മാസാവസാനമായ ജൂലൈ 31ന് തന്നെ ശമ്പളം നല്‍കാന്‍ സാധിച്ചുവെന്നും. വളരെ ബുദ്ധിമുട്ടി കഷ്ടിച്ചു തുക കണ്ടെത്തിയാണ് ഇത് സാധിച്ചതെന്നും. എംഡി ടോമിന്‍ ജെ തച്ചങ്കരി അറിയിച്ചു. എന്നാല്‍ 2018 ഏപ്രിലില്‍ ദിനംപ്രതി മൂന്ന് കോടി രൂപയാണു ഡീസലിന് കൊടുത്തിരുന്നത്. ഇപ്പോള്‍ ദിനംപ്രതി 3.31 കോടി രൂപയാണു നല്‍കുന്നത്. അതായത് മാസം 10 കോടിയുടെ അധിക ചെലവ്. ശമ്പളം കൊടുക്കാന്‍ സാധിച്ചെങ്കിലും മറ്റാവശ്യങ്ങള്‍ക്കൊന്നും പണമില്ലെന്നും തച്ചങ്കരി പറഞ്ഞും.

അതേസമയം കടുത്ത സാമ്പത്തിക ബാധ്യതയിലാണു കെഎസ്ആര്‍ടിസി മുന്നോട്ടുപോകുന്നത്. ഇപ്പോള്‍ ലഭിക്കുന്നതിലും കൂടുതല്‍ സഹായം ഇല്ലാതെ മുന്നോട്ടു പോകാനാകില്ല. ജീവനക്കാര്‍ക്കും സപ്ലയേഴ്‌സിനും കോടിക്കണക്കിനു രൂപ കടം വീട്ടാനുണ്ട്. മെഡിക്കല്‍ റി ഇംപേഴ്‌സ്‌മെന്റ്, പിഎഫ്, എന്‍ഡിആര്‍, സ്ഥാനക്കയറ്റം നീട്ടിവയ്ക്കല്‍ തുടങ്ങിയ പ്രശ്‌നങ്ങളെല്ലാം പരിഹരിക്കാനുള്ള ശ്രമത്തിലാണെന്നും തച്ചങ്കരി അറിയിച്ചു.

ജീവനക്കാര്‍ക്കു കൃത്യദിവസം തന്നെ ശമ്പളം ഉറപ്പാക്കുമെന്നു തച്ചങ്കരി നേരത്തേ പ്രഖ്യാപിച്ചിരുന്നു. കെഎസ്ആര്‍ടിസിയുടെ കാര്യക്ഷമത വര്‍ധിപ്പിക്കുന്നതിനുള്ള പരിഷ്‌കാരങ്ങള്‍ക്കു സര്‍ക്കാരിന്റെ പൂര്‍ണ പിന്തുണയുണ്ടെന്നു ഗതാഗത മന്ത്രി എ.കെ.ശശീന്ദ്രനും കഴിഞ്ഞദിവസം പറഞ്ഞിരുന്നു.