നിലപാട് വ്യക്തമാക്കി വനിതാ കമ്മീഷന്‍. കുമ്പസാരം പെട്ടെന്നൊരു ദിവസം നിര്‍ത്താന്‍ കഴിയില്ലെന്നും അത് നൂറ്റാണ്ടുകള്‍ പഴക്കമുള്ള ആചാരമാണെന്നും സംസ്ഥാന വനിത കമ്മീഷന്‍ എം.സി ജോസഫൈന്‍. താനും കുമ്പസാരിച്ചിട്ടുണ്ടെന്നും കമ്മീഷന്‍ വ്യക്തമാക്കി. കുമ്പസാരം നിര്‍ത്തലാക്കണമെന്ന് ആവശ്യമുയരുന്നല്ലോ എന്ന ചോദ്യത്തിന് മറുപടി പറയുകയായിരുന്നു അവര്‍.
അതേസമയം ശബരിമലയിലെ ആചാരത്തേക്കുറിച്ച് ചോദിച്ചപ്പോള്‍ ജോസഫൈന്റെ അഭിപ്രായം വ്യത്യസ്തമായിരുന്നു. ആചാരങ്ങളില്‍ മാറ്റം വരുത്താന്‍ ചര്‍ച്ചകളും നിഗമനങ്ങളും ഒക്കെ ഉണ്ടാകണമെന്നായിരുന്നു വനിതകമ്മീഷന്‍ പറഞ്ഞത് . മാതൃഭൂമിയില്‍ വന്ന ഹിന്ദുവിരുദ്ധ നോവലില്‍ സ്ത്രീ വിരുദ്ധതയില്ലെന്നും കമ്മീഷന്‍ വ്യക്തമാക്കി. ഇങ്ങനെ നിരവധി എഴുത്തുകാര്‍ എഴുതിയിട്ടുണ്ട്. അടര്‍ത്തിയെടുത്തു വായിക്കുന്നതു കൊണ്ട് അങ്ങനെ തോന്നുന്നതാണ്. എഴുത്തുകാര്‍ക്ക് എഴുത്തുകാരുടേതായ സ്വാതന്ത്ര്യമുണ്ടെന്നും ജോസഫൈന്‍ പറഞ്ഞു.