കവളപ്പാറയില് ഉരുള്പൊട്ടലില് കാണാതായവര്ക്കായുള്ള തെരച്ചില് തുടരുന്നു... മരിച്ചവരുടെ എണ്ണം 46 ആയി, ഇനി കണ്ടെത്താനുള്ളത് 13 പേരെ, എന്.ഡി.ആര്.എഫിന്റെയും ഫയര്ഫോഴ്സിന്റെയും സന്നദ്ധ പ്രവര്ത്തകരുടെയും നേതൃത്വത്തില് തെരച്ചില് പുരോഗമിക്കുന്നു
കവളപ്പാറയില് ഉരുള്പൊട്ടലില് കാണാതായവര്ക്കായുള്ള തെരച്ചില് പതിനൊന്നാം ദിവസവും തുടരുന്നു. 13 പേരെ കൂടി ഇനി കണ്ടെത്താനുണ്ട്. ഇന്നലെ 6 പേരുടെ മൃതദേഹം കണ്ടെത്തിയിരുന്നു. ഇതോടെ മരിച്ചവരുടെ എണ്ണം 46 ആയി. ഭൂഗര്ഭ റഡാര് ഉപയോഗിച്ചുള്ള തിരച്ചിലില് ഇതുവരെ ഒന്നും കണ്ടെത്താനായിട്ടില്ല. എന്.ഡി.ആര്.എഫിന്റെയും ഫയര്ഫോഴ്സിന്റെയും സന്നദ്ധ പ്രവര്ത്തകരുടെയും നേതൃത്വത്തിലാണ് തെരച്ചില് പുരോഗമിക്കുന്നത്.
ഇന്നലെ വൈകിട്ട് ഉണ്ടായ ശക്തമായ മഴ ഇന്നത്തെ തിരച്ചിലിനെ പ്രതികൂലമായി ബാധിക്കും. ചളി വെള്ളത്തില് മണ്ണുമാന്തിയന്ത്രങ്ങള് താഴുന്നത് പ്രതിസന്ധിയാണ്. മണ്ണിനടിയിലേക്ക് അയച്ച സിഗ്നലുകള് തിരികെ സ്വീകരിച്ച് വിശകലനം ചെയ്താണ് ആരെങ്കിലും കുടുങ്ങി കിടക്കുന്നുണ്ടോ എന്നു മനസിലാക്കുക.
എന്നാല് ചെളി നിറഞ്ഞ മണ്ണില് ഭൂഗര്ഭ റഡാര് ഫലപ്രദമാകുമോ എന്നു വ്യക്തമല്ല.ഉരുള്പൊട്ടലില് മരിച്ച സൈനികന് വിഷ്ണുവിന് സഹപ്രവര്ത്തകരും ബന്ധുക്കളും അന്ത്യാഞ്ജലി അര്പ്പിച്ചു. ദുരിത ബാധിതരെ പൂര്ണമായി പുനരാധിവസിപ്പിക്കുമെന്ന് ദുരന്ത സ്ഥലം സന്ദര്ശിച്ച ശേഷം മന്ത്രി ജി.സുധാകരന് ഉറപ്പ് നല്കി.
https://www.facebook.com/Malayalivartha
