എടിഎം സേവനം സമയം വെട്ടിക്കുറച്ച് എസ്.ബി.ഐ ... ഇനി ഇരുപത്തിനാലു മണിക്കൂര് സേവനമില്ല
എസ്.ബി.ഐ എടിഎം സേവനത്തിന് നിയന്ത്രണം ഏര്പ്പെടുത്തി. ഇനി ഇരുപത്തിനാലു മണിക്കൂര് സേവനമില്ല. എ.ടി.എം. കാര്ഡ് ഉപയോഗിച്ച് രാത്രിയില് പണം കൈമാറ്റം ചെയ്യുന്നതിന് എസ്.ബി.ഐ.യുടെ ചുവപ്പ് കാര്ഡ്. രാത്രി 11 മുതല് രാവിലെ ആറുവരെ പണം കൈമാറ്റം ചെയ്യുന്നതാണ് തടഞ്ഞത്. തട്ടിയെടുക്കുന്ന കാര്ഡ് ഉപയോഗിച്ചും മറ്റും വന്തോതില് പണം കൈമാറുന്നതായി ശ്രദ്ധയില്പ്പെട്ടതോടെയാണി നിയന്ത്രണം ഏര്പ്പെടുത്തിയത്.
എസ്.ബി.ഐ ഐടി വിഭാഗം ജനറല് മാനേജര് രാജേഷ് സിക്ക പുറത്തിറക്കിയ സര്ക്കുലറിലാണ് ഇത് സംബന്ധിച്ച വിവരങ്ങളുള്ളത്. നിലവില് 40,000 രൂപവരെ എ.ടി.എം. വഴി വേറെ അക്കൗണ്ടിലേക്കോ കാര്ഡിലേക്കോ കൈമാറാന് സൗകര്യമുണ്ടായിരുന്നു. വ്യാപക തട്ടിപ്പ് നടക്കുന്നതായി പരാതി വന്നതോടെ ചില നിയന്ത്രണങ്ങള് കൊണ്ടുവന്നെങ്കിലും ഫലപ്രദമായിരുന്നില്ല. ഇതോടെയാണ് രാത്രി 11 മുതല് രാവിലെ ആറുവരെ ഈ സൗകര്യം പൂര്ണമായി നിര്ത്തിയത്.എ.ടി.എം വഴി ഒരു ദിവസം പിന്വലിക്കാവുന്ന തുക ക്ലാസിക്, മാസ്ട്രോ കാര്ഡുകള്ക്ക് 20,000 രൂപയായി കുറച്ചിട്ടും തട്ടിപ്പ് കുറയുന്നില്ലെന്നാണ് ബാങ്ക് മുന്നോട്ടുവക്കുന്ന വാദം. രാത്രി 12ന് തൊട്ടുമുമ്പും 12 കഴിഞ്ഞും കാര്ഡ് വഴി ഇടപാട് നടത്തി രണ്ട് ദിവസം പിന്വലിക്കാവുന്ന തുക പിന്വലിക്കുകയാണ്.
ഇത് ബാങ്കിന് നഷ്ടമുണ്ടാക്കുന്നെന്നാണ് വിലയിരുത്തല്. പുതിയ മാറ്റത്തെക്കുറിച്ച് എ.ടി.എം സ്ക്രീനിലും ശാഖകളിലും പ്രദര്ശിപ്പിച്ച് ഇടപാടുകാരെ അറിയിക്കണമെന്നും നിര്ദ്ദേശമുണ്ട്.
https://www.facebook.com/Malayalivartha