'പെണ്ണിടം': വിദ്യാര്ത്ഥിനികള്ക്ക് വിശ്രമ മുറിയൊരുങ്ങുന്നു, കാട്ടാക്കട നിയോജക മണ്ഡലത്തിലെ എല്ലാ സര്ക്കാര് സ്കൂളുകളിലും ആര്ത്തവസമയങ്ങളില് പെണ്കുട്ടികള്ക്ക് വിശ്രമിക്കാന് അവസരം
ഒരു നിയോജക മണ്ഡലത്തിലെ എല്ലാ സര്ക്കാര് സ്കൂളുകളിലും വിദ്യാര്ത്ഥിനികള്ക്കായി പ്രത്യേക വിശ്രമമുറി ഒരുങ്ങുന്നു. തിരുവനന്തപുരം ജില്ലയിലെ കാട്ടാക്കട നിയോജകമണ്ഡലത്തിലാണ് പെണ്ണിടം എന്ന് പേരിട്ടിരിക്കുന്ന ഈ വിദ്യാര്ത്ഥിനി സൗഹൃദ മുറി. ഒപ്പം പദ്ധതിയുടെ ഭാഗമായിട്ടാണിത് തയ്യാറാക്കിയിരിക്കുന്നത്. സംസ്ഥാനത്ത് ആദ്യമായി നടപ്പാക്കുന്ന ഈ പദ്ധതിയുടെ ഭാഗമായി പ്രസ്തുത മണ്ഡലത്തിലെ 12 സ്കൂളുകളിലും ഈ സംവിധാനം സജ്ജമാക്കും.
മാറനല്ലൂര് സര്ക്കാര് സ്കൂളിലാണ് ആദ്യമായി പെണ്ണിടം ഒരുക്കിയിരിക്കുന്നത്. ആര്ത്തവ സമയങ്ങളില് പെണ്കുട്ടികള്ക്ക് വിശ്രമിക്കാന് അവസരമുണ്ടാക്കുക എന്ന ലക്ഷ്യത്തെ മുന്നിര്ത്തിയാണ് പെണ്ണിടങ്ങള് തയ്യാറാക്കിയിരിക്കുന്നത്. കൂടാതെ ശാരീരിക അസ്വസ്ഥതകള് ഉള്ള പെണ്കുട്ടികള്ക്ക് എപ്പോള് വേണമെങ്കിലും ഈ മുറിയിലെത്തി വിശ്രമിക്കാം.
മുറിയില് ഫസ്റ്റ് എയിഡ് കