ദേവസ്വം ജീവനക്കാരില് 60 ശതമാനം ക്രിസ്ത്യാനികളെന്ന് പ്രസംഗിച്ച് നടന്ന ഹിന്ദു ഐക്യവേദി നേതാവ് കെ.പി. ശശികലക്കെതിരെ കോടതിയെ സമീപിക്കുമെന്ന് ദേവസ്വംമന്ത്രി കടകംപള്ളി സുരേന്ദ്രന്
ഹിന്ദു ഐക്യവേദി നേതാവ് കെ.പി. ശശികലക്കെതിരെ കോടതിയെ സമീപിക്കുമെന്ന് ദേവസ്വംമന്ത്രി കടകംപള്ളി സുരേന്ദ്രന്. ശശികല വര്ഗീയത പ്രചരിപ്പിക്കുന്നതില് മുന്നില് നില്ക്കുന്ന വനിതയാണ്. ദേവസ്വം ജീവനക്കാരില് 60 ശതമാനം ക്രിസ്ത്യാനികളെന്ന് അവര് പ്രസംഗിക്കുന്നു. അവര്ക്കെതിരെ സര്ക്കാര് കോടതിയെ സമീപിക്കുമെന്നും മന്ത്രി നിയമസഭയില് പറഞ്ഞു.
ശബരിമലയില് ആര്എസ്എസിന്റെ അഴിഞ്ഞാട്ടമാണ് നടക്കുന്നത്. ഭക്തജനങ്ങള്ക്കെതിരെയല്ല ശബരിമലയെ കലാപകേന്ദ്രമാക്കി മാറ്റാന് ശ്രമിക്കുന്ന വത്സന് തില്ലങ്കേരി അടക്കമുള്ള സാമൂഹികവിരുദ്ധരെ ലക്ഷ്യമിട്ടാണ് സര്ക്കാര് നിരോധനാജ്ഞ പ്രഖ്യാപിച്ചത്.
ലോക്സഭാ തെരഞ്ഞെടുപ്പും ഒരു സീറ്റും കുറച്ചായിരം വോട്ടും കിട്ടാനാണ് ചിലര് ഈ വിഷയം കത്തിക്കുന്നത്. ഇതേക്കുറിച്ച് സര്ക്കാരിന് കൃത്യമായി അറിയാം. കോണ്ഗ്രസ് ഈ വിഷയത്തില് ബി.ജെ.പിയുടെ കെണിയില്പ്പെട്ടു. പ്രഖ്യാപിത നിലപാട് മറന്നാണ് കോണ്ഗ്രസ് ഇപ്പോള് കളിക്കുന്നത്. സങ്കുചിത താത്പര്യ രാഷ്ട്രീയത്തില് നിന്നും രാജ്യത്തിന്റെ വിശാലമായ താല്പര്യത്തിലേക്ക് വരാന് യു.ഡി.എഫ് തയാറാകണമെന്നും കടകംപള്ളി പറഞ്ഞു.
ശബരിമലയില് യുവതികളെ പ്രവേശിപ്പിക്കണം എന്ന് സര്ക്കാരിന് ഒരു വാശിയും ഇല്ല. അങ്ങനെ ഉണ്ടായിരുന്നെങ്കില് പതിനായിരക്കണക്കിന് സ്ത്രീകള് മല കയറിയേനെ .അത് ആര്ക്കും തടയാനും ആകില്ലെന്നും സുരേന്ദ്രന് കൂട്ടിച്ചേര്ത്തു. ശബരിമലയില് യുവതികളെ പ്രവേശിപ്പിക്കണം എന്നു സര്ക്കാരിന് ഒരു വാശിയും ഇല്ല. അങ്ങനെ ഉണ്ടായിരുന്നെങ്കില് 10000 കണക്കിന് സ്ത്രീകള് മല കയറിയേനെ. അത് ആര്ക്കും തടയാനും ആകില്ലെന്നും മന്ത്രി പറഞ്ഞു.
