കൊച്ചുമക്കള് അമേരിക്കയിലാണെങ്കിലും ഒരുപാട് കുഞ്ഞുമക്കളെ കണ്ടതില് സന്തേഷം: കവിയൂര് പൊന്നമ്മ
കുഞ്ഞുമക്കള് എനിക്ക് ജീവനാണ്, എന്റെ രണ്ട് പേരക്കുട്ടികള് അമേരിക്കയിലാണ്, ഇവിടെ വന്ന് ഒരുപാട് കൊച്ചുമക്കളെ കാണാന് കഴിഞ്ഞതില് ഒത്തിരി സന്തേഷമുണ്ടെന്ന് നടി കവിയൂര് പൊന്നമ്മ. മലയാള സിനിമയുടെ 'പൊന്നമ്മ'യായ കവിയൂര് പൊന്നമ്മ രണ്ടാമത് അന്താരാഷ്ട്ര ബാല ചലച്ചിത്രമേളയുടെ പോസ്റ്റര് പ്രകാശനം നിര്വഹിക്കുകയായിരുന്നു കവിയൂര് പൊന്നമ്മ. ' എനിക്ക് എന്റെ അമ്മമ്മയെ കണ്ടതോര്മ്മയില്ല, സങ്കല്പ്പത്തിലെ അമ്മമ്മയായിത്, ഞാനൊന്ന് കെട്ടിപ്പിടിച്ചോട്ടേ' വട്ടിയൂര്ക്കാവ് സരസ്വതി വിദ്യാലയത്തിലെ പത്താംക്ലാസുകാരി അനശ്വര ചോദിച്ച് തീരുംമുമ്പ് കവിയൂര് പൊന്നമ്മ ആ കുഞ്ഞുമോളെ കെട്ടിപ്പിടിച്ചൊരു മുത്തം കൊടുത്തു. ചടങ്ങില് സംസ്ഥാന ശിശുക്ഷേമസമിതി സംസ്ഥാന ജനറല് സെക്രട്ടറി അഡ്വ. എസ്.പി ദീപക് സ്വാഗതം പറഞ്ഞു. ജില്ലാ ട്രഷറര് അരുണ് ഗോപി , മികച്ച ബാലതാരങ്ങള്ക്കുള്ള സംസ്ഥാന, ദേശീയ പുരസ്ക്കാരങ്ങള് നേടിയ ആദര്ശ് പ്രവീണ്, അഭിനന്ദ്, അഭിനി ആദി എന്നിവരും പങ്കെടുത്തു. ശിശുക്ഷേമസമിതിയുടെ അവധിക്കാല ക്യാമ്പിലെ കുട്ടികളും സന്നിഹിതരായിരുന്നു.
ആദര്ശ് പ്രവീണ്, അഭിനന്ദ്, അഭിനി ആദി എന്നിവര് തങ്ങളുടെ സിനിമയിലെയും ജീവിതത്തിലെയും അനുഭവങ്ങള് കൂട്ടുകാരുമായി പങ്കുവെച്ചു. https://www.icffk.com/എന്ന വെബ്സൈറ്റില് കുട്ടികള്ക്ക് രജിസ്റ്റര് ചെയ്യാം. ഇതിനകം 500റോളം കുട്ടികള് രജിസ്ട്രേഷന് നടത്തി. മേളയില് ഇത്തവണ പാര്ശ്വവല്ക്കരിക്കപ്പെട്ട കുട്ടികള്ക്കാവും മുന്ഗണന. ആദിവാസി മേഖല, അനാഥാലയങ്ങള് എന്നിവിടങ്ങളില് നിന്ന് ആയിരത്തോളം കുട്ടികളെ മേളയുടെ ഡെലിഗേറ്റ്സ് ആക്കും. വിവിധ ജില്ലകളിലുള്ള കുട്ടികളെ ശിശുക്ഷേമ സമിതി തിരുവനന്തപുരത്ത് എത്തിച്ച് താമസവും മറ്റ് സൗകര്യങ്ങളും നല്കിയാണ് പുതിയ ചലച്ചിത്ര ആസ്വാദനം നല്കുന്നതെന്ന് സമിതി ജനറല് സെക്രട്ടറി എസ്.പി ദീപക് അറിയിച്ചു. 16,000ത്തോളം കുട്ടികള് ഇത്തവണ എത്തുമെന്നാണ് കരുതുന്നത.് ആദ്യത്തെ മേള വലിയ വിജയമായതിനാല് സംസ്ഥാനത്തിന് പുറത്ത് നിന്നും മേളയുടെ ഭാഗമാകാന് പലരും താല്പര്യപ്പെട്ട് വിളിക്കുന്നുണ്ട്.
മേയ് 10 മുതല് 16 വരെ നടക്കുന്ന മേളയില് 160ലധികം ചിത്രങ്ങള് പ്രദര്ശിപ്പിക്കും. കൈരളി, ശ്രീ, നിള, കലാഭവന്, ടാഗോര് തിയേറ്ററുകളിലും നിശാഗന്ധി ഓഡിറ്റോറിയത്തിലുമാകും പ്രദര്ശനങ്ങള്. നിശാഗന്ധിയില് എന്നും വൈകുന്നേരം പൊതുജനങ്ങള്ക്ക് സൗജന്യ പ്രദര്ശനമുണ്ടാകും. പ്രഗത്ഭരായ ബാലചലച്ചിത്ര സംവിധായകര്, ബാലതാരങ്ങള്, പിന്നണി പ്രവര്ത്തകര് എന്നിവര് മേളയില് കുട്ടികളോട് സംവദിക്കും. ദിവസവും ഓപ്പണ്ഫോറവും സംഘടിപ്പിക്കുന്നുണ്ട്. ചലച്ചിത്ര അക്കാദമി, ചലച്ചിത്ര വികസന കോര്പ്പറേഷന് എന്നിവയുടെ സഹകരണത്തോടെയാണ് മേള സംഘടിപ്പിക്കുന്നത്.
https://www.facebook.com/Malayalivartha
