കാലവര്‍ഷക്കെടുതിയില്‍ പെട്ട് ദുരിതം അനുഭവിക്കുന്നവര്‍ക്ക് മാനദണ്ഡം അനുസരിച്ചുള്ള നഷ്ടപരിഹാരം നല്‍കുമെന്ന് കേന്ദ്ര ആഭ്യന്തര സഹമന്ത്രി കിരണ്‍ റിജിജു... ആദ്യഘട്ട ധനസഹായം 80 കോടി രൂപ അനുവദിച്ചു
കേരളത്തിലുണ്ടായ കാലവര്‍ഷക്കെടുതിയില്‍ ആദ്യഘട്ട ധനസഹായമായി 80 കോടി രൂപ അനുവദിച്ചതായി കേന്ദ്രമന്ത്രി കിരണ്‍ റിജിജു. ദുരന്തം വിലയിരുത്തിയ ശേഷം ബാക്കി തുക തീരുമാനിക്കും. മാനദണ്ഡം അനുസരിച്ചുള്ള നഷ്ടപരിഹാരം നല്‍കുമെന്നും റിജിജു പറഞ്ഞു. ആലപ്പുഴ, കോട്ടയം, എറണാകുളം ജില്ലകളിലെ കാലവര്‍ഷക്കെടുതി വിലയിരുത്താന്‍ എത്തിയ കേന്ദ്രമന്ത്രി മാധ്യമങ്ങളോടാണ് ഇക്കാര്യമറിയിച്ചത്. കാലവര്‍ഷക്കെടുതി വിലയിരുത്താന്‍ കേന്ദ്രമന്ത്രിമാരായ കിരണ്‍ റിജിജുവും അല്‍ഫോണ്‍സ് കണ്ണന്താനവും രാവിലെയാണ് കേരളത്തിലെത്തിയത്.
ഉച്ചവരെ കുട്ടനാട്ടിലെ വെള്ളപ്പൊക്ക ബാധിത പ്രദേശം സന്ദര്‍ശിക്കുന്ന മന്ത്രിമാര്‍ ഹെലികോപ്ടറില്‍ കോട്ടയത്തേക്ക് പോകും. തുടര്‍ന്ന് എറണാകുളത്തേക്ക് പോകുന്ന സംഘം വൈകീട്ട് ചെല്ലാനം സന്ദര്‍ശിച്ച് രാത്രി ഡല്‍ഹിക്ക് മടങ്ങും. ദേശീയദുരന്ത നിവാരണ അതോറിറ്റി അംഗം ആര്‍.കെ. ജെയിന്‍, ആഭ്യന്തരവകുപ്പ് ജോയന്റ് സെക്രട്ടറി സഞ്ജീവ്കുമാര്‍ ജിണ്ടാല്‍, ദേശീയദുരന്ത പ്രതികരണസേന ഐ.ജി രവി ജോസഫ് ലോക്കു എന്നിവര്‍ സംഘത്തിലുണ്ട്.
https://www.facebook.com/Malayalivartha
