കേരളത്തിനായി കൈകോര്ത്ത് യുവത്വം...വന്നു കാണൂ ദുരന്തമുഖങ്ങളില് ചുണക്കുട്ടികള്'; ന്യൂ ജെന്നെക്കുറിച്ചുള്ള ധാരണകള് പൊളിച്ചടുക്കി കേരളത്തിന്റെ കൗമാരവും യുവത്വവും
നന്ദി വാക്കുകള്ക്കതീതമായ ഈ പ്രവര്ത്തനങ്ങള്ക്ക്. ദുരന്തവേള പുതുതലമുറയെക്കുറിച്ചുള്ള പതിവു ധാരണകള് പൊളിച്ചെ!ഴുതാനുള്ള അവസരവുമായി. എ!ഴുത്തുകാരി രാധിക സി നായരുടെ രണ്ടു ഫെയ്സ് ബുക്ക് കുറിപ്പുകള്.
1 'സോഷ്യല് മീഡിയയില് കയറി കുത്തിയിരിക്കുന്നു ,ഫ്രണ്ട്സുമായി ചാറ്റ് ചെയ്തു സമയം കളയുന്നു ,സിനിമ കണ്ടു നടന്ന് പഠിത്തം ഉഴപ്പുന്നു ,സെല്ഫിയെടുത്ത് അര്മാദിക്കുന്നു ' ,വീട്ടിനു വേണ്ടി ഒന്നും ചെയ്യുന്നില്ല ,കുനിഞ്ഞിട്ടൊരു കുപ്പ എടുക്കില്ല ,ഒരു ജോലീം ചെയ്യില്ല
വന്നു കാണൂ ദുരിതാശ്വാസ ക്യാമ്പുകളില് ദുരന്തമുഖത്ത് ഫേസ് ബുക്ക് ,ട്വിറ്റര് ,ഇന്സ്റ്റ ഗ്രാം തുടങ്ങിയ സോഷ്യല് മീഡിയ പ്ലാറ്റ്ഫോമുകളില് ചാനലുകളില് റിപ്പോര്ട്ടിങ്ങില് ഒക്കെ ചുണക്കുട്ടികള്
ഊണില്ലാതെ ഉറക്കമില്ലാതെ ഭക്ഷണം സമയത്ത് കഴിക്കാതെ ഇവരാണ് ഊര്ജം' എന്തൊരു മിടുമിടുക്കും ചുറ്റുചുറുക്കും
ഒരു കെട്ടിപ്പിടിച്ചുമ്മ ആ ചുണക്കുട്ടികള്ക്ക്.
ഒറ്റക്കെട്ടാണെന്ന്,
ദുരന്തമുഖത്തുള്ളവരെ കൂടപ്പിറപ്പുകളെപ്പോലെ കരുതാനും സ്നേഹിക്കാനും കണ്ണീരൊപ്പാനും കൂടെയുണ്ടെന്ന് ….
ഒപ്പമുണ്ട് എന്തിനുമെന്ന്…
മരുന്നായും തുണിയായും മെഴുകുതിരിയായും സാനിറ്ററി പാഡായും ഭക്ഷണമായും വെള്ളമായും ഇതാ ആയിരങ്ങള് എസ് എം വി സ്കൂളിലെ കളക്ഷന് സെന്ററില് …..
ഒറ്റയ്ക്കും കൂട്ടമായും,
കൂട്ടുകാരൊത്ത്, സഹപ്രവര്ത്തകരുടെ കൂടെ, അച്ഛനുമമ്മയ്ക്കുമൊപ്പം, മക്കളുടെ കൈപിടിച്ച്, അയല്വാസികളുടെ കൂടെ..
ഇതാണ് സാഹോദര്യം സ്നേഹം സമത്വം.
മഴയെ വകവെച്ചില്ല, വിശപ്പറിഞ്ഞില്ല..
നല്ല മിടുമിടുക്കുള്ള വോളന്റിയര് ,
സന്നദ്ധപ്രവര്ത്തകര്,
പൊലീസ്,
മാധ്യമപ്രവര്ത്തകര്…
ഒരു കുഞ്ഞുപൊതി മുതല് അനേകം വലിയ പൊതികള് വരെ…
കാറില്, സ്കൂട്ടറില്, സൈക്കിളില്, ഓട്ടോയില്, നടന്ന് ..
ഉദ്യോഗമുള്ളവര് ,ഇല്ലാത്തവര്, വീട്ടമ്മമാര്,
കുട്ടികള്…
ഇതുപോലെ കേരളത്തിലെ അനേകം കളക്ഷന് സെന്ററുകളില് നടക്കുന്നുണ്ട് രക്ഷാദൗത്യം .
ദുരന്തമുഖത്തുള്ളവരെ മഴയും തണുപ്പും അപകടസാധ്യതയും വകവയ്ക്കാതെ വള്ളങ്ങളിലും ഹെലികോപ്ടറിലും ബോട്ടുകളിലും കാറിലും നീന്തിയും പറന്നും രക്ഷിക്കുന്ന ധീരന്മാര് എത്ര?
അതിവൈകാരികതയില്ലാതെ ,സമചിത്തതയോടെ കാര്യങ്ങള് ഏകോപിപ്പിക്കുന്ന സര്ക്കാര്സംവിധാനമുണ്ട് നമുക്ക്..
നമ്മള് അതിജീവിക്കും
നമ്മള് ഒന്നാണ്
ഒന്നായി നിന്നു തന്നെ നേരിടും'.
https://www.facebook.com/Malayalivartha
