മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ആരോഗ്യപരമായി ഏറെക്കാലമായി അലട്ടിയിരുന്ന പ്രശ്‌നങ്ങളിൽ നിന്ന് ആശ്വാസം ലഭിക്കുന്ന വാരമാണിത്. ജോലിയിൽ സ്ഥാനക്കയറ്റമോ മറ്റ് ആനുകൂല്യങ്ങളോ ലഭിക്കാൻ സാധ്യതയുണ്ട്. വാഹനം, വീട്, വിവാഹം തുടങ്ങിയ കാര്യങ്ങളിൽ നിർണ്ണായകമായ തീരുമാനങ്ങളുണ്ടാകും. വാരം അവസാനത്തോടെ സ്വത്ത് സംബന്ധമായ കേസുകളിൽ ചില പ്രതികൂല നടപടികൾ നേരിടേണ്ടി വന്നേക്കാം. എങ്കിലും അപ്രതീക്ഷിത ധനലാഭത്തിന് സാധ്യതയുണ്ട്. കലാ-സാഹിത്യ മേഖലയിൽ പ്രവർത്തിക്കുന്നവർക്ക് വലിയ നേട്ടങ്ങൾ കൈവരിക്കാൻ സാധിക്കും. സമൂഹത്തിലെ ഉന്നതരുമായി നല്ല ബന്ധം സ്ഥാപിക്കാൻ ഈ സമയം അനുകൂലമാണ്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): വാരത്തിന്റെ തുടക്കത്തിൽ മാനസികവും സാമ്പത്തികവുമായ ചില വെല്ലുവിളികൾ നേരിടേണ്ടി വന്നേക്കാം. ഉദര സംബന്ധമായും ഹൃദയ സംബന്ധമായും പ്രയാസങ്ങൾ ഉള്ളവർ ആരോഗ്യ കാര്യത്തിൽ അതീവ ജാഗ്രത പുലർത്തണം. പിതാവിനോ പിതൃതുല്യർക്കോ ആരോഗ്യപ്രശ്നങ്ങൾ വരാൻ ഇടയുണ്ട്. എന്നാൽ വാരം മധ്യത്തോടെ കുടുംബത്തിൽ അഭിവൃദ്ധിയും സാമ്പത്തിക പുരോഗതിയും പ്രകടമാകും. മേടം രാശിക്കാരെപ്പോലെ തന്നെ ഈ രാശിക്കാർക്കും അപ്രതീക്ഷിത ധനലാഭമുണ്ടാകാനും കലാ-സാഹിത്യ മേഖലയിൽ പ്രവർത്തിക്കുന്നവർക്ക് നേട്ടങ്ങൾ കൈവരിക്കാനും സാധിക്കുമെന്ന് കാണുന്നു.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ഏറ്റവും അടുത്ത സുഹൃത്തുക്കളിൽ നിന്ന് അപ്രതീക്ഷിതമായ വിശ്വാസവഞ്ചന നേരിടാൻ സാധ്യതയുള്ളതിനാൽ കരുതിയിരിക്കണം. കുടുംബാംഗങ്ങളുമായി വാക്കുതർക്കങ്ങൾ ഉണ്ടാകാതെ പക്വതയോടെ പെരുമാറണം. വാഹനങ്ങൾ കൈകാര്യം ചെയ്യുമ്പോൾ അതീവ ശ്രദ്ധ ആവശ്യമാണ്. അനാവശ്യ ചിന്തകൾ മനസ്സിനെ അസ്വസ്ഥമാക്കിയേക്കാം. സ്ത്രീകളുമായുള്ള ഇടപാടുകളിൽ സാമ്പത്തിക നഷ്ടത്തിനോ മാനഹാനിക്കോ സാധ്യതയുള്ളതിനാൽ ജാഗ്രത വേണം. എങ്കിലും വാരം അവസാനിക്കുന്നതോടെ മനഃസന്തോഷവും ധനലാഭവും വന്നുചേരും.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): ഗുണദോഷ സമ്മിശ്രമായ അനുഭവങ്ങളാണ് ഈ വാരത്തിൽ കാത്തിരിക്കുന്നത്. പഴയ ബന്ധുക്കളെയും സുഹൃത്തുക്കളെയും കണ്ടുമുട്ടാനും ശുഭകാര്യങ്ങളിൽ പങ്കാളിയാകാനും അവസരമുണ്ടാകും. തൊഴിൽ വിജയവും വാഹനഭാഗ്യവും പ്രതീക്ഷിക്കാം. എന്നാൽ വാരമധ്യത്തോടെ അനാവശ്യ കാര്യങ്ങളിൽ ഇടപെടുന്നത് അപമാനത്തിന് കാരണമായേക്കാം. കേസ് വഴക്കുകളിൽ ഏർപ്പെട്ടിട്ടുള്ളവർ ജാഗ്രത പാലിക്കണം. ജല സംബന്ധമായ തൊഴിലുകളിൽ ഏർപ്പെട്ടിരിക്കുന്നവർക്ക് അപകട സാധ്യതയുള്ളതിനാൽ മുൻകരുതൽ എടുക്കുന്നത് നന്നായിരിക്കും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): വാരത്തിന്റെ തുടക്കത്തിൽ ശത്രുക്കളുടെ മേൽ വിജയവും അപ്രതീക്ഷിത ധനലാഭവും ഉണ്ടാകും. പട്ടാളം, പോലീസ് തുടങ്ങിയ മേഖലകളിൽ ഉള്ളവർക്ക് സ്ഥാനക്കയറ്റം ലഭിക്കാൻ യോഗമുണ്ട്. പഴയ സുഹൃത്തുക്കളോടൊപ്പം സമയം ചെലവഴിക്കാനും വിശിഷ്ട ഭോജനം ആസ്വദിക്കാനും സാധിക്കും. പുതിയ വസ്ത്രങ്ങളും ആഭരണങ്ങളും സമ്മാനമായി ലഭിക്കാൻ സാധ്യതയുണ്ട്. സമൂഹത്തിലെ പ്രമുഖരുമായി വേദി പങ്കിടാൻ അവസരം ലഭിക്കും. എന്നാൽ വാരന്ത്യത്തിൽ കുടുംബാംഗങ്ങളുമായി ചെറിയ തർക്കങ്ങൾ ഉണ്ടാകാതെ നോക്കണം.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): അനാവശ്യമായ ചിന്തകൾ തുടക്കത്തിൽ മനസ്സിനെയും ശരീരത്തെയും അസ്വസ്ഥമാക്കിയേക്കാം. ചിലർക്ക് വീട് വിട്ട് മാറി നിൽക്കേണ്ട സാഹചര്യമുണ്ടാകും. എന്നാൽ വാരമധ്യത്തോടെ ദാമ്പത്യ ഐക്യം, ധനനേട്ടം, രോഗശാന്തി എന്നിവ അനുഭവപ്പെടും. പുതിയ സൗഹൃദങ്ങൾ ജീവിതത്തിൽ സന്തോഷം നിറയ്ക്കും. വിദ്യാർത്ഥികൾക്ക് പഠനത്തിൽ മികവ് പുലർത്താനും സ്കോളർഷിപ്പുകൾ ലഭിക്കാനും സാധ്യതയുണ്ട്. വാരം അവസാനിക്കുമ്പോൾ സുഹൃത്തുക്കളിൽ നിന്നും കുടുംബത്തിൽ നിന്നും വലിയ തോതിലുള്ള പിന്തുണയും സഹായം ലഭിക്കും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): തുടക്കത്തിൽ ശാരീരികമായ അസ്വസ്ഥതകളും ആരോഗ്യക്ഷയവും അനുഭവപ്പെടാൻ സാധ്യതയുണ്ട്. ഭക്ഷണ കാര്യങ്ങളിൽ ശ്രദ്ധിച്ചില്ലെങ്കിൽ ഭക്ഷ്യവിഷബാധ പോലുള്ള പ്രശ്നങ്ങൾ നേരിടേണ്ടി വന്നേക്കാം. ജീവിതപങ്കാളിയുമായോ സുഹൃത്തുക്കളുമായോ അഭിപ്രായവ്യത്യാസങ്ങൾ ഉണ്ടാകാൻ ഇടയുണ്ട്. കുടുംബസ്വത്തുമായി ബന്ധപ്പെട്ട കേസുകളിൽ പരാജയഭീതി നിലനിൽക്കുന്നു. എങ്കിലും വാരം അവസാനിക്കുന്നതോടെ തൊഴിൽ വിജയം, സാമ്പത്തിക ഉന്നതി, ദാമ്പത്യ സൗഖ്യം എന്നിവ തേടിയെത്തും. ശത്രുക്കളെ പരാജയപ്പെടുത്താൻ ഈ സമയം സാധിക്കും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): പ്രണയിക്കുന്നവർക്ക് വിവാഹ കാര്യങ്ങളിൽ തീരുമാനമാകുന്ന സുഖകരമായ വാരമാണിത്. പഴയ വാഹനം മാറ്റി പുതിയത് വാങ്ങാൻ അനുകൂല സാഹചര്യമുണ്ടാകും. ദൂരദേശത്ത് ജോലി ചെയ്യുന്ന പങ്കാളിയോടൊപ്പം താമസിക്കാൻ തക്കവണ്ണം തൊഴിൽപരമായ മാറ്റങ്ങൾ പ്രതീക്ഷിക്കാം. എന്നാൽ വാരമധ്യത്തിൽ ആരോഗ്യപരമായ ചില വെല്ലുവിളികൾ നേരിടേണ്ടി വരും. സന്താനങ്ങളെ സംബന്ധിച്ച അനാവശ്യമായ ആശങ്കകൾ മനസ്സിനെ അലട്ടിയേക്കാം.