കരഞ്ഞുവിളിച്ച് ഹന്നാന്‍; തനിക്ക് ഒരാളുടെയും പണം ആവശ്യമില്ലെന്നും ജോലി ചെയ്ത് ജീവിക്കാന്‍ അനുവദിച്ചാല്‍ മാത്രം മതിയെന്നും നിറകണ്ണുകളോടെ ഹന്നാന്‍
21 വയസുകാരിയാണ് താന്‍. മാനസികമായി പീഡിപ്പിക്കരുത്. കുടുംബ പ്രശ്‌നങ്ങള്‍ കാരണം ആവശ്യത്തിലധികം പ്രശ്‌നങ്ങള്‍ താന്‍ അനുഭവിച്ചുകഴിഞ്ഞുവെന്നുമാണ് ഹന്നാന്‍ കരഞ്ഞു പറഞ്ഞു. തനിക്ക് ഒരാളുടെയും പണം ആവശ്യമില്ലെന്നും ജോലി ചെയ്ത് ജീവിക്കാന്‍ അനുവദിച്ചാല്‍ മാത്രം മതിയെന്നും ഹനാന്‍. സമൂഹമാധ്യമങ്ങളിലെ വ്യാജ പ്രചാരണളെ തുടര്‍ന്ന് മാധ്യമങ്ങളോട് സംസാരിക്കുകയായിരുന്നു ഹനാന്‍. അക്കൗണ്ട് നമ്പര്‍ കൊടുത്ത് കാശുണ്ടാക്കാന്‍ ശ്രമിച്ചു എന്ന് സമൂഹമാധ്യങ്ങളില്‍ പ്രചാരണം ചിലര്‍ നടത്തിയിരുന്നു. ഇതിന് മറുപടി നല്‍കുകയായിരുന്നു ഹനാന്‍. തന്റെ അക്കൗണ്ടിലേക്ക് ആരും പണമയയ്ക്കരുതെന്നും ആ പണം ഇപ്പോള്‍ തന്നെ ആരാണോ അയച്ചത് അവര്‍ക്ക് നല്‍കാമെനെന്നും തന്നെ ഇങ്ങനെ ക്രൂശിക്കരുതെന്നും വികാരധീനയായി ഹനാന്‍ പറഞ്ഞു.
അധ്യാപകരോടും മറ്റും ചോദിച്ചിട്ടാണ് താന്‍ അക്കൗണ്ട് നമ്പര്‍ മാധ്യമങ്ങള്‍ക്ക് നല്‍കിയതെന്നും ഹനാന്‍ പറഞ്ഞു. ആരും സഹായിച്ചില്ലെങ്കിലും തന്നെ ഉപദ്രവിക്കാതിരുന്നാല്‍ മതിയെന്നും ഹനാന്‍ പറഞ്ഞു. പാത്രം കഴുകിയോ കൂലിപ്പണിയെടുത്തോ എന്തുജോലിയെടുത്തും താന്‍ ജീവിച്ചോളാമെന്നും ഉപദ്രവിക്കാതിരുന്നാല്‍ മതിയെന്നും ഹനാന്‍ പറയുന്നു.
അതേസമയം തമ്മനത്ത് മീന്‍ വില്‍ക്കാനെത്തിയ തന്നെ പോലീസ് തടഞ്ഞെന്ന് ഹനാന്‍ മാധ്യമങ്ങളോട് പറഞ്ഞു. കച്ചവടത്തിനെത്തിയപ്പോള്‍ തന്നെ തടയുകയായിരുന്നുവെന്നും മറ്റ് വരുമാനങ്ങള്‍ ഒന്നുമില്ലാത്തതിനാല്‍ മീന്‍ കച്ചവടം തുടരുമെന്നും ഹനാന്‍ വ്യക്തമാക്കി. ഇവിടെ കച്ചവടം ചെയ്യാന്‍ പാടില്ലെന്ന് പോലീസ് പറഞ്ഞതായി ഹനാന്‍ മാധ്യമങ്ങളോട് വ്യക്തമാക്കി. ദിവസം ആയിരം രൂപയ്ക്ക് വേണ്ടി സിനിമയില്‍ ജൂനിയര്‍ ആര്‍ട്ടിസ്റ്റായി അലഞ്ഞിട്ടുണ്ടെന്ന് ഹനാന്‍ പറഞ്ഞു. ഇവന്റ് മാനേജ്‌മെന്റ്, ആങ്കറിങ് തുടങ്ങിയവയ്ക്കായി ദീര്‍ഘദൂരം സഞ്ചരിക്കാന്‍ ആരോഗ്യ സ്ഥിതി അനുവദിക്കാത്തതുകൊണ്ടാണ് താന്‍ മീന്‍ കച്ചവടം തുടങ്ങിയതെന്നും ഹനാന്‍ പറഞ്ഞു.
https://www.facebook.com/Malayalivartha
