ഇന്ന് ആരംഭിക്കാനിരിക്കുന്ന ടൊയോട്ട യാരിസ് ലാലിഗ വേള്‍ഡ് ഫുട്ബോള് മത്സരങ്ങളോടനുബന്ധിച്ച; കൊച്ചിയില്‍ ഗതാഗത നിയന്ത്രണം പ്രധാന നിര്‍ദേശങ്ങള്‍ നോക്കാം
കൊച്ചി കലൂര്‍ സ്‌റ്റേഡിയത്തില്‍ ഇന്നുമുതല്‍ ആരംഭിക്കുന്ന ടൊയോട്ട യാരിസ് ലാലിഗ വേള്‍ഡ് ഫുട്ബോള് മത്സരങ്ങളോടനുബന്ധിച്ച് 24നും 27, 28 തീയതികളിലും നഗരത്തില്‍ ഗതാഗതനിയന്ത്രണം ഏര്‍പ്പെടുത്തി.
പ്രധാന നിര്‍ദേശങ്ങള്‍:
ന്മഇടപ്പള്ളി ബൈപാസ് മുതല്‍ ഹൈക്കോടതി ജങ്ഷന്‍ വരെ (ബാനര്‍ജി റോഡ്) ചെറിയ വാഹനങ്ങള്‍ക്കും സര്‍വീസ് ബസുകള്‍ക്കുമൊഴികെ കര്‍ശന നിയന്ത്രണം. മറ്റു വാഹനങ്ങള്‍ രണ്ടു മണി മുതല്‍ പാലാരിവട്ടം മുതല്‍ ഹൈക്കോടതി ജംക്ഷന്‍ വരെയുള്ള റോഡില്‍ പ്രവേശിക്കരുത്. ഒരു വാഹനവും പാര്‍ക്ക് ചെയ്യാനും പാടില്ല.
* സ്‌റ്റേഡിയത്തിന്റെ മെയിന്‍ ഗെയ്റ്റ് മുതല്‍ സ്‌റ്റേഡിയം വരെയുള്ള റോഡിലും സ്‌റ്റേഡിയത്തിനു ചുറ്റുമുള്ള റോഡിലും സ്‌റ്റേഡിയത്തിന്റെ പിന്‍ഭാഗം മുതല്‍ കാരണക്കോടം വരെയുള്ള റോഡിലും പാര്‍ക്കിങ് പാടില്ല.
* മത്സരം കാണാനായി ചെറിയ വാഹനങ്ങളില്‍ വരുന്നവര്‍ക്ക് പാലാരിവട്ടം റൗണ്ട് – തമ്മനം റോഡ്, കാരണക്കോടം വഴിയും വൈറ്റില ഭാഗത്തു നിന്ന് എസ്എ റോഡ്, കടവന്ത്ര, കതൃക്കടവ്, കാരണക്കോടം വഴിയും സ്‌റ്റേഡിയത്തിന്റെ പിറകിലെത്താം. ഇവര്‍ കാരണക്കോടം സെന്റ് ജൂഡ് ചര്‍ച്ച് ഗ്രൗണ്ട്, ഐഎംഎ ഗ്രൗണ്ട്, വാട്ടര്‍ അതോറിറ്റി മൈതാനം, ഹെലിപാഡ് മൈതാനം എന്നിവിടങ്ങളില്‍ വാഹനം പാര്‍ക്ക് ചെയ്യാം. വലിയ വാഹനങ്ങള്‍ ഇടപ്പള്ളി–വൈറ്റില ദേശീയപാതയുടെ ഇരുവശങ്ങളിലുമുള്ള സര്‍വീസ് റോഡുകളിലും സീപോര്‍ട്ട് – എയര്‍പോര്‍ട്ട് റോഡ്, കണ്ടെയ്‌നര്‍ ടെര്‍മിനല്‍ റോഡ് എന്നിവിടങ്ങളിലും പാര്‍ക്ക് ചെയ്യണം.
* വൈപ്പിന്‍, ഹൈക്കോടതി ഭാഗങ്ങളില്‍ നിന്നു സ്‌റ്റേഡിയത്തിലേക്കു വരുന്ന ചെറിയ വാഹനങ്ങള്‍ മണപ്പാട്ടിപ്പറമ്പ് പാര്‍ക്കിങ് മൈതാനം, സ്‌റ്റേഡിയത്തിനു മുന്നിലുള്ള പാര്‍ക്കിങ് ഗ്രൗണ്ടുകള്‍ എന്നിവിടങ്ങളില്‍ പാര്‍ക്ക് ചെയ്യണം. വൈപ്പിന്‍, ചേരാനല്ലൂര്‍ ഭാഗങ്ങളില്‍ നിന്നു വരുന്ന വലിയ വാഹനങ്ങള്‍ കളമശ്ശേരി പ്രീമിയര്‍ ജംക്ഷന്‍ – ഇടപ്പള്ളി ബൈപാസ് ജംക്ഷന്‍ എന്നിവിടങ്ങളില്‍ ആളെയിറക്കി കണ്ടെയ്‌നര്‍ ടെര്‍മിനല്‍ റോഡില്‍ പാര്‍ക്ക് ചെയ്യണം.
* ബോള്‍ഗാട്ടിയില്‍ നിന്നു ഗോശ്രീ ഒന്നാം പാലം വഴി സര്‍വീസ് ബസുകള്‍ മാത്രമേ രണ്ടു മണി മുതല്‍ നഗരത്തിലേക്കു പ്രവേശിപ്പിക്കൂ.
ന്മവടക്കന്‍ ജില്ലകളില്‍ നിന്നു വരുന്ന വാഹനങ്ങള്‍ ആലുവ മണപ്പുറം, മെട്രോ സ്‌റ്റേഷന്‍, കളമശ്ശേരി പ്രീമിയര്‍ ജംക്ഷന്‍, ഇടപ്പള്ളി എന്നിവിടങ്ങളില്‍ ആളെ ഇറക്കി, ആലുവ മണപ്പുറം, കണ്ടെയ്‌നര്‍ ടെര്‍മിനല്‍ റോഡ് എന്നിവിടങ്ങളില്‍ പാര്‍ക്ക് ചെയ്യണം.
* തെക്കന്‍ ജില്ലകളില്‍ നിന്നു വരുന്ന വാഹനങ്ങള്‍ പാലാരിവട്ടം ജംക്ഷനില്‍ ആളെ ഇറക്കി, പാലാരിവട്ടം – കുണ്ടന്നൂര്‍ ദേശീയപാതയുടെ ഇരുവശത്തെയും സര്‍വീസ് റോഡുകളില്‍ പാര്‍ക്ക് ചെയ്യണം.
* പാസുള്ളവരുടെ വാഹനങ്ങള്‍ മാത്രമേ സ്‌റ്റേഡിയം ഗ്രൗണ്ടില്‍ പ്രവേശിപ്പിക്കൂ.
* പ്രത്യേക സ്റ്റിക്കര്‍ ഇല്ലാത്ത വാഹനങ്ങള്‍ സ്‌റ്റേഡിയം റൗണ്ടില്‍ പ്രവേശിപ്പിക്കില്ല.
* പ്രാഥമിക റൗണ്ട് കളികളുടെ തീയതികളില്‍ രാത്രി 9.30 മുതല്‍ കത്രിക്കടവ് ജംക്ഷനില്‍ നിന്നു കാരണക്കോടം ജംക്ഷനിലേക്കും തമ്മനം ജംക്ഷനില്‍ നിന്നു കാരണക്കോടം ജംക്ഷനിലേക്കും വാഹനഗതാഗതം നിരോധിച്ചു.
* കാരണക്കോടം ജംക്ഷന്‍ മുതല്‍ സ്‌റ്റേഡിയം ബാക്ക് വരെ നാലു വരിപ്പാതയില്‍ ഇരുചക്ര വാഹനങ്ങള്‍ ഉള്‍പ്പെടെയുള്ള ഒരു വാഹനത്തിനും ഉച്ചയ്ക്കു രണ്ടു മുതല്‍ രാത്രി പത്തു വരെ പാര്‍ക്കിങ് അനുവദിക്കില്ല.
https://www.facebook.com/Malayalivartha
