അടിയന്തര വൈദ്യസഹായമെത്തിക്കാനായി അത്യാധുനിക സൗകര്യങ്ങളോടെയുള്ള ജലആംബുലന്സ് ആലപ്പുഴയില് പ്രവര്ത്തനം തുടങ്ങി
ആലപ്പുഴയിലെ വെള്ളപ്പൊക്ക ദുരിതബാധിത മേഖലയില് പ്രത്യേകിച്ച് കുട്ടനാടിന്റെ വിവിധ ഭാഗങ്ങളില് അടിയന്തര വൈദ്യസഹായമെത്തിക്കാനായി അത്യാധുനിക സൗകര്യങ്ങളോടെയുള്ള ജലആംബുലന്സ് പ്രവര്ത്തനം തുടങ്ങി. ജല ആംബുലന്സിന്റെ ഉദ്ഘാടനം കെ.എസ്.ആര്.ടി.സി. ബസ് സ്റ്റാന്റ് പരിസരത്ത് പൊതുമരാമത്തുമന്ത്രി ജി.സുധാകരന് നിര്വഹിച്ചു. മൂന്നു വാട്ടര് ആംമ്പുലന്സ് കൂടി സജ്ജമാക്കുമെന്ന് മന്ത്രി അറിയിച്ചു. അടിയന്തിര ആംബുലന്സ് സേവനം ആവശ്യമുള്ളവര്ക്ക് 108 ടോള് ഫ്രീ നമ്പറില് വിളിക്കാം. ദേശീയ ആരോഗ്യദൗത്യം, സംസ്ഥാന ജലഗതാഗതവകുപ്പ് എന്നിവയുടെ സംയുക്ത സംരംഭമാണിത്.
അതേസമയം കുട്ടനാട്ടിലെ ദുരിതാശ്വാസ ക്യാമ്പുകള് മന്ത്രി ജി. സുധാകരന്റെ നേതൃത്വത്തിലുള്ള സംഘം സന്ദര്ശിച്ചു. സ്വാമിനാഥന് കമ്മീഷന് റിപ്പോര്ട്ടിന്റെ അടിസ്ഥാനത്തിലുളള കുട്ടനാട് പാക്കേജിന്റെ രണ്ടാംഘട്ട വികസനം ഉണ്ടായാലെ കുട്ടനാട്ടിലെ മഴക്കെടുതി മൂലമുള്ള പ്രശ്നങ്ങള്ക്ക് പരിഹാരമാകുവെന്ന് മന്ത്രി പറഞ്ഞു. പാചക വാതക സിലണ്ടറുകള് കൃത്യമായി ക്യാമ്പില് എത്തുന്നുണ്ടെന്ന് ഉറപ്പാക്കാന് ഉദ്യോഗസ്ഥരെ ചുമതലപ്പെടുത്തിയതായി മന്ത്രി അറിയിച്ചു. അമ്പലപ്പുഴ പി.എന് പണിക്കര് സ്മാരക എല്.പി സ്കൂള്, കോമന എല്.പി സ്കൂള്, കക്കാഴം ആരോഗ്യ ഉപകേന്ദ്രം, നെടുമുടി കൊട്ടാരം സ്കൂള്, പുളിങ്കുന്ന് ഭാഗങ്ങള്, കൈനകരി മീനപ്പള്ളി തെക്ക്,കൊച്ചുകാട്ടുതറ, കൈനകരി പ്രദേശങ്ങള്, ചെറുകാലി കായല് എന്നിവിടങ്ങളിലെ ക്യാമ്പുകള് മന്ത്രി സന്ദര്ശിച്ചു.
https://www.facebook.com/Malayalivartha
