കേരളത്തിലെ കനത്ത മഴയെ തുടര്‍ന്ന് എല്ലാ അണക്കെട്ടിലെയും ജലനിരപ്പ് ഉയരുകയാണ്. തിരുവനന്തപുരം ജില്ലയിലെ കനത്തമഴയില്‍ നെയ്യാര്‍ഡാമിലെ ജലനിരപ്പും ക്രമാതിതമായി ഉയര്‍ന്നു. അതിനാല്‍ നെയ്യാര്‍ അണക്കെട്ടിന്റെ ഷട്ടറുകള്‍ തുറന്നുവിട്ടു.

അണക്കെട്ടിലെ നാലു ഷട്ടറുകളും തിങ്കളാഴ്ച വൈകിട്ടോടെ തുറന്നുവിട്ടു. ഇരുകരകളിലുമുള്ളവര്‍ ജാഗ്രത പാലിക്കണമെന്ന് അധികൃതര്‍ മുന്നറിയിപ്പ് നല്‍കിയിട്ടുണ്ട്. ജാഗ്രതാ നിര്‍ദ്ദേശമെന്നോണം സുരക്ഷാ കിറ്റ് കരുതാനും മുന്നറിയിപ്പ് നല്‍കിയിട്ടുണ്ട്‌.