ജലാശയങ്ങള്ക്കുസമീപം അഗ്നിശമന സേന മുന്നറിയിപ്പ് ബോര്ഡുകള് സ്ഥാപിച്ചു
നീന്തല് വശമില്ലാത്ത കുട്ടികള് വെള്ളത്തില് വീണ് മരണപ്പെടുന്ന സംഭവം അവധിക്കാലത്ത് വര്ധിച്ചതോടെ കായംകുളത്ത് ജലാശയങ്ങള്ക്ക് സമീപം അഗ്നിശമന സേന മുന്നറിയിപ്പ് ബോര്ഡുകള് സ്ഥാപിച്ചു.
മനുഷ്യജീവന് വിലപ്പെട്ടതാണ്, അതിനാല് നീന്തല് അറിയാത്തവരും മദ്യപിച്ചും ലഹരിമരുന്നുകള് ഉപയോഗിച്ചും ജലാശയത്തില് ഒരു കാരണവശാലും ഇറങ്ങരുത്.
അവധിക്കാലമായതിനാല് കുട്ടികളുടെ കാര്യത്തില് മുതിര്ന്നവര്ക്ക് ശ്രദ്ധവേണം. അതിനാല് ജലാശയത്തില് ഇനി ഒരു ജീവനും പൊലിയാതിരിക്കട്ടെ എന്ന മുന്നറിയിപ്പ് ബോര്ഡുകളാണ് സ്ഥാപിച്ചത്.
കായംകുളം നഗരാതിര്ത്തിയില് പുതിയിടം, എരുവ, പത്തിയൂര് എന്നീ ക്ഷേത്രകുളങ്ങള്ക്ക് മുന്വശമാണ് കായംകുളം അഗ്നിശമന സേനാ സ്റ്റേഷന് ഓഫീസര് വൈ ഷഫീഖ്, ഉദ്യോഗസ്ഥരായ സുധീഷ്, ഷാബി, അന്വിന്, ഗ്ലെന് ഫെര്ണാണ്ടസ് എന്നിവരുടെ നേതൃത്വത്തില് പൊതുജന ബോധവത്ക്കരണം ലക്ഷ്യമിട്ട് ബോര്ഡുകള് സ്ഥാപിച്ചത്.
മുന്കാലങ്ങളില് നിരവധി മനുഷ്യജീവനുകള് ഈ ക്ഷേത്ര കുളങ്ങളില് പൊലിഞ്ഞിട്ടുണ്ട്. ഇതുകൂടി കണക്കിലെടുത്താണ് അഗ്നിശമന സേന ബോര്ഡുകള് സ്ഥാപിച്ചത്.
https://www.facebook.com/Malayalivartha
