സംസ്ഥാനത്ത് മഴ കുറഞ്ഞതോടെ രക്ഷാപ്രവര്ത്തനം ഊര്ജ്ജിതമാകുന്നു, കൂടുതല് ഹെലികോപ്റ്ററുകളെത്തി രക്ഷാപ്രവര്ത്തനം ശക്തമാക്കുമെന്ന് അധികൃതര്
സംസ്ഥാനത്ത് മഴ കുറഞ്ഞതോടെ രക്ഷാപ്രവര്ത്തനം ഊര്ജ്ജിതമായി. പലയിടങ്ങളിലും വെള്ളമിറങ്ങിത്തുടങ്ങിയെങ്കിലും ഇനിയും നിരവധിപേര് ഒറ്റപ്പെട്ടു കിടക്കുന്നുണ്ട്. റെഡ് അലര്ട്ട് ഇടുക്കി, എറണാകുളം, പത്തനംതിട്ട ജില്ലകളില് മാത്രമണ് തുടരുന്നത്. ചാലക്കുടിപ്പുഴയിലും പെരിയാറിലും ജലനിരപ്പ് താഴ്ന്നു. അതേസമയം, ഇടുക്കി ഡാമിലെ ജലനിരപ്പ് വീണ്ടും ഉയര്ന്നു. 2402.1 അടിയായാണ് ഉയര്ന്നത്. കൂടുതല് ഹെലികോപ്റ്ററുകളെത്തി രക്ഷാപ്രവര്ത്തനം ശക്തമാക്കുമെന്ന് അധികൃതര് അറിയിച്ചു. അഞ്ചു ഹെലികോപ്റ്റര് കൂടിയാണ് രക്ഷാ പ്രവര്ത്തനത്തിനായി എത്തുക. രോഗികളെയും വൃദ്ധരേയും ആദ്യം രക്ഷപ്പെടുത്തി ആശുപത്രിയിലേക്ക് മാറ്റുന്നതിനാണ് ശ്രമിക്കുക.
സ്ഥിതി അതീവ ഗുരുതരമായി തുടരുന്ന ചെങ്ങന്നൂര്, തിരുവല്ല എന്നിവിടങ്ങില് ആളുകളെ ഇന്നത്തോടെ പൂര്ണമായും രക്ഷിക്കാന് കഴിയുമെന്നാണ് പ്രതീക്ഷിക്കുന്നത്. ചെങ്ങന്നൂരില് ഉള്പ്രദേശങ്ങള് കേന്ദ്രീകരിച്ചുള്ള രക്ഷാപ്രവര്ത്തനങ്ങളാണ് നടക്കുക. കുട്ടനാട്ടിലും പന്തളത്തും രക്ഷാപ്രവര്ത്തനം സജീവമാണ്. പ്രളയം വിഴുങ്ങിയിരുന്ന എറണാകുളത്ത് വെള്ളം ഇറങ്ങിത്തുടങ്ങി. പറവൂരും പാനായിക്കുളത്തും കാലടിയിലും രക്ഷാപ്രവര്ത്തനം സജീവമായി തുടരും.
നെല്ലിയാമ്പതിയില് ഒറ്റപ്പെട്ടവരെ ഹെലികോപ്റ്റര് വഴി നെന്മാറയിലെത്തിക്കാനും ശ്രമങ്ങള് നടക്കുമെന്നും അധികൃതര് അറിയിച്ചു.
https://www.facebook.com/Malayalivartha