പ്രവാസികൾക്ക് ആശ്വാസകരമായ വാർത്തയാണ് പുറത്തേക്ക് വരുന്നത്. വന്ദേഭാരത് മിഷ​​െൻറ ഭാഗമായി ഇന്ത്യയിൽ നിന്ന് യു.എ.ഇയിലേക്ക് കൂടുതൽ വിമാനങ്ങൾ പ്രഖ്യാപിച്ചതായി റിപ്പോർട്ട്. അതായത് വെള്ളിയാഴ്​ച മുതൽ ആഗസ്​റ്റ്​ 15 വരെയാണ് എയർ ഇന്ത്യ എക്സ്പ്രസ് വിമാനങ്ങൾ പ്രഖ്യാപിച്ചത്. കേരളത്തിൽ നിന്ന് 48 വിമാനങ്ങൾ ഈ ദിവസങ്ങളിൽ സർവീസ് നടത്തുകയും ചെയ്യുന്നതായിരിക്കും. എന്നാൽ യു.എ.ഇ റെസിഡൻറ്​ വിസയുള്ളവർക്ക് മാത്രമായിരിക്കും യാത്ര അനുവദിക്കുക.

കേരളത്തിലെ എല്ലാ വിമാനത്താവളങ്ങളിൽ നിന്നും സർവീസുകൾ ഏർപ്പെടുത്തിയിട്ടുണ്ട്. യുഎഇയിലെ ദുബൈ, അബൂദബി, ഷാർജ വിമാനത്താവളങ്ങളിലേക്കാണ് സർവീസ് നടത്തുക. യു.എ.ഇ റെസിഡൻറ്​ വിസയുള്ളവർക്ക് മാത്രമേ യാത്ര അനുവദിക്കൂ. ഐ.സി.എ, അല്ലെങ്കിൽ ജി.ഡി.ആർ.എഫ്.എ അനുമതിയുണ്ടാകണം എന്നതാണ്. 96 മണിക്കൂറിനുള്ള അംഗീകൃത ലാബുകളിൽ നടത്തിയ പി.സി.ആർ പരിശോധന ഫലവും നിർബന്ധമാക്കുകയുണ്ടായി.

അതേസമയം കോവിഡ്​ പ്രതിസന്ധിയു​ടെ പശ്ചാത്തലത്തിൽ ഇന്ത്യയടക്കം ഏഴ്​ രാജ്യങ്ങളിൽനിന്നുള്ള യാത്രക്കാർക്ക്​ കുവൈത്തിൽ താൽക്കാലികമായി പ്രവേശന വിലക്ക്​ ഏർപ്പെടുത്തി. ഇന്ത്യ, ബംഗ്ലാദേശ്​, ശ്രീലങ്ക, പാകിസ്ഥാൻ, ഫിലിപ്പീൻസ്​, ഇറാൻ, നേപ്പാൾ എന്നീ രാജ്യത്തുനിന്നുള്ള യാത്രക്കാർക്കാണ്​ പ്രവേശന വിലക്ക് ഏർപ്പെടുത്തിയിരിക്കുന്നത്​. ആഗസ്​റ്റ്​ ഒന്നുമുതൽ കുവൈത്ത്​ അന്താരാഷ്​​ട്ര വിമാനത്താവളത്തിൽ കൊമേഴ്​സ്യൽ വിമാന സർവീസ്​ ആരംഭിക്കുന്ന സാഹചര്യത്തിലാണ് ഇത്തരത്തിൽ വിലക്ക് ഏർപ്പെടുത്തിയ വാർത്തകൾ പ്രവാസികൾക്ക് തിരിച്ചടിയാകുന്നത്.