എന്.എസ്.എസ്.കൂടി കൈവിട്ടാല്... ആചാരം പാലിച്ചു ദര്ശനത്തിനെത്തുന്നവരെ അറസ്റ്റ് ചെയ്യുന്നതു സ്ഥിതി സങ്കീര്ണമാക്കുമെന്ന സുകുമാരന് നായരുടെ വാക്കുകള് സര്ക്കാര് ചെവിക്കൊണ്ടില്ല; മഷി മായും മുമ്പുള്ള കൂട്ടയറസ്റ്റില് എന്എസ്എസ് പ്രതിഷേധം ശക്തമാക്കുന്നു
ആചാരം പാലിച്ചു ദര്ശനത്തിനെത്തുന്നവരെ അറസ്റ്റ് ചെയ്യുന്നതു സ്ഥിതി സങ്കീര്ണമാക്കുമെന്നായിരുന്നു സുകുമാരന് നായരുടെ കഴിഞ്ഞ ദിവസത്തെ പ്രതികരണം. ശശികല ടീച്ചറുടേയും കെ സുരേന്ദ്രന്റേയും അറസ്റ്റിനെ തുടര്ന്നാണ് എന്എസ്എസ് കഴിഞ്ഞ ദിവസം നിലപാട് വ്യക്തമാക്കിയത്. യുദ്ധസമാനമായ രീതിയില് പോലീസിനെ വിന്യസിച്ചുവെന്നാണ് എന്എസ്എസ് കുറ്റപ്പെടുത്തുന്നത്. സുപ്രീം കോടതി വിധി തിരക്കിട്ടു നടപ്പാക്കാനുള്ള തീരുമാനമാണു പ്രശ്നങ്ങള്ക്കു കാരണമെന്നും സുകുമാരന് നായര് പറഞ്ഞു.
ഇതോടെ അപകടം മണത്ത സി.പി.എം. സംസ്ഥാന സെക്രട്ടറി കോടിയേരി ബാലകൃഷ്ണന് എന്.എസ്.എസിനെ അനുനയിപ്പിക്കാന് രംഗത്തെത്തിയിരുന്നു. ആര്.എസ്.എസിന് ഒപ്പംചേരുന്ന സംഘടനയല്ല എന്.എസ്.എസ്. എന്നായിരുന്നു കോടിയേരിയുടെ പ്രതികരണം. ശബരിമല വിഷയത്തില് എന്.എസ്.എസിന് അവരുടേതായ നിലപാടുകളുണ്ട്. അവര് അക്രമമാര്ഗങ്ങളിലേക്കു പോയിട്ടില്ല.
എന്.എസ്.എസ്. ഉന്നയിച്ച സദുദ്ദേശ്യപരമായ ചില പ്രശ്നങ്ങള് പരിഗണിക്കാന് സര്ക്കാരും തിരുവിതാംകൂര് ദേവസ്വം ബോര്ഡും ശ്രമിച്ചിട്ടുണ്ട്. അതിനാലാണു സുപ്രീം കോടതി വിധിയില് സാവകാശഹര്ജി കൊടുക്കാന് തീരുമാനിച്ചതെന്നും കോടിയേരി പറഞ്ഞു. സി.പി.എം. ദൂതന്മാര് സുകുമാരന് നായരെ നേരില്ക്കണ്ട് അനുനയിപ്പിക്കാനും നീക്കമാരംഭിച്ചു.
ശബരിമലയിലെ പോലീസ് നിയന്ത്രണങ്ങളില് എസ്.എന്.ഡി.പി. യോഗം ജനറല് സെക്രട്ടറി വെള്ളാപ്പള്ളി നടേശനും അതൃപ്തനാണ്. നിലവില് എന്.ഡി.എയുമായി ഇടഞ്ഞുനില്ക്കുന്ന വെള്ളാപ്പള്ളിയെ അമിത് ഷാ നേരിട്ടെത്തി അനുനയിപ്പിക്കും. എന്.ഡി.എ. വിട്ട സി.കെ. ജാനുവിനെ തിരികെക്കൊണ്ടുവരാനും നീക്കമാരംഭിച്ചു.
അതിനിടെ സുകുമാരന് നായരുടെ വാക്കിന് പുല്ലുവില കല്പിച്ചാണ് 72 ഓളം ആള്ക്കാരെ അറസ്റ്റ് ചെയ്തത്. നാമജപ പ്രാര്ത്ഥന നടത്തിയ അവരെ നിരോധനാജ്ഞയുടെ പേരു പറഞ്ഞാണ് അറസ്റ്റ് ചെയ്തത്. ഇത് ഒരു തരത്തിലും അംഗീകരിക്കാന് കഴിയില്ലെന്നാണ് എന്എസ്എസ് പറയുന്നത്.
https://www.facebook.com/Malayalivartha