അതേ സമയം യുഡിഎഫ് എംഎല്എമാരുടെ സത്യാഗ്രഹം പ്രതിപക്ഷം സഭയില് ഉന്നയിച്ചു. സമരം നടത്തുന്നവരോടുള്ള സര്ക്കാര് സമീപനം മാറണമെന്ന് പ്രതിപക്ഷ നോതവ് രമേശ് ചെന്നിത്തല. സ്പീക്കര് ഇടപെടണമെന്ന് പ്രതിപക്ഷം ആവശ്യപ്പെട്ടു. സര്ക്കാരുമായി ചര്ച്ച നടത്തിയെന്ന് സ്പീക്കര് മറുപടി പറഞ്ഞു. നിരോധനാജ്ഞ പിന്വലിക്കുക പ്രായോഗികമല്ലെന്ന് സര്ക്കാര് അറിയിച്ചതായി സ്പീക്കര് വ്യക്തമാക്കി.
അതേ സമയം ശബരിമല വിഷയത്തില് തന്ത്രിയോട് വിശദീകരണം ചോദിച്ചതിനെതിരെ പിസി ജോര്ജ് എം.എല്.എ രംഗത്തെത്തിയപ്പോള് ഭരണപരമായ കാര്യങ്ങളില് ഇടപെടാന് തന്ത്രിക്ക് അവകാശമില്ലെന്ന് ദേവസ്വം മന്ത്രി കടകംപള്ളി സുരേന്ദ്രന് സഭയില് അഭിപ്രായപ്പെട്ടു. തന്ത്രിമാര് അച്ചടക്കം പാലിക്കണമെന്നും, തന്ത്രിമാര് ദേവസ്വം ബോര്ഡ് ജീവനക്കാര് മാത്രമാണെന്നും മന്ത്രി വ്യക്തമാക്കി. ബോര്ഡിന് തന്ത്രിയോട് വിശദീകരണം ചോദിക്കാന് അവകാശമുണ്ട്.
ശബരിമലയില് യുവതി പ്രവേശനം ഉണ്ടായാല് നട അടച്ചിടുന്നത് സംബന്ധിച്ച് തന്നോട് നിയമോപദേശം ചോദിച്ചിരുന്നുവെന്ന് ബി.ജെ.പി സംസ്ഥാന പ്രസിഡന്റ് വി.എസ് ശ്രീധരന്പിള്ള അഭിപ്രായപ്പെട്ടിരുന്നു. ഇതുസംബന്ധിച്ച് ദേവസ്വംബോര്ഡ് തന്ത്രിയോട് വിശദീകരണവും ചോദിച്ചിരുന്നു. എന്തടിസ്ഥാനത്തിലാണ് ശബരിമല തന്ത്രിയുടെ സര്ക്കാര് വിശദീകരണം ചോദിച്ചതെന്ന് ഇക്കാര്യം സഭയില് ഉന്നയിച്ച പി.സി ജോര്ജ് ചോദിച്ചിരുന്നു. ശബരിമല തന്ത്രിയോട് ബോര്ഡ് വിശദീകരണം ചോദിച്ചത് ശരിയായ നടപടിയെന്നും കടകംപള്ളി സുരേന്ദ്രന് പറഞ്ഞു.
കോണ്ഗ്രസ് വര്ഗീയവാദികള്ക്കൊപ്പം സഞ്ചരിക്കുകയാണെന്നും അവര്ക്ക് ഒപ്പം ഓടിയെത്താനാണ് കോണ്ഗ്രസ് ശ്രമിക്കുന്നതെന്നും കടകംപള്ളി പറഞ്ഞു. ഇത് മതേതരത്വത്തെ തകര്ക്കും. വൈകിയ വേളയില് എങ്കിലും തെറ്റു തിരുത്താന് കോണ്ഗ്രസ് തയാറാകണമെന്നും അദ്ദേഹം ആവശ്യപ്പെട്ടു.
https://www.facebook.com/Malayalivartha
