സംസ്ഥാനത്ത് ട്രെയിന്‍ ഗതാഗതം ഭാഗികമായി പുനരാരംഭിച്ചു. കോട്ടയം വഴിയുള്ള ഏതാനും ട്രെയിനുകള്‍ ഓടിത്തുടങ്ങി. തിരുവനന്തപുരത്തു നിന്നുള്ള വേണാട് എക്‌സ്പ്രസും എറണാകുളത്തു നിന്നു തിരുവനന്തപുരത്തേക്കുള്ള വഞ്ചിനാട് എക്‌സ്പ്രസും ഇന്ന് സര്‍വീസ് വീണ്ടും ആരംഭിച്ചിട്ടുണ്ട്.

തിരുവനന്തപുരത്തു നിന്ന് ആലപ്പുഴ വഴി എറണാകുളത്തേക്ക് 11.30നും ഒരു മണിക്കും മൂന്നു മണിക്കും സ്‌പെഷല്‍ ട്രെയിനുകളോടും. എറണാകുളത്തു നിന്നു കോട്ടയം വഴി തിരുവനന്തപുരത്തേക്ക് രാവിലെ 9.30നു സ്‌പെഷല്‍ ട്രെയിന്‍ സര്‍വീസ് നടത്തും. തിരുവനന്തപുരത്തു നിന്ന് ആലപ്പുഴ വഴി രണ്ട് മെഡിക്കല്‍ റിലീഫ് പാസഞ്ചര്‍ ട്രെയിനുകള്‍ ഒന്‍പതിനും പന്ത്രണ്ടിനും പുറപ്പെടും. ഇതില്‍ യാത്രക്കാര്‍ക്കും സഞ്ചരിക്കാം.

കോട്ടയം വഴിയുളള സര്‍വീസുകള്‍

* എറണാകുളംതിരുവനന്തപുരം വഞ്ചിനാട് രാവിലെ ആറിന് പുറപ്പെടും. എല്ലാ സ്‌റ്റേഷനുകളിലും നിര്‍ത്തും.

* വേണാട് എക്‌സ്പ്രസ് രാവിലെ അഞ്ചിന് തിരുവനന്തപുരത്തു നിന്നു പുറപ്പെടും.എറണാകുളം വരെ സര്‍വീസ് നടത്തും.എല്ലാ സ്‌റ്റേഷനുകളിലും നിര്‍ത്തും.

* കൊല്ലം എറണാകുളം മെമു (7.30)

* എറണാകുളം കൊല്ലം മെമു (2.30)

* എറണാകുളംതിരുവനന്തപുരം സ്‌പെഷല്‍ (രാവിലെ 9.30ന്)

* തിരുവനന്തപുരംഎറണാകുളം സ്‌പെഷല്‍ (ഉച്ചയ്ക്ക് ഒന്നിന്)

* 56387 എറണാകുളംകായംകുളം പാസഞ്ചര്‍ കൊല്ലം വരെ

* 56388 കായംകുളംഎറണാകുളം പാസഞ്ചര്‍ കൊല്ലത്തു നിന്നു പുറപ്പെടും

* 16304 തിരുവനന്തപുരംഎറണാകുളം വഞ്ചിനാട് 5.45ന്.

എറണാകുളം – ഷൊര്‍ണൂര്‍, ഷൊര്‍ണൂര്‍ – കോഴിക്കോട്, കൊല്ലം – ചെങ്കോട്ട, തൃശൂര്‍ – ഗുരുവായൂര്‍, തൃശൂര്‍ – പാലക്കാട് സെക്ഷനുകള്‍ ഗതാഗത യോഗ്യമായിട്ടില്ല. ഷൊര്‍ണൂര്‍ – എറണാകുളം സെക്ഷനിലെ ഗതാഗതം നിര്‍ത്തിവച്ചത് ഞായറാഴ്ച വൈകിട്ടു നാലു മണി വരെ നീട്ടി. അതേ സമയം ഷൊര്‍ണൂര്‍ – പാലക്കാട് പാതയും എറണാകുളം – കോട്ടയം – കായംകുളം പാതയും വേഗനിയന്ത്രണത്തോടെ തുറന്നു. ഷൊര്‍ണൂര്‍ – കോഴിക്കോട് പാത രാത്രി വൈകി ഗതാഗത യോഗ്യമാകുമെന്നാണു പ്രതീക്ഷിക്കുന്നത്.

കെഎസ്ആര്‍ടിസി ബസുകള്‍ ് ഭാഗികമായി സര്‍വീസ് പുനരാരംഭിച്ചു
സംസ്ഥാനത്ത് റെയില്‍, റോഡ് ഗതാഗത സംവിധാനങ്ങള്‍ പുനസ്ഥാപിച്ച് തുടങ്ങി. ഇന്ന് തിരുവനന്തപുരത്തു നിന്നും കൊട്ടാരക്കര കോട്ടയം വഴി എറണാകുളത്തേക്ക് കെഎസ്ആര്‍ടിസി സര്‍വീസുകള്‍ ഉടന്‍ പുനരാരംഭിക്കും. കൊട്ടാരക്കര കോട്ടയം റൂട്ടില്‍ നിലവില്‍ സര്‍വീസ് നടക്കുന്നുണ്ട്.
ട്രെയിന്‍ സര്‍വീസും പുനസ്ഥാപിക്കുന്നതിനുള്ള നടപടികള്‍ ദ്രുതഗതിയില്‍ പുരോഗമിക്കുകയാണ്.
തിരുവനന്തപുരത്തു നിന്നുള്ള വേണാട് എക്‌സ്പ്രസും എറണാകുളത്തു നിന്നു തിരുവനന്തപുരത്തേക്കുള്ള വഞ്ചിനാട് എക്‌സ്പ്രസും ഇന്ന് സര്‍വീസ് വീണ്ടും ആരംഭിച്ചിട്ടുണ്ട്. ഇതിന് പുറമെ ഇന്ന് രാവിലെ 10ന് എറണാകുളത്ത് നിന്ന് ആലപ്പുഴ, തിരുവനന്തപുരം, മധുരൈ വഴി ചെന്നൈ എഗ്മോറിലേക്ക് പ്രത്യേക ട്രെയിനുണ്ട്. നാളെ പുലര്‍ച്ചെ 5.20ന് എഗ്മോറിലെത്താം. ചെന്നൈ എഗ്മോറില്‍ നിന്ന് നാളെ രാവിലെ 11.50നാണ് മടക്ക സര്‍വീസ്, ചൊവ്വ രാവിലെ 11ന് എറണാകുളത്തെത്താം.