തെരച്ചിലിനൊടുവിൽ... അട്ടപ്പാടി ചെന്താമലയിൽ നീലക്കുറിഞ്ഞി കാണാൻ പോയി വനത്തിൽ കുടുങ്ങിയ യുവാക്കളെ കണ്ടെത്തി. അട്ടപ്പാടി താവളം സ്വദേശികളായ അഭീന്ദർ (23), ഷാനു (23) എന്നിവരാണ് വനത്തിൽ കുടുങ്ങിയത്.

അട്ടപ്പാടി റേഞ്ച് വനം വകുപ്പ് ഉദ്യോഗസ്ഥർ നടത്തിയ തെരച്ചിലിലാണ് യുവാക്കളെ കണ്ടെത്തിയത്. യുവാക്കൾക്ക് ആരോഗ്യപ്രശ്നങ്ങളില്ലെന്നും ഭക്ഷണവും വെള്ളവും നൽകിയെന്നും വനം വകുപ്പ് സംഘം അറിയിക്കുകയും ചെയ്തു. വനഭൂമിയിൽ അതിക്രമിച്ച് കയറി റീൽസ് ചിത്രീകരിക്കാനായിരുന്നു യുവാക്കളുടെ സാഹസം.ചെന്താമലയിൽ നീലക്കുറിഞ്ഞി പൂത്ത വീഡിയോ സാമൂഹിക മാധ്യമങ്ങളിലൂടെ പ്രചരിച്ചതോടെ പലരും അനധികൃതമായി മല കയറുകയാണെന്ന് ഉ​ദ്യോ​ഗസ്ഥർ.