പോലീസ് തന്നെയാണ് രസകരമായ സംഭവം ട്വിറ്ററില്‍ പങ്കുവെച്ചിരിക്കുന്നത്. പാതിരാത്രിയിലുള്ള കറക്കത്തിനിടയില്‍ പൂച്ച വീട്ടിലേക്ക് കൊണ്ടുവന്നത് പ്ലാസ്റ്റിക് കവറിലുള്ള മയക്കുമരുന്നാണ്. ഇംണ്ടിലെ ബ്രിസ്‌റ്റോളിലാണ് അത്യപുര്‍വ സംഭവം നടന്നത്.

രാവിലെ ഉറക്കം തെളിഞ്ഞപ്പോഴാണ് ഉടമസ്ഥന്‍ പ്ലാസ്റ്റിക് കവര്‍ കാണുന്നത്. തുറന്നുനോക്കിയപ്പോള്‍ ക്ലാസ് എ വിഭാഗത്തില്‍പ്പെടുന്ന മയക്കുമരുന്നും. ഉടമ ആദ്യമൊന്ന് ഞെട്ടിയെങ്കിലും ഉടന്‍ തന്നെ പോലീസിനെ വിളിച്ച്‌ വിവരമറിയിക്കുകയായിരുന്നു. മയക്കുമരുന്നിന്റെ ഉറവിടം കണ്ടെത്താനുള്ള തീവ്രശ്രമത്തിലാണ് പോലീസ്. മയക്കുമരുന്ന് വേട്ട നടത്തിയ പൂച്ചയ്ക്കും ഉടമസ്ഥനും പോലീസ് സുരക്ഷയിലാണ്. മയക്കുമരുന്ന് അടങ്ങിയ പ്ലാസ്റ്റിക് കവറിന്റെ ചിത്രവും സംഭവിച്ച കാര്യങ്ങളും പോലീസ് തന്നെ പങ്കുവച്ചതോടെ പൂച്ച സൂപ്പർസ്റ്റാറായി മാറിയിരിക്കുകയാണ്.