വയനാട് മേപ്പാടിയില്‍ മാവോയിസ്റ്റുകള്‍ ബന്ദിയാക്കിയ മൂന്നാമനും രക്ഷപ്പെട്ടു. ഇതര സംസ്ഥാന തൊഴിലാളിയും ബംഗാള്‍ സ്വദേശിയുമായ അലാവുദീനാണ് രക്ഷപ്പെട്ടത്. മറ്റ് മൂന്നു പേര്‍ വെള്ളിയാഴ്ച രക്ഷപ്പെട്ടിരുന്നു. മേപ്പാടി എമറാള്‍ഡ് എസ്‌റ്റേറ്റിലെ ഏലത്തോട്ടത്തിലാണ് ഇതര സംസ്ഥാന തൊഴിലാളികളെ ബന്ദികളാക്കിയത്.ആയുധധാരികളായ മാവോയിസ്റ്റ് സംഘത്തില്‍ മൂന്നു പുരുഷന്മാരും ഒരു സ്ത്രീയും ഉള്ളതായി രക്ഷപ്പെട്ട തൊഴിലാളി പൊലീസിന് മൊഴി നല്‍കിയിരുന്നു.

ഒരു റിസോര്‍ട്ടില്‍ നിര്‍മാണ പ്രവര്‍ത്തനങ്ങള്‍ക്ക് എത്തിയവരാണ് ബന്ദികളാക്കപ്പെട്ടത്.അതേസമയം, മാവോയിസ്റ്റുകള്‍ക്കായി പൊലീസും മാവോയിസ്റ്റ് വിരുദ്ധസേനയായ തണ്ടര്‍ബോള്‍ട്ടും രാവിലെ തെരച്ചില്‍ നടത്തുമെന്നാണ് വിവരം.