ഇടുക്കി അണക്കെട്ടിലെ ജലനിരപ്പുയര്ന്നതില് ആശങ്ക വേണ്ട; എല്ലാ നിര്ദ്ദേശങ്ങളും ഗൗരവത്തോടെ പാലിക്കണം മുന്നറിയിപ്പുമായി മുഖ്യമന്ത്രി പിണറായി വിജയന്
ഇടുക്കി ഡാമിന്റെ ജലനിരപ്പ് ഉയരുന്നതില് ജനങ്ങള്ക്ക് ആശങ്ക വേണ്ടെന്ന് മുഖ്യമന്ത്രി പിണറായി വിജയന്. ഓറഞ്ച് അലര്ട്ട് നല്കി എന്നതിനാല് ജനങ്ങള് പരിഭ്രാന്തരാകേണ്ടതില്ല. അതിന് ഷട്ടര് ഏത് നിമിഷവും തുറക്കുമെന്ന് അര്ഥമില്ല. ജനങ്ങളെ മുന്കൂട്ടി അറിയിച്ച് പകല് സമയം മാത്രമാകും ഷട്ടര് തുറക്കുന്നത് മുഖ്യമന്ത്രി പിണറായി വിജയന്. ഫേസ്ബുക്കിലൂടെയാണ് മുഖ്യമന്ത്രി മുന്നറിയിപ്പു നല്കിയത്
ദുരന്തനിവാരണ അതോറിറ്റിയും ജില്ലാ ഭരണകൂടങ്ങളും നല്കുന്ന നിര്ദേശങ്ങള് ജനങ്ങള് പാലിക്കണമെന്നും മുഖ്യമന്ത്രി ഫേസ്ബുക്കില് കുറിച്ചു.
മുഖ്യമന്ത്രിയുടെ കുറിപ്പിന്റെ പൂര്ണരൂപം വായിക്കാം
ഇടുക്കി ഡാമിലെ ജലനിരപ്പ് 2395 അടി കടന്നതിനാല് അതിജാഗ്രതാ നിര്ദ്ദേശം ( ഓറഞ്ച് അലര്ട്ട് ) പുറപ്പെടുവിച്ചു. ഡാമിലേക്കുള്ള നീരൊഴുക്കും മഴയുടെ തോതും സൂക്ഷ്മമായി നിരീക്ഷിക്കുകയാണ്. ഓറഞ്ച് അലര്ട് (രണ്ടാം ഘട്ട ജാഗ്രതാ നിര്ദേശം) നല്കി എന്നതിനാല് ജനങ്ങള് പരിഭ്രാന്തരാകേണ്ടതില്ല. അതിന് ഷട്ടര് ഏത് നിമിഷവും തുറക്കുമെന്ന് അര്ത്ഥമില്ല. മൂന്നാം ഘട്ട മുന്നറിയിപ്പിന് ശേഷം ( റെഡ് അലര്ട്ട് ) ജനങ്ങളെ മുന്കൂട്ടി അറിയിച്ച് പകല് സമയം മാത്രമാകും ഷട്ടര് തുറക്കുന്നത്. ഇടുക്കി, എറണാകുളം ജില്ലകളില് നിന്നുള്ളവര് ഇതുമായി ബന്ധപ്പെട്ട് ദുരന്തനിവാരണ അതോറിറ്റിയും ജില്ലാ ഭരണകൂടങ്ങളും നല്കുന്ന എല്ലാ നിര്ദ്ദേശങ്ങളും ഗൗരവത്തോടെ പാലിക്കണം.
കനത്ത മഴയെ തുടര്ന്ന് നെയ്യാര് ഡാമിന്റെ നാല് ഷട്ടറുകള് തുറന്നു. ഇരു കരകളിലുമുള്ളവര് ജാഗ്രത പാലിക്കണമെന്ന് അധികൃതര് അറിയിച്ചു.
https://www.facebook.com/Malayalivartha