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ഗുണവും ദോഷവും കലർന്ന അനുഭവങ്ങളായിരിക്കും ഈ വാരത്തിൽ ലഭിക്കുക. തുടക്കത്തിൽ ചില ആരോഗ്യ പ്രശ്നങ്ങൾ ബുദ്ധിമുട്ടിച്ചേക്കാം. മാനസിക സമ്മർദ്ദങ്ങൾ നേരിടുന്നവർ കാര്യങ്ങളിൽ കൂടുതൽ ശ്രദ്ധ പുലർത്തണം. വാരമധ്യത്തോടെ കുടുംബത്തിൽ സന്തോഷം തിരിച്ചെത്തും. പുതിയ തൊഴിൽ അവസരങ്ങളോ ബിസിനസ്സ് സംരംഭങ്ങളോ തുടങ്ങാൻ സാധിക്കും. എന്നാൽ വാരന്ത്യത്തിൽ കുടുംബാംഗങ്ങളുമായി അഭിപ്രായ വ്യത്യാസങ്ങൾ ഉണ്ടാകാതെ ശ്രദ്ധിക്കണം. കുടുംബത്തിൽ ആർക്കെങ്കിലും ചികിത്സയോ ആശുപത്രിവാസമോ വേണ്ടിവന്നേക്കാം.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): വാരത്തിന്റെ തുടക്കത്തിൽ മനഃസന്തോഷം, ബിസിനസ് ലാഭം, പുതിയ വീടോ ആഭരണങ്ങളോ സ്വന്തമാക്കാനുള്ള അവസരം എന്നിവയുണ്ടാകും. നല്ല സുഹൃദ്ബന്ധങ്ങൾ ആത്മവിശ്വാസം വർദ്ധിപ്പിക്കും. എന്നാൽ വാരമധ്യത്തിൽ അനാവശ്യമായ കൂട്ടുകെട്ടുകൾ വഴി അപവാദങ്ങൾ കേൾക്കുവാനോ സാമ്പത്തിക നഷ്ടത്തിനോ ഇടയുള്ളതിനാൽ ശ്രദ്ധിക്കണം. ചിലർക്ക് അപ്രതീക്ഷിതമായ ഭാഗ്യാനുഭവങ്ങളും ധനലാഭവും ദാമ്പത്യ സൗഖ്യവും ഈ ആഴ്ചയുടെ പ്രത്യേകതയാണ്.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ഗുണദോഷ സമ്മിശ്രമായ വാരമാണ് കടന്നുപോകുന്നത്. തുടക്കത്തിൽ ജീവിതപങ്കാളിയുമായോ മക്കളുമായോ അഭിപ്രായ വ്യത്യാസങ്ങൾ വരാൻ ഇടയുണ്ട്. കാര്യതടസ്സങ്ങൾ, ധനനഷ്ടം, മോഷണ ഭയം എന്നിവ കരുതിയിരിക്കണം. എന്നാൽ വാരമധ്യത്തോടെ തൊഴിൽ രംഗത്ത് ലാഭമുണ്ടാകുകയും മനഃസമാധാനം ലഭിക്കുകയും ചെയ്യും. വാരന്ത്യത്തിൽ സ്ത്രീ വിഷയങ്ങളുമായി ബന്ധപ്പെട്ട് അപമാനിതനാകാൻ ഇടയുള്ളതിനാൽ അതീവ ജാഗ്രത പാലിക്കണം.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): വാരത്തിന്റെ തുടക്കത്തിൽ കോടതി സംബന്ധമായ കാര്യങ്ങളിൽ വിജയവും ധനലാഭവും പ്രതീക്ഷിക്കാം. ഉന്നത സ്ഥാനലബ്ധി, തൊഴിൽ വിജയം, ദാമ്പത്യ ഐക്യം എന്നിവ തേടിയെത്തും. എന്നാൽ വാരമധ്യത്തോടെ ആരോഗ്യ കാര്യത്തിൽ തിരിച്ചടികൾ ഉണ്ടായേക്കാം. പങ്കാളിക്കോ മക്കൾക്കോ ആരോഗ്യപ്രശ്നങ്ങൾ വരുന്നത് മനോദുഃഖത്തിന് കാരണമാകും. സാമ്പത്തിക ക്ലേശങ്ങൾ വരാമെങ്കിലും വാരം അവസാനിക്കുന്നതോടെ ബിസിനസ്സിൽ പുരോഗതിയും പുതിയ വസ്ത്രങ്ങളും ആഭരണങ്ങളും ലഭിക്കാനുള്ള ഭാഗ്യവുമുണ്ടാകും.

    തയ്യാറാക്കിയത്:
ജയറാണി ഇ. വി.
വിളിക്കുക: +91 9746812212
(പാരമ്പര്യ ജ്യോതിഷ കുടുംബാംഗമായ ജയറാണി, കഴിഞ്ഞ 25 വർഷത്തിലേറെയായി ജ്യോതിഷം, വാസ്തു, സംഖ്യാശാസ്ത്രം, ആചാര അനുഷ്ഠാനങ്ങൾ എന്നീ മേഖലകളിൽ വിശ്വസ്തമായ മാർഗ്ഗനിർദ്ദേശങ്ങൾ നൽകിവരുന്നു.) "