സംഘം അനുബന്ധ കുറ്റപത്രം സമര്പ്പിച്ചതിനു ശേഷമാണ് ദുബൈ യാത്ര.
ദിലീപിന് ദുബായില് ഒട്ടേറെ സുഹൃത്തുക്കളും ബിസിനസ് പാര്ട്ണര്മാരുമുണ്ട്. നാദിര്ഷയും ദുബൈയിലെ പാര്ട്ണര്മാരുമാണ് റസ്റ്റോറന്റിന്റെ നിയമപരമായ രേഖകള് തയ്യാറാക്കിയത്. ദിലീപ് അറസ്റ്റിലാകുന്നതിന് മുന്പ് തന്നെ റസ്റ്റോറന്റ് ഉദ്ഘാടനത്തിന് തയ്യാറായിരുന്നു. എന്നാല്, അറസ്റ്റോടെ അത് നീട്ടിവയ്ക്കുകയായിരുന്നു. ദിലീപിന്റെ ജയില്വാസം നീണ്ടുപോയതോടെ വന് തുക ചെലവിട്ട് നിര്മ്മിച്ച റസ്റ്റോറന്റിന്റെ ഭാവി തകരുമോയെന്ന ആശങ്കയിലായിരുന്നു ദുബൈയിലെ സുഹൃത്തുക്കള്. പിന്നീട്, ജാമ്യം ലഭിച്ചതോടെയാണ് റസ്റ്റോറന്റിന്റെ ഉദ്ഘാടനം നടത്താനായി ഒരുങ്ങിയത്.
നാലുദിവസം വിദേശത്തു തങ്ങാനായി ആറുദിവസത്തേക്കു പാസ്പോര്ട്ട് വിട്ടുനല്കാനാണു ഹൈക്കോടതി നിര്ദേശിച്ചത്. ഇതുപ്രകാരം കഴിഞ്ഞ ദിവസം അങ്കമാലി കോടതിയില് എത്തി ദിലീപ് പാസ്പോര്ട്ട് വാങ്ങിയിരുന്നു. നടിയെ ആക്രമിച്ച കേസിലെ മുഖ്യതെളിവായ മൊബൈല് ഫോണ് വിദേശത്തേക്കു കടത്തിയെന്നു പൊലീസിനു സംശയമുണ്ട്. അതുകൊണ്ടു തന്നെ ദിലീപിന്റെ വിദേശയാത്രയെയും സംശയത്തോടെയാണു പൊലീസ് കാണുന്നത്.
അതിനിടെ സിനിമാ ലോകത്ത് ദിലീപ് ഇനിയും സജീവമായിട്ടില്ല. താരം നായകനായ കമ്മാരസംഭവ മുള്പ്പെടെയുള്ള ചിത്രങ്ങളുടെ അണിയറ പ്രവര്ത്തനങ്ങള് ഇഴയുന്നതും ദിലീപിനെ കുഴക്കിയിട്ടുണ്ട്. ദിലീപ് ജയിലില് കിടന്നപ്പോള് റിലീസ് ചെയ്ത രാമലീലയ്ക്ക് വന് വരവേല്പ് കിട്ടിയത് അനുകൂലമാകുമെന്ന പ്രതീക്ഷ നല്കി. പക്ഷേ പുതിയ പ്രോജക്ടുകളൊന്നും ദിലീപിനെ തേടിയെത്തുന്നില്ല. കുറ്റമുക്തനായ ശേഷം ദിലീപിനെ വച്ചുള്ള ചിത്രങ്ങള് മതിയെന്ന നിലപാടിലാണു നിര്മ്മാതാക്കള്. ദിലീപ് ചിത്രങ്ങള്ക്ക് 56 കോടി രൂപയാണു ശരാശരി ചെലവ്.
https://www.facebook.com/Malayalivartha
