കലാകാരന്മാരുടെ സ്വാതന്ത്ര്യത്തിനും അവകാശത്തിനും നേരെയുള്ള കടന്നാക്രമണം അനുവദിക്കില്ലെന്നും മതനിരപേക്ഷതയും സ്വതന്ത്ര ചിന്തയും അനുവദിക്കുന്ന സര്‍ക്കാരാണിതെന്നും മുഖ്യമന്തി പറഞ്ഞു. കേരള ലളിതകലാ അക്കാദമിയുടെ 47ാമത് സംസ്ഥാന പുരസ്‌ക്കാര സമര്‍പ്പണവും ഫെലോഷിപ്പ് വിതരണവും തിരുവനന്തപുരത്ത് ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി. 

കേരള ലളിതകലാ അക്കാദമിയുടെ 2017ലെ പുരസ്‌ക്കാരങ്ങളാണ് തിരുവനന്തപുരത്ത് മുഖ്യമന്ത്രി വിതരണം ചെയ്തത്. 24പേരാണ് പുരസ്‌ക്കാരത്തിന് അര്‍ഹരായത്. പ്രശസ്ത ചിത്രകാരന്‍ ജി രാജേന്ദ്രന് അക്കാദമി ഫെലോഷിപ്പ് നല്‍കി ആദരിച്ചു.

ഒരു ജനാധിപത്യ രാജ്യത്തിനും ഒട്ടും ഭൂഷണമല്ലാത്ത സമീപനങ്ങള്‍ക്ക് മുന്നില്‍ എഴുത്തുകാരും കലാകാരന്മാരും കീഴടങ്ങാതെ ധീരമായി പോരാടണമെന്നും. അഭിപ്രായ സ്വാതന്ത്ര്യത്തിന് മുമ്ബില്‍ മതിലുകള്‍ തീര്‍ക്കാന്‍ ശ്രമിക്കുന്നവര്‍ക്കെതിരെ സമൂഹത്തിന്റെ ജാഗ്രത വേണമെന്നും പരിപാടി ഉദ്ഘാടനം ചെയ്യവെ മുഖ്യമന്ത്രി പറഞ്ഞു.

കലയെ ജനങ്ങളിലേക്കെത്തിക്കാന്‍ സര്‍ക്കാര്‍ എല്ലാ സഹായവും ചെയ്യും. കലാകാരന്മാരോട് വര്‍ഗീയ വാതികള്‍ അസഹിഷ്ണുത കാണിക്കുന്നുവെന്നും. കലാകാരന്മമാരുടെ സ്വാതന്ത്ര്യത്തിന്മേലുള്ള കടന്നുകയറ്റം സര്‍ക്കാര്‍ അനുവദിക്കില്ലന്നും മുഖ്യമന്ത്രി പറഞ്ഞു.