മോഹന്ലാലിനെപ്പറ്റി തനിക്കുള്ള അഭിപ്രായം തുറന്ന് പറഞ്ഞ് നിവിന് പോളി; മഴയായാലും വെയിലായാലും അദ്ദേഹത്തിന്റെ മാജിക്ക് മറ്റൊന്നാണ്
മോഹന്ലാലിനെപ്പറ്റി പറ്റി പറയുമ്പോള് നിവിന്പോളിക്ക് നൂറ് മനസാണ്. കായംകുളം കൊച്ചുണ്ണിയില് നടന് മോഹന്ലാലിനൊപ്പം അഭിനയിച്ചതിന്റെ അനുഭവങ്ങള് പങ്കു വെക്കുകയാണ് നിവിന് പോളി. ഒരു മാധ്യമത്തിന് നല്കിയ അഭിമുഖത്തിലാണ് നിവിന് തന്റെ അനുഭവം പങ്കുവെച്ചത്. റോഷന് ആന്ഡ്രൂസ് സംവിധാനം ചെയ്യുന്ന കായംകുളം കൊച്ചുണ്ണി മലയാളത്തിലെ ചെലവേറിയ ചിത്രങ്ങളിലൊന്നാണ്. ഗോകുലം ഗോപാലനാണ് ചിത്രം നിര്മ്മിക്കുന്നത്. 45 കോടി രൂപ മുതല്മുടക്കില് നിര്മ്മിക്കുന്ന ചിത്രം ഓഗസ്റ്റ് 18ന് റിലീസ് ചെയ്യുമെന്നാണ് അണിയറ പ്രവര്ത്തകര് അറിയിച്ചിരിക്കുന്നത്.
നായകനായ കൊച്ചുണ്ണിയുടെ സുഹൃത്തും വഴികാട്ടിയുമൊക്കെയായ ഒരു കഥാപാത്രത്തെയാണ് മോഹന്ലാല് അവതരിപ്പിച്ചിരിക്കുന്നത്. ലാലേട്ടനല്ലാതെ മറ്റൊരാളെ ഈ കഥാപാത്രമായി സങ്കല്പിക്കാന് പോലും കഴിയുമായിരുന്നില്ല. സ്ക്രിപ്റ്റ് കേട്ട് ഈ ചിത്രത്തിന്റെ ഭാഗമാകാന് അദ്ദേഹത്തിന് സന്തോഷമേ ഉണ്ടായിരുന്നുള്ളൂ. ഇത്രയും കാലം സെറ്റിനു പുറത്തു വച്ചേ മോഹന്ലാലിനെ കണ്ടിട്ടുണ്ടായിരുന്നുള്ളു.
എന്നാല് അദ്ദേഹത്തോടൊപ്പം അഭിനയിക്കുക എന്നത് തീര്ത്തും വ്യത്യസ്തമായൊരു അനുഭവമായിരുന്നു. നിരവധി കാര്യങ്ങള് അദ്ദേഹത്തില് നിന്നും പഠിക്കാന് സാധിച്ചു. വളരെ പ്രൊഫഷനല് ആണ്. ഒരു നിമിഷം പോലും വെറുതേ ഇരിക്കില്ല. മഴയായാലും വെയിലായാലും സാധിക്കുന്ന അത്രയും ജോലി ചെയ്യാം എന്നതാണ് അദ്ദേഹത്തിന്റെ മാജിക്. ശരിക്കും അവിശ്വസനീയമാണത്, കാര്യങ്ങള് സമയമെടുത്ത് അല്പം വ്യത്യസ്തമായി ചെയ്യാന് മോഹന്ലാല് നിര്ദ്ദേശിക്കുമായിരുന്നുവെന്നും' നിവന് പോളി പറയുന്നു.
നടന് ദിലീപിനെ താര സംഘടനയായ അമ്മയില് തിരിച്ചെടുക്കുന്നതിനെക്കുറിച്ചും നിവിന് പോളി പ്രതികരിച്ചിരുന്നു. താരസംഘടനയായ അമ്മയെടുക്കുന്ന തീരുമാനങ്ങള് ശരിയെന്ന് വിശ്വസിക്കുന്നുവെന്നും അമ്മയിലെ ഒരു അംഗം എന്ന നിലയില് സംഘടനയുടെ ഭാരവാഹികളുടെ തീരുമാനങ്ങളെ അംഗീകരിക്കുന്നു.താന് എക്സിക്യൂട്ടീവ് കമ്മിറ്റിയിലെ അംഗമല്ലെന്നും അതിനാല് സംഘടനയെക്കുറിച്ചോ അതിന്റെ തീരുമാനങ്ങളെക്കുറിച്ചോ കൂടുതല് സംസാരിക്കാന് ആഗ്രഹിക്കുന്നില്ലെന്നും നിവിന് പോളി പറഞ്ഞു.
https://www.facebook.com/Malayalivartha
