സംസ്ഥാനത്തെ കള്ള് ഷാ​പ്പു​ക​ളി​ൽ ക​ള്ള​ല്ലാ​തെ ഭ​ക്ഷ്യ​വിഭവങ്ങൾ വി​ൽ​ക്കാ​ൻ അ​നു​വാ​ദ​മി​ല്ലെ​ന്ന് എ​ക്സൈ​സ് അ​ധി​കൃ​ത​ർ. മലപ്പുറം നിലമ്പുർ ചൂരക്കണ്ടി സ്വദേശികളായ പൗരാവകാശ പ്രവർത്തകരുടെ വി​വ​രാ​വ​കാ​ശ നി​യ​മ​പ്ര​കാ​ര​മു​ള്ള ചോ​ദ്യ​ത്തി​ന് നി​ല​ന്പു​ർ എ​ക്സൈ​സ് ന​ൽ​കി​യ മ​റു​പ​ടി​യി​ലാ​ണ് ഇ​ക്കാ​ര്യം ആശങ്കക്കിടയില്ലാത്ത വിധം വ്യക്തമാക്കിയിരിക്കുന്നത്.

സംസ്ഥാനത്തുടനീളം കള്ള് ഷാ​പ്പു​ക​ളി​ൽ ക​പ്പ​യും മീ​ൻ​ക​റി​യും ഉ​ൾ​പ്പെ​ടെ ഭ​ക്ഷ​ണം വി​ൽ​ക്കു​ന്നു​ണ്ട്. പലയിടങ്ങളിലും ഇ​ട​പാ​ടു​കാ​രെ ആ​ക​ർ​ഷി​ക്കാ​ൻ ഷാ​പ്പി​നു മു​ന്നി​ൽ ക​രി​മീ​ൻ, താ​റാ​വ് ഇ​റ​ച്ചി തു​ട​ങ്ങി​യ വി​ഭ​വ​ങ്ങ​ളു​ടെ ബോ​ർ​ഡും പ്ര​ദ​ർ​ശി​പ്പി​ച്ചി​ട്ടു​ണ്ട്. എറണാംകുളം തൃപ്പുണിത്തുറക്കടുത്ത മുല്ലപ്പന്തൽ കള്ളുഷാപ്പ്, ഇരിങ്ങാലക്കുടക്കടുത്ത മാപ്രാണം കള്ള് ഷാപ്പ് എന്നിവ പ്രശസ്തമായത് അവിടെ ലഭിക്കുന്ന വെജ്-നോൺ വെജ് വിഭവങ്ങളുടെ സമ്പുഷ്ടമായ മെനുവും രുചിയും മൂലമാണ്. എന്നാൽ സംസ്ഥാനത്തെ അബ്‌കാരി നിയമപ്രകാരം ക​ള്ളി​നൊ​പ്പം “​ട​ച്ചിം​ഗ്സ്’ ​പോ​ലും വിൽക്കാൻ അ​നു​വാ​ദ​മി​ല്ലാ​ത്തി​ട​ത്താ​ണ് ഷാ​പ്പു​ക​ളി​ൽ വി​ഭ​വ​സ​മൃ​ദ്ധ​മാ​യ ഭ​ക്ഷ​ണം ന​ൽ​കു​ന്ന​ത്.

വ്യാപാര സ്ഥാപനങ്ങളിലെ ഭ​ക്ഷ​ണ​വി​ൽ​പ​ന​യ്ക്ക് ഭ​ക്ഷ്യ സു​ര​ക്ഷ, വാ​ണി​ജ്യ​നി​കു​തി വ​കു​പ്പു​ക​ളു​ടെ​യും ത​ദ്ദേ​ശ സ്ഥാ​പ​ന​ങ്ങ​ളു​ടെ​യും അ​നു​മ​തി നിർബന്ധമായും വേ​ണം. സ്ഥാപനത്തിൽ ഉ​പ​യോ​ഗി​ക്കു​ന്ന വെ​ള്ളം മൂ​ന്ന് മാ​സ​ത്തി​ലൊ​രി​ക്ക​ൽ പ​രി​ശോ​ധി​ച്ച് സ​ർ​ട്ടി​ഫി​ക്ക​റ്റ് വാ​ങ്ങ​ണം. ജി​വ​ന​ക്കാ​ർ​ക്ക് ആ​രോ​ഗ്യ വ​കു​പ്പി​ന്‍റെ ഹെ​ൽ​ത്ത് കാ​ർ​ഡ് വേ​ണം തു​ട​ങ്ങി നി​ബ​ന്ധ​ന​ക​ൾ വേ​റെ​യു​മു​ണ്ട്. എ​ന്നാ​ൽ സംസ്ഥാനത്ത് പ്രവർത്തിക്കുന്ന ക​ള്ളു​ഷാ​പ്പു​ക​ളി​ൽ ഇ​തൊ​ന്നും പാ​ലി​ക്കപെടുന്നില്ല.

സ്‌കൂൾ , കോേളജ് വിദ്യാർഥികൾവരെ ഭക്ഷ്യവിഭവങ്ങളുടെ രുചി ആസ്വദിക്കാൻ കള്ള് ഷാപ്പുകളിലെത്തുകയും കൂട്ടത്തിൽ കള്ളുംരുചിച്ച് ക്രമേണ മദ്യത്തിന് അടിമകളാകുന്ന പ്രവണതയും കൂടി വരുന്നതായി റിപ്പോർട്ട് ചെയ്യപ്പെടുന്നു. ഭക്ഷണവും കള്ളും പാഴ്‌സലായി വാങ്ങിപ്പോകുന്ന യുവാക്കളുമുണ്ട്. മലപ്പുറം ജില്ലയിലെ ഒരു സ്‌കൂളിൽ ക്ലാസിൽ കള്ള് കൊണ്ടുവന്ന ഹൈസ്കൂൾ വിദ്യാർഥിയെ അധ്യാപകർ പിടികൂടിയത് ഈയിടെയാണ്.

നിലമ്പുർ എ​ക്സൈ​സ് സ​ർ​ക്കി​ളി​ലെ ഭൂ​രി​ഭാ​ഗം ഷാ​പ്പു​ക​ളി​ലും ഭ​ക്ഷ​ണ​വി​ൽ​പ​ന​യു​ണ്ട്. എ​ന്നാ​ൽ സ​ർ​ക്കി​ൾ പ​രി​ധി​യി​ലെ ഷാ​പ്പു​ക​ളി​ൽ ഭ​ക്ഷ​ണ​വി​ൽ​പ​ന ന​ട​ക്കു​ന്നി​ല്ലെ​ന്നാ​ണ് ചൂ​ര​ക്ക​ണ്ടി​യി​ലെ പൗ​ര​സ​മി​തി ന​ൽ​കി​യ വി​വ​രാ​വ​കാ​ശ നി​യ​മ​പ്ര​കാ​ര​മു​ള്ള ചോ​ദ്യ​ത്തി​ന് നി​ല​ന്പു​ർ എ​ക്സൈ​സ് സ​ർ​ക്കി​ൾ ഇ​ൻ​സ്പെ​ക്ട​ർ ന​ൽ​കി​യ മ​റു​പ​ടി.