ശ്രീപത്മനാഭ ഇനിയും പുതിയ അല്ഭുതങ്ങളോ; പതിനെട്ട് വര്ഷമായി ശ്രീപത്മനാഭസ്വാമിക്ക് നല്കാനുള്ള പണം തമിഴ്നാട് സര്ക്കാര് കുടിശ്ശിക സഹിതം നല്കി
പതിനെട്ട് വര്ഷമായി ശ്രീപത്മനാഭസ്വാമിക്ക് നല്കാനുള്ള പണം തമിഴ്നാട് സര്ക്കാര് കുടിശ്ശിക സഹിതം നല്കി. ആറ് വര്ഷത്തിലൊരിക്കല് നടക്കുന്ന മുറജപത്തിനൊരുങ്ങി ശ്രീപത്മനാഭസ്വാമി ക്ഷേത്രം. പത്മനാഭ പ്രീതിയ്ക്കായി തിരുവിതാംകൂര് രാജാക്കന്മാര് നടത്തി വന്നിരുന്ന യാഗമാണ് മുറജപം.
56 ദിവസം നീണ്ടു നില്ക്കുന്ന മുറജപം നവംബര് 21 നാണ് ആരംഭിക്കുന്നത്. 2020 ജനുവരി 15 ന് നടക്കുന്ന ലക്ഷ ദീപത്തോടെയാണ് മുറജപം അവസാനിക്കുന്നത്. ചടങ്ങിന് മുന്നോടിയായി ക്ഷേത്രത്തിന്റെ കിഴക്കേ നടയില് വിളബരവിളക്ക് തിരി തെളിയിച്ചു. തിരുവിതാംകൂര് രാജകുടുംബാംഗമായ അവിട്ടം തിരുന്നാള് ആദിത്യവര്മ്മയാണ് വിളക്കില് തിരി തെളിയിച്ചത്.
മാര്ത്താണ്ഡവര്മ്മ മഹാരാജാവാണ് മുറജപം എന്ന ചടങ്ങിന് തുടക്കം കുറിച്ചത്. രാജ്യത്ത് നീതി നടപ്പാക്കുമ്പോഴും, രാജ്യ വിസ്തീര്ണ്ണം കൂട്ടേണ്ടി വരുമ്പോഴും യുദ്ധക്കളങ്ങളിലും മറ്റും മനപൂര്വ്വമല്ലാതെ ഉണ്ടാകുന്ന പാപങ്ങളുടെ പരിഹാര ക്രിയ എന്ന നിലയിലാണ് മുറജപം നടത്തിയിരുന്നത്.
https://www.facebook.com/Malayalivartha