ഫ്ലാറ്റ് റൂഫ് ചോർച്ചക്കൊരു പരിഹാരം
26 JULY 2018 10:54 AM IST
മലയാളി വാര്ത്ത
മഴക്കാലം ആരംഭിക്കുന്നതോടെ വീടുകളിലെ ചോർച്ച പലപ്പോളും പ്രധാന തലവേദനയായി മാറുന്നു.
പഴയ കാലത്തുനിന്നും വ്യത്യസ്തമായി കോൺക്രീറ്റ് മേൽക്കൂരയുള്ള വീടുകൾ സർവ്വസാധാരണമായിട്ടും മഴക്കാലത്തെ ചോർച്ച കീറാമുട്ടിയായിത്തന്നെ ബാക്കിയാകുന്നു.ഫ്ലാറ്റ് റൂഫ് ആയാലും,ചരിഞ്ഞ മേൽക്കൂരയായാലും വേണ്ട മുൻകരുതലുകളും സംരക്ഷണവും ഒരുക്കിയില്ലെങ്കിൽ ചോർച്ച തടയാനുള്ള മുന്നൊരുക്കങ്ങൾക്ക് വലിയ പ്രാധാന്യമുണ്ട്.
മേൽക്കൂരയുടെ ചോർച്ച അടയ്ക്കുന്നതിനൊപ്പം പ്രാധാന്യമുണ്ട് മേൽക്കൂരയിൽ പെയ്തുവീഴുന്ന മഴവെള്ളം നാലികളിലേക്കായി സംരക്ഷിച്ചുവയ്ക്കുന്നതിലും.ഭൂഗർഭജലത്തിന്റെ അളവിൽ വലിയതോതിൽ കുറവ് വരുന്ന വർത്തമാന സാഹചര്യത്തിൽ വീട്ടിൽ പെയ്തുവീഴുന്ന മഴവെള്ളം കൂടി സംരക്ഷിച്ചു വയ്ക്കാനുള്ള മുന്നൊരുക്കങ്ങൾ ഇപ്പോൾ ആരംഭിക്കണം.
മഴക്കാലത്ത് മുന്നോടിയായി ഫ്ലാറ്റ് റൂഫുകൾ കരുതലോടെ സംരക്ഷിച്ച സൂക്ഷിക്കേണ്ടതുണ്ട്.വാട്ടർ പ്രൂഫിങ് ചെയ്യാത്ത ഫ്ലാറ്റ് റൂഫുകളിൽ പായൽ പിടിച്ച് വിള്ളലുകൾ വീഴാനുള്ള സാധ്യതകൾ കൂടുതലാണ്.അതിനാൽ തന്നെ വളരെ ശ്രദ്ധാപൂർവ്വം പായൽ നീക്കം ചെയ്ത് വാട്ടർ പ്രൂഫിങ്ങോ വൈറ്റ് സമെന്റോ അടിച്ചിടുന്നത് ചർച്ചയെ തടയാനുള്ള മുൻകരുതൽ ആണ്.
വിള്ളൽ കൂടുതൽ ആണെങ്കിൽ വാട്ടർ പ്രൂഫിന് മൂന്നായി പ്രഷർ ഗ്രൗട്ടിങ് ചെയ്യുന്നതും ഉചിതമാണ്.
മേൽക്കൂരയിൽ നിന്നും വെള്ളം പോകുന്ന പൈപ്പുകൾക്ക് പൊട്ടൽ ഇല്ലെന്ന് ഉറപ്പാക്കണം.പൊട്ടൽ ഉള്ള പൈപ്പുകൾ വഴി മഴവെള്ളം ഫിത്തിയിലേക്കോ , താഴെയുള്ള സൺഷെയ്ഡിലേക്കോ കിനിഞ്ഞിറങ്ങാനും മുറികളുടെ ഭിത്തികളിൽ ഈർപ്പം തളം കെട്ടാനോ സാധ്യതയുണ്ട്. ഭിത്തികളിൽ വിള്ളലുകൾ ഉണ്ടെങ്കിൽ അതുവഴി മഴവെള്ളം മുറിക്കുള്ളിൽ ഇറങ്ങാനും വഴിതെളിയിച്ചേക്കാം.സൺഷെയ്ഡു കളിലും ഭിത്തിയിലും പൊട്ടൽ വീണിട്ടുണ്ടെങ്കിൽ ക്റാക്ക് ഫില്ലേഴ്സോ,കോമ്പൗണ്ട്സോ ഉപയോഗിച്ച അടച്ചില്ലെങ്കിൽ മേൽ സൂചിപ്പിച്ച പ്രശ്നങ്ങളെല്ലാം അഭിമുഖീകരിക്കേണ്ടി വരും.പൊട്ടൽ അടയ്ക്കാൻ പ്രഷർ ഗ്രൗട്ടിങ് ചെയ്യുന്നതും ഉചിതമാണ്.