വര്‍ഷങ്ങള്‍ക്കുശേഷം ഇടുക്കി വീണ്ടും തുറക്കുമോ. നിലവിലേതുപോയെ മഴയും നീരൊഴുക്കും തുടര്‍ന്നാല്‍ 10 ദിവസത്തിനുള്ളില്‍ ഇടുക്കി ഡാം തുറക്കേണ്ടി വരുമെന്ന് റിപ്പോര്‍ട്ട്. ഇതിനുള്ള തയ്യാറെടുപ്പുകള്‍ വൈദ്യുതി ബോര്‍ഡിന്റെ ഭാഗത്തു നിന്നും തുടങ്ങി. ഇന്നലത്തെ ജലനിരപ്പ് 2388 അടിയാണ്. ഇത് 2400 അടിയിലെത്തിയാല്‍ ഡാം തുറക്കേണ്ടി വരും. ഇടുക്കി അണക്കെട്ടിന്റെ ഭാഗമായ ചെറുതോണി അണക്കെട്ടിന്റെ ഷട്ടറുകളാണ് ഉയര്‍ത്തുക. അടിയാണ് ഡാമിന്റെ പരമാവധി സംഭരണ ശേഷി. സംഭരണശേഷിയുടെ 83 ശതാനംവെള്ളം ഇപ്പോഴുണ്ട്. പദ്ധതി പ്രദേശത്ത് ഇന്നലെ 94 മില്ലി മീറ്റര്‍ മഴയാണ് രേഖപ്പെടുത്തിയത്.
2388 എന്നുള്ള ജലനിരപ്പ് 2395 ല്‍ എത്തുമ്പോള്‍ അണക്കെട്ട് തുറക്കാനുള്ള ഒരുക്കവും 2398 അടിയില്‍ എത്തിയാല്‍ അടിയന്തര തയ്യാറെടുപ്പം തുടങ്ങും. ഇതോടെ അണക്കെട്ടിന് സമീപം കണ്‍ട്രോള്‍ റൂം തുറക്കുകയും അരമണിക്കൂര്‍ ഇടവിട്ട് ജലനിരപ്പ് രേഖപ്പെടുത്തി തുടങ്ങുകയും ചെയ്യും. ഈ ഘട്ടത്തിലാണ് ജനങ്ങള്‍ക്ക് മുന്നറിയിപ്പ് നല്‍കുന്നത്.
ഇടുക്കിയ്ക്ക് ഒപ്പം പമ്പ, കക്കി, ഇടമലയാര്‍ ഡാമുകളും തുറക്കേണ്ടി വരും. പൊന്മുടി, നേര്യമംഗലം, ലോവര്‍ പെരിയാര്‍, പെരിങ്ങല്‍ക്കുത്ത് ഡാമുകള്‍ ഇപ്പോള്‍ തുറന്നുവിട്ടിരിക്കുകയാണ്‌