സംസ്ഥാനത്ത് മഴ കുറയും: മൂന്നു ജില്ലകളില് മാത്രം റെഡ് അലര്ട്ട്... ഇടുക്കി, എറണാകുളം, പത്തനംതിട്ട എന്നീ ജില്ലകളില്ലാണ് നിലവില് റെഡ് അലര്ട്ട് നിര്ദേശം ഉള്ളത്...സംസ്ഥാനത്തെ പിടിച്ചുലച്ച പ്രളയം സമാനതകളില്ലാത്തത്
പ്രളയക്കെടുതിയില് വീര്പ്പുമുട്ടുന്ന സംസ്ഥാനത്ത് വീണ്ടും ആശങ്ക ഉയര്ത്തിയ കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പിനൊടുവില് ആശ്വാസ വാര്ത്ത. സംസ്ഥാനത്ത് അടുത്ത രണ്ടു ദിവസം ഒറ്റപ്പെട്ട കനത്ത മഴയ്ക്കു മാത്രമാണ് സാധ്യതയെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. സംസ്ഥാനത്ത് മഴ കുറയുമെന്ന അറിയിപ്പെത്തിയതോടെ മൂന്നു ജില്ലകളില് മാത്രമായി റെഡ് അലര്ട്ട് ചുരുക്കി. ഇടുക്കി, എറണാകുളം, പത്തനംതിട്ട എന്നീ ജില്ലകളില് മാത്രമാണ് നിലവില് റെഡ് അലര്ട്ട്(അതീവ ജാഗ്രത) നിര്ദേശം ഉള്ളത്.
നേരത്തെ സംസ്ഥാനത്ത് വരുന്ന തിങ്കളാഴ്ച വരെ അതിതീവ്ര മഴയ്ക്കു സാധ്യതയെന്നായിരുന്നു കാലാവസ്ഥാ നിരീക്ഷണ കേന്ദ്രം വിലയിരുത്തിയിരുന്നത്. എന്നാല് കഴിഞ്ഞ ദിവസം അനുഭവപ്പെട്ടതുപോലെ അതിശക്തമായ മഴ ഇനി ഉണ്ടാകില്ലെന്ന് കാലാവസ്ഥാ നീരീക്ഷണ കേന്ദ്രം ഡയറക്ടര് കെ. സന്തോഷ് വ്യക്തമാക്കി. >ഞായറാഴ്ച വരെ ഒറ്റപ്പെട്ട കനത്ത മഴ സംസ്ഥാനത്ത് ലഭിക്കും. അതിനശേഷം മഴയുടെ അളവില് കുറവുണ്ടാകും. അടുത്ത 24 മണിക്കുറില് 11 സെന്റീമീറ്റര് വരെ മഴ ലഭിക്കാനുള്ള സാധ്യതയാണു കാണുന്നതെന്നും അദേഹം വ്യക്തമാക്കി. ഔദ്യോഗികമായി കാലാവസ്ഥാ നിരീക്ഷണ കേന്ദ്രം നല്കുന്ന മുന്നറിയിപ്പുകള് മാത്രമേ ജനങ്ങള് വിശ്വസിക്കാവൂ എന്നും അദേഹം കൂട്ടിച്ചേര്ത്തു.
https://www.facebook.com/Malayalivartha