കോഴിക്കോടും മലപ്പുറവും ഇനി നിപ രഹിത ജില്ലയായി ആരോഗ്യമന്ത്രി പ്രഖ്യാപിച്ചു; രോഗിയെ ചികിത്സിക്കുന്നതിനിടെ നിപ ബാധയേറ്റ് മരിച്ച പേരാമ്പ്ര താലൂക്ക് ആശുപത്രിയിലെ നഴ്സ് ലിനിക്കുള്ള ആദരം ഭര്ത്താവ് സജീഷ് ഏറ്റുവാങ്ങി; മികച്ച ഡോക്ടര്മാര്ക്കുള്ള അവാര്ഡും സമ്മാനിച്ചു
മലപ്പുറവും കോഴിക്കോടും നിപാ രഹിത ജില്ലകളായി ആരോഗ്യമന്ത്രി കെ.കെ ശൈലജ പ്രഖ്യാപിച്ചു. കോഴിക്കോട് നളന്ദ ഓഡിറ്റോറിയത്തില് നടന്ന ചടങ്ങിലാണ് ആരോഗ്യമന്ത്രിയുടെ പ്രഖ്യാപനം.
രോഗിയെ ചികിത്സിക്കുന്നതിനിടെ നിപ ബാധയേറ്റ് മരിച്ച പേരാമ്പ്ര താലൂക്ക് ആശുപത്രിയിലെ നഴ്സ് ലിനിക്കുള്ള ആദരം ഭര്ത്താവ് സജീഷ് ഏറ്റുവാങ്ങി. നിപ നിയന്ത്രണവിധേയമാക്കുന്നതിന് പ്രവര്ത്തിച്ചവര്ക്കുള്ള സംസ്ഥാന സര്ക്കാരിന്റെ ആദരവും ചടങ്ങില് വിതരണം ചെയ്തു.
ചടങ്ങില് വച്ച് 2017ലെ മികച്ച സേവനം കാഴ്ചവച്ച മോഡേണ് മെഡിസിന് ഡോക്ടര്മാര്ക്കുള്ള സംസ്ഥാന അവാര്ഡുകളും മന്ത്രി കെ.കെ. ശൈലജ ടീച്ചര് വിതരണം ചെയ്തു.
മെഡിക്കല് വിദ്യാഭ്യാസ മേഖലയില് കോഴിക്കോട് മെഡിക്കല് കോളേജ് പ്രിന്സിപ്പല് ഡോ. വി.ആര്. രാജേന്ദ്രന്, ഹെല്ത്ത് സര്വീസ് വിഭാഗത്തില് ആലപ്പുഴ സ്ത്രീകളുടേയും കുട്ടികളുടേയും ആശുപത്രി സൂപ്രണ്ട് ഡോ. മുരളീധരന് പിള്ള സി., ഇന്ഷുറന്സ് മെഡിക്കല് സര്വീസ് സെക്ടറില് കരമന ഇ.എസ്.ഐ. ഡിസ്പെന്സറിയിലെ ഡോ. എസ്. രാധാകൃഷ്ണന്, ആര്.സി.സി., ശ്രീചിത്ര തുടങ്ങിയ സ്വയംഭരണ മേഖലയില് തിരുവനന്തപുരം ആര്.സി.സി.യിലെ ഡോ. ചന്ദ്രമോഹന് കെ., ദന്തല് മേഖലയില് തിരുവനന്തപുരം ദന്തല് കോളേജിലെ ഓര്ത്തോഡോണ്ടിക്സ് പ്രൊഫസറും മേധാവിയുമായ ഡോ. കോശി ഫിലിപ്പ്, സ്വകാര്യമേഖലയില് കോഴിക്കോട് ബേബി മെമ്മോറിയല് ഹോസ്പിറ്റലിലെ ഡോ. ഷാജി തോമസ് ജോണ് എന്നിവരാണ് മികച്ച ഡോക്ടര്മാര്ക്കുള്ള അവാര്ഡ് ഏറ്റുവാങ്ങിയത്.
നിപ വൈറസ് കണ്ടുപിടിക്കാന് മുന്കൈയ്യെടുത്ത കോഴിക്കോട് ബേബി മെമ്മോറിയല് ആശുപത്രിയിലെ ഡോ. എ.എസ്. അനൂപ് കുമാറിന് സ്പെഷ്യല് അവാര്ഡ് നല്കി ആദരിച്ചു.
