സ്ത്രീകള്ക്ക് കാറോടിക്കാനുള്ള ലൈസന്സ് അനുവദിച്ച മുഹമ്മദ് ബിന് സല്മാന് നല്കിയ സ്വാതന്ത്ര്യം ദുരുപയോഗം ചെയ്ത യുവതിയെ കാത്തിരിക്കുന്നത് 20 കൊല്ലത്തെ തടവ്
കിരീടാവകാശിയായ മുഹമ്മദ് ബിന് സല്മാന് സൗദിയില് വരുത്തിയ മാറ്റം വളരെ വലുതാണ്. സ്ത്രീകള്ക്ക് കാറോടിക്കാനുള്ള ലൈസന്സ് അനുവദിച്ചും പുരുഷ സഹായമില്ലാതെ ബിസിനസ് സംരംഭങ്ങള് ആരംഭിക്കാന് അനുവാദം നല്കിയും ഫുട്ബോള് മത്സരങ്ങള് കാണാന് അനുവദിച്ചുമാണ് മുഹമ്മദ് ബിന് സല്മാന് ആ പ്രതീക്ഷകള് വാനോളമുയര്ത്തിയത്. എന്നാല്, സ്വാതന്ത്ര്യം ദുരുപയോഗം ചെയ്ത വനിതാ നേതാവ് 20 വര്ഷം തടവുശിക്ഷ കാത്ത് കഴിയുകയാണിപ്പോള്.
വാനിറ്റി ഫെയര് ഫോട്ടോഷൂട്ടില് മേഘന് മെര്ക്കല് രാജകുമാരിക്കൊപ്പം പ്രത്യക്ഷപ്പെട്ട ലൗജെയിന് അല്ഹാത്തൂളെന്ന 28കാരിയാണ് തടവുശിക്ഷ കാത്തിരിക്കുന്നത്. ഇവരുള്പ്പെടെ ഒമ്പത് യുവതികളെ മെയ് മാസത്തിലാണ് പൊലീസ് തടവിലാക്കിയത്. െ്രെഡവിങ്ങിനുണ്ടായിരുന്ന വിലക്ക് നീങ്ങുന്നതിന് മുന്നെ ഇത്തരം പ്രകടനങ്ങള് നടത്താന് ഗൂഢാലോചന നടത്തിയെന്നതാണ് ഇവര്ക്കെതിരേ ചുമത്തിയിട്ടുള്ള കുറ്റം.
സര്ക്കാര് ഉത്തരവിടുന്നതിന് മുന്നെ ഇത്തരം നടപടികള് പ്രാവര്ത്തികമാക്കാന് ശ്രമിച്ചതിനാണ് ഹാത്തൂളടക്കമുള്ളവര് ജയിലിലായിട്ടുള്ളത്. ഇവര്ക്ക് രാജ്യത്തെ ഏറ്റവും പരമാവധി ജയില്ശിക്ഷയായ 20 വര്ഷം തടവോ മരണശിക്ഷയോ ലഭിക്കുമെന്ന് ആംനെസ്റ്റി ഇന്റര്നാഷണല് പ്രവര്ത്തകനായ കരീം ചെഹായാബ് പറഞ്ഞു. ജനങ്ങള് പരിഷ്കാര നടപടികള്ക്ക് മുന്നിട്ടിറങ്ങുന്നത് സൗദിയിലെ അധികാരിവര്ഗം അനുവദിക്കുന്നില്ലെന്നും മനുഷ്യാവകാശ ലംഘനങ്ങള് ചോദ്യം ചെയ്യപ്പെടുന്നില്ലെന്നും അദ്ദേഹം പറഞ്ഞു.
കാനഡയിലെ ഒട്ടാവയില് നടന്ന വണ് യങ് വേള്ഡ് എന്ന മനുഷ്യാവകാശ ഉച്ചകോടിയില് പങ്കെടുത്ത ഹാത്തൂള് സൗദിയിലെ വനിതാ വിമോചകര്ക്ക് ഏറെ പ്രതീക്ഷ പകര്ന്ന വ്യക്തിത്വമായിരുന്നു. മേഘന് മെര്ക്ക്ല്, എമ്മ വാട്സണ്, കാനഡ പ്രധാനമന്ത്രി ജസ്റ്റിന് ട്രൂഡോ തുടങ്ങിയ പ്രമുഖര്ക്കൊപ്പം ഉച്ചകോടിയില് പങ്കെടുത്ത ഹാത്തൂള്, സൗദിയിലെ മതനേതൃത്വത്തിന് അനഭിമതയായിരുന്നു. സാമൂഹികരാഷ്ട്രീയ ഭൂമികയെ മാറ്റിമറിക്കാന് ശേഷിയുള്ളവരുടെ കൂട്ടായ്മയെന്നാണ് ഉച്ചകോടിയെ മേഘന് വിശേഷിപ്പിച്ചത്.
സൗദിയില് സോഷ്യല് മീഡിയയിലെ താരമായിരുന്നു ഹാത്തൂള്. മൂന്നുലക്ഷത്തിലേറെപ്പേരാണ് ഇവരെ ട്വിറ്ററില് ഫോളോ ചെയ്യുന്നത്. മാര്ച്ചില് അബുദാബിയില് തന്റെ യൂണിവേഴ്സിറ്റിക്ക് സമീപത്ത് കാറോടിക്കുക വഴി അവര് സൗദി നേതൃത്വത്തിന്റെ കണ്ണിലെ കരടായി മാറിയിരുന്നു. ഇതിനുശേഷം മാര്ച്ചില് രാജ്യം വിട്ടുപോകുന്നതിനും സോഷ്യല് മീഡിയ ഉപയോഗിക്കുന്നതിനും ഹാത്തൂളിന് വിലക്കേര്പ്പെടുത്തി. തുടര്ന്ന് രണ്ടുമാസത്തിനുശേഷം ഹാത്തൂളിനെയും മറ്റുള്ളവരെയും പൊലീസ് അറസ്റ്റ് ചെയ്യുകയായിരുന്നു. ഹാത്തൂളിന് വേണ്ടി മുമ്ബ് കോടതിയില് ഹാജരായിട്ടുള്ള അഭിഭാഷകനും അറസ്റ്റ് ചെയ്തവരില്പ്പെടുന്നു.
ശത്രുക്കളുമായി ഗൂഢാലോചന നടത്തിയെന്ന കുറ്റവും ഇവര്ക്കുമേല് ചുമത്തിയിട്ടുണ്ട്. വിദേശത്തുള്ള ശത്രുക്കള്ക്ക് ധാര്മിക പിന്തുണയും സാമ്പത്തിക സഹായവും നല്കിയതായും ഇവര് വെളിപ്പെടുത്തിയെന്നാണ് സൗദി അന്വേഷണദ്യോഗസ്ഥര് പറയുന്നത്. എന്നാലിത് അടിസ്ഥാന രഹിതമാണെന്ന് ആംനെസ്റ്റി ഇന്റര്നാഷണല് പറയുന്നു. അറസ്റ്റിലായവര് ഇപ്പോഴെവിടെയാണെന്ന് ആര്ക്കുമരിയില്ല. ഇവരെ പ്രത്യേക കോടതിക്കുമുന്നില് ഹാജരാക്കി ശിക്ഷിക്കുകയാവും ഇനി ചെയ്യുകയെന്നും ആംനെസ്റ്റി ആശങ്കപ്പെടുന്നു.
https://www.facebook.com/Malayalivartha
