ശബരിമല സന്നിധാനത്തേക്ക് പോകുകയായിരുന്ന ബി.ജെ.പി സംസ്ഥാന ജനറല് സെക്രട്ടറി കെ. സുരേന്ദ്രന്, തൃശൂര് ജില്ല പ്രസിഡന്റ് എ. നാഗേഷ് എന്നിവരുള്പ്പെടെയുള്ളവരെ അറസ്റ്റ് ചെയ്തതില് പ്രതിഷേധിച്ച് ബിജെപി ഇന്ന് ആഹ്വാനം ചെയ്ത സംസ്ഥാന വ്യാപക പ്രതിഷേധം ആരംഭിച്ചു... റോഡ് ഉപരോധത്തിന് പിന്നാലെ മാര്ച്ച്, സംഘര്ഷം
നിരോധനാജ്ഞ ലംഘിച്ച് സന്നിധാനത്തേക്ക് പോവുകയായിരുന്ന ബി.ജെ.പി സംസ്ഥാന ജനറല് സെക്രട്ടറി കെ. സുരേന്ദ്രന്, തൃശൂര് ജില്ല പ്രസിഡന്റ് എ. നാഗേഷ് എന്നിവരുള്പ്പെടെയുള്ളവരെ അറസ്റ്റ് ചെയ്തതില് പ്രതിഷേധിച്ച് ഞായറാഴ്ച സംസ്ഥാന വ്യാപകമായി ബി.ജെ.പി പ്രതിഷേധദിനം ആചരിച്ചു.
ദേശീയ പാതകളില് ഉപരോധിച്ച് വാഹനങ്ങള് തടഞ്ഞു തുടരുന്ന പ്രതിഷേധത്തിനിടെ വൈറ്റിലയില് നേരിയ സംഘര്ഷമുണ്ടായി. പോലീസും പ്രവര്ത്തകരും തമ്മില് തര്ക്കമുണ്ടായെങ്കിലും നേതാക്കളിടപ്പെട്ട് ശാന്തമാക്കി. പലയിടത്തും വാഹനഗതാഗതം പൂര്ണ്ണമായി സ്തംഭിച്ചു. ചിലയിടത്ത് വാഹനങ്ങള് വഴിതിരിച്ചു വിട്ടു. എല്ലാ ജില്ലകളിലും പ്രതിഷേധ മാര്ച്ചും നടത്തി. ശബരിമലയില് പോകാനെത്തിയ സുരേന്ദ്രനെ നിലയ്ക്കലില് നിന്നാണ് പൊലീസ് അറസ്റ്റ് ചെയ്തത്. സുരേന്ദ്രനൊപ്പം വന്ന ബിജെപി തൃശ്ശൂര് ജില്ലാ പ്രസിഡന്റ് എ.നാഗേഷ് എന്നയാളെയും പൊലീസ് അറസ്റ്റ് ചെയ്തിട്ടുണ്ട്.
ഔദ്യോഗിക കൃത്യനിര്വ്വഹണം തടസ്സപ്പെടുത്തിയെന്നും നിരോധനാജ്ഞ ലംഘിക്കാന് ശ്രമിച്ചു എന്നുമുള്ള കുറ്റങ്ങളാണ് സുരേന്ദ്രനെതിരെ ചുമത്തിയിരുന്നത്. പൊലീസ് റിപ്പോര്ട്ട് പരിഗണിച്ച കോടതി സുരേന്ദ്രനെ റിമാന്റ് ചെയ്യുകയായിരുന്നു. ചിത്തിര ആട്ട വിശേഷത്തിനും, തുലാമാസ പൂജകള്ക്കും ശബരിമല നടതുറന്നപ്പോള് ഉണ്ടായ പ്രശ്നങ്ങളില് സുരേന്ദ്രന് പങ്കുണ്ടെന്നും ഈ രണ്ട് സമയത്തും അദ്ദേഹം ശബരിമലയില് തമ്ബടിച്ചിരുന്നും പൊലീസ് റിപ്പോര്ട്ടില് ചൂണ്ടിക്കാട്ടിയിരുന്നു.അതേസമയം, ശബരിമല ദര്ശനത്തിനെത്തിയ സംസ്ഥാന ജനറല് സെക്രട്ടറി കെ. സുരേന്ദ്രനെ നിലയ്ക്കലില് അറസ്റ്റ് ചെയ്തതില് പ്രതിഷേധിച്ച് ബി.ജെ.പി നടത്തിയ സെക്രട്ടേറിയറ്റ് മാര്ച്ചില് സംഘര്ഷമുണ്ടായി.
പൊലീസും പ്രവര്ത്തകരുമായി ബലപ്രയോഗം നടന്നു, അക്രമാസക്തരായ പ്രവര്ത്തകരെ പിരിച്ചുവിടാന് പൊലീസ് ജലപീരങ്കി പ്രയോഗിച്ചു. ബി.ജെ.പി ജില്ല കമ്മിറ്റിയുടെ നേതൃത്വത്തില് രാത്രി എട്ടരയോടെയാണ് സെക്രട്ടേറിയറ്റിലേക്ക് മാര്ച്ച് ആരംഭിച്ചത്. സെക്രട്ടേറിയറ്റ് പടിക്കലെത്തിയപ്പോള് പ്രതിഷേധക്കാരും പൊലീസും തമ്മില് വാക്കേറ്റമുണ്ടാവുകയായിരുന്നു. പൊലീസ് സ്ഥാപിച്ച ബാരിക്കേഡുകള് മറികടക്കാന് ശ്രമിച്ചതിനെ തുടര്ന്ന് ജലപീരങ്കി പ്രയോഗിച്ചു. ബി.ജെ.പി സംസ്ഥാന സെക്രട്ടറി സി. ശിവന്കുട്ടി മാര്ച്ച് ഉദ്ഘാടനം ചെയ്തു. ശബരിമലയില് എത്തുന്ന ബി.ജെ.പിയുടെയും സംഘ്പരിവാറി!ന്റെയും നേതാക്കളെ അറസ്റ്റ് ചെയ്യാനാണ് നീക്കമെങ്കില് മുഖ്യമന്ത്രിയും മന്ത്രിമാരും നാളെ മുതല് പൊതുനിരത്തിലിറങ്ങില്ലെന്ന് അദ്ദേഹം പറഞ്ഞു. മാര്ച്ചില് നൂറുകണക്കിന് പ്രവര്ത്തകര് പങ്കെടുത്തു. ഹിന്ദു ഐക്യവേദി സംസ്ഥാന അധ്യക്ഷ കെ.പി. ശശികലയെ അറസ്റ്റ് ചെയ്തതില് പ്രതിഷേധിച്ച് ശനിയാഴ്ച സംസ്ഥാനത്ത് ഹര്ത്താല് ആചരിച്ചിരുന്നു.
https://www.facebook.com/Malayalivartha
