ദുരിതാശ്വാസ പ്രവര്ത്തനങ്ങൾക്കായി ഫണ്ട് വിനിയോഗിക്കാന് എല്ലാ എം.പിമാര്ക്കും അനുമതി നല്കണമെന്ന് ബിനോയ് വിശ്വം
കേരളത്തിലെ പ്രളയ ദുരിതാശ്വാസ പ്രവര്ത്തനങ്ങളില് എം.പി ഫണ്ട് വിനിയോഗിക്കാന് രാജ്യത്തെ എല്ലാ എം.പിമാര്ക്കും അനുമതി നല്കണമെന്ന് സി.പി.ഐ ദേശീയ കൗണ്സില് സെക്രട്ടറി ബിനോയ് വിശ്വം എം.പി പ്രധാനമന്ത്രിയോട് അഭ്യര്ത്ഥിച്ചു. 2013ല് ഉത്തരഖണ്ഡില് പ്രകൃതിദുരന്തം ഉണ്ടായപ്പോള് കേന്ദ്രസര്ക്കാര് അത്തരത്തില് അനുമതി നല്കിയിട്ടുണ്ട്. അത്യന്തം ഗുരുതരമായ പ്രകൃതിദുരന്തം എന്ന നിലയിലാണ് അന്ന് സര്ക്കാര് ഇന്ത്യയിലെ എല്ലാ എം.പിമാര്ക്കും ഇതുസംബന്ധിച്ച കത്ത് നല്കിയത്. സമാനമായ സാഹചര്യങ്ങളാണ് ഇന്ന് കേരളത്തില്. കേരളത്തിലുണ്ടായത് ദേശീയ ദുരന്തമായി പ്രഖ്യാപിക്കാന് ഇനിയും അമാന്തിക്കരുതെന്നും ബിനോയ് വിശ്വം കത്തില് ആവശ്യപ്പെട്ടു.
https://www.facebook.com/Malayalivartha