നഗരത്തില് എവിടെയും യാത്ര ചെയ്യാം ഇനി പത്തു രൂപയ്ക്ക് ; കെ എസ് ആര് ടി സിയുടെ പുതിയ പദ്ധതി
പത്തു രൂപ ചെലവില് നഗരത്തില് എവിടെയും യാത്ര ചെയ്യാനാകുന്ന കെഎസ്ആര്ടിസി ബസ് ഉടനെത്തും. കെഎസ്ആര്ടിസിയുടെ പുതിയ പദ്ധതിയായ ഒറ്റനാണയം സിറ്റി സര്വീസാണ് സംസ്ഥാനത്ത് ആദ്യമായി പാലക്കാട് ഡിപ്പോയില് നടപ്പിലാക്കാന് ഒരുങ്ങുന്നത്.പത്തുരൂപകൊണ്ട് ചുരുങ്ങിയത് പതിനഞ്ചു കിലോമീറ്റര് സഞ്ചരിക്കാന് സാധിക്കും.ഹൈറേഞ്ച് സര്വീസ് നടത്തുന്ന ചെറിയ ബസുകളാണ് ഇതിന് ഉപയോഗിക്കുക.ഇത്തരത്തില് 3 ബസുകള് ഡിപ്പോയിലുണ്ട്. ബസിനു പ്രത്യേക നിറം നല്കും. വിദ്യാര്ഥികള്ക്കു കണ്സഷന് നല്കുന്ന കാര്യവും പരിഗണിക്കുമെന്നു ജില്ലാ ട്രാന്സ്പോര്ട്ട് ഓഫിസര് ടി. ഉബൈദ് അറിയിച്ചു .
ഒലവക്കോട് റെയില്വേ ജംക്ഷനില് നിന്നു നഗരത്തിലെ പ്രധാന ഇടങ്ങള് വഴി പാലക്കാട് കെഎസ്ആര്ടിസി സ്റ്റാന്ഡില് അവസാനിക്കുന്ന രീതിയിലാണ് ആദ്യ സര്വീസ് ഒരുക്കിയിട്ടുള്ളത്.
ബസിനു റെയില്വേ സ്റ്റേഷനില് പ്രവേശിക്കേണ്ടതുള്ളതിനാല് റെയില്വേയുടെ അനുമതിക്കായി കാത്തിരിക്കുകയാണ് അധികൃതര്.പദ്ധതി വിജയം കണ്ടാല് ജില്ലയിലെ മറ്റു ഡിപ്പോകളിലേക്കും വ്യാപിപ്പിക്കും.
https://www.facebook.com/Malayalivartha
