ഹാപ്പി വെഡ്ഡിങ്ങിന്റെ രണ്ടാം ഭാഗം പ്രഖ്യാപിച്ച് സംവിധായകന് ഒമര് ലുലു
'ഹാപ്പി വെഡിങ്ങിന്റെ' രണ്ടാം ഭാഗവുമായി സംവിധായകന് ഒമര് ലുലു എത്തുന്നു. 2016 ല് പുറത്തിറങ്ങിയ ഈ റൊമാന്റിക് കോമഡി ചിത്രം മലയാളികള്ക്കിടയില് വലിയ തരംഗമാണ് ഉണ്ടാക്കിയത്. ആദ്യ ഭാഗത്തിന്റെ അതേ ശൈലിയില് തന്നെയായിരിക്കും രണ്ടാം ഭാഗവും ഒരുങ്ങുന്നത്. ചിത്രത്തിന്റെ കാസ്റ്റ്, ക്രൂ, മറ്റ് അണിയറ പ്രവര്ത്തകര് എന്നിവരെക്കുറിച്ചുള്ള കൂടുതല് വിവരങ്ങള് ഉടന് വെളിപ്പെടുത്തുമെന്ന് അദ്ദേഹം അറിയിച്ചു.
ഒമര് ലുലുവിന്റെ കരിയറിലെ ശ്രദ്ധേയമായ ചിത്രമാണ് ഹാപ്പി വെഡിങ്. ചെറിയ ബജറ്റില് ഒരുങ്ങിയ ചിത്രം ബോക്സ് ഓഫിസില് വലിയ വിജയമാണ് നേടിയത്. സിജു വില്സണ്, ഷറഫുദ്ദീന്, സൗബിന് ഷാഹിര് എന്നിവരായിരുന്നു ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്. കൂടാതെ ദൃശ്യ രഘുനാഥ്, അനു സിത്താര, ഗ്രേസ് ആന്റണി, മരീന മൈക്കല് എന്നിവരും ശ്രദ്ധേയമായ വേഷങ്ങള് ചെയ്തിരുന്നു.
ഹാപ്പി വെഡിങ്ങിന് ശേഷം 'അഡാര് ലൗ', 'ധമാക്ക', 'നല്ല സമയം' തുടങ്ങി ആറോളം ചിത്രങ്ങള് ഒമര് ലുലു സംവിധാനം ചെയ്തിരുന്നു. എങ്കിലും സിജു വില്സണ് ഷറഫുദ്ദീന് സൗബിന് കൂട്ടുകെട്ട് തകര്ത്തഭിനയിച്ച ഹാപ്പി വെഡിങ്ങിനോളം ജനപ്രീതി ഒമര് ലുലുവി?ന്റെ മറ്റൊരു ചിത്രത്തിനും ലഭിച്ചിട്ടില്ല. ഈ വിജയക്കൂട്ടു തന്നെ രണ്ടാം ഭാഗത്തിലും ഉണ്ടാകുമോ എന്ന പ്രതീക്ഷയിലാണ് ആരാധകര്.
ഒമര് ലുലു നിലവില് തന്റെ പുതിയ പ്രൊജക്റ്റുകളുടെ തിരക്കിലാണ്. അടുത്തിടെ അദ്ദേഹം ഒരു പാന്ഇന്ത്യന് ചിത്രം പ്രഖ്യാപിച്ചിരുന്നു. ഇതിനിടയിലാണ് ആരാധകരെ ആവേശത്തിലാഴ്ത്തിക്കൊണ്ട് ഹാപ്പി വെഡിങ്ങിന്റെ രണ്ടാം ഭാഗത്തിന്റെ വാര്ത്ത എത്തിയിരിക്കുന്നത്.
https://www.facebook.com/Malayalivartha