നിപ നിയന്ത്രണത്തില് ത്യാഗോജ്ജ്വല സേവനം നടത്തിയവരേയും ആദരിച്ചു. ലിനിയുടെ കുടുംബം, കോഴിക്കോട് ജില്ലാ കളക്ടര് യു.വി. ജോസ്, മലപ്പുറം ജില്ലാകളക്ടര് അമിത് മീണ, മണിപ്പാല് വൈറോളജി ഇന്സ്റ്റിറ്റിയൂട്ട് ഡയറക്ടര് ജി. അരുണ്കുമാര്, ബേബി മെമ്മോറിയല് ആശുപത്രി ക്രിട്ടിക്കല് കെയര് മെഡിസിന് വിഭാഗം മേധാവി ഡോ. എ.എസ്. അനൂപ് കുമാര്, കോഴിക്കോട് കോര്പറേഷന് ഹെല്ത്ത് ഓഫീസര് ഡോ. ആര്.എസ്. ഗോപകുമാര്, അപ്പോള സൂപ്പര് സ്പെഷ്യാലിറ്റി എം.ഡി. ഡോ. അബ്ദുള് ഗഫൂര്, ജില്ലാ മെഡിക്കല് ഓഫീസ് കോഴിക്കോട്, ജില്ലാ മെഡിക്കല് ഓഫീസ് മലപ്പുറം, കോഴിക്കോട് മെഡിക്കല് കോളേജ് സൂപ്രണ്ട്, എമര്ജന്സി മെഡിസിന് വിഭാഗം, ജനറല് മെഡിസിന് വിഭാഗം, റെസ്പിറേറ്ററി മെഡിസിന്, കമ്മ്യൂണിറ്റി മെഡിസിന്, കേരള മെഡിക്കല് സര്വീസസ് കോര്പറേഷന് ലിമിറ്റഡ്, റവന്യൂ വകുപ്പ് കോഴിക്കോട്, കോര്പറേഷന് കോഴിക്കോട്, ആരോഗ്യ കേരളം കോഴിക്കോട്, പ്രസ്ക്ലബ്ബ് കോഴിക്കോട്, ഐ & പിആര്ഡി കോഴിക്കോട്, മൃഗസംരക്ഷണ വകുപ്പ് കോഴിക്കോട്, പേരാമ്പ്ര താലൂക്ക് ആശുപത്രി, ജില്ല മെന്റല് ഹെല്ത്ത് പ്രോഗ്രാം കോഴിക്കോട്, ഹെല്ത്ത് & ഫാമിലി വെല്ഫെയര് ട്രെയിനിംഗ് സെന്റര് മലാപ്പറമ്പ്, എയ്ഞ്ചല്സ് ആംബുലന്സ് സര്വീസ്, ബാലുശേരി താലൂക്ക് ആശുപത്രി, ബേബി മെമ്മോറിയല് ഹോസ്പിറ്റല്, കോഴിക്കോട് സിറ്റി പോലീസ് കമ്മീഷണര്, റൂറല് എസ്.പി., ഫോറസ്റ്റ് വിഭാഗം, പി.എച്ച്.സി. ചെങ്ങരോത്ത്, പി.എച്ച്.സി. കോട്ടൂര്, പി.എച്ച്.സി. ചെക്കിയാട്, പി.എച്ച്.സി. നരിപ്പറ്റ, പി.എച്ച്.സി. ആവള, പി.എച്ച്.സി. പന്നിക്കോട്ടൂര്, സി.എച്ച്.സി. ഒളവണ്ണ, പി.എച്ച്.സി. കൂരാചുണ്ട്, പി.എച്ച്.സി. കൊടിയത്തൂര്, പി.എച്ച്.സി. ചെങ്ങോട്ടുകാവ്, മലപ്പുറത്തുള്ള പി.എച്ച്.സി.കളായ തെന്നല, മൂര്ക്കനാട്, തേഞ്ഞിപ്പാലം, ഹൗസ് സര്ജന് അസോസിയേഷന് കോഴിക്കോട്, മണിപ്പാല് വൈറോളജി ഇന്സ്റ്റിറ്റിയൂട്ടിലെ ഡോക്ടര്മാര്, കമ്പാഷണേറ്റ് കോഴിക്കോട് എന്നിവര്ക്ക് പ്രശസ്തി പത്രം നല്കി ആദരിച്ചു.
രോഗികളെ നേരിട്ട് പരിചരിച്ചവര്ക്ക് ഇന്ക്രിമെന്റ് നല്കുന്നതാണ്.
https://www.facebook.com/Malayalivartha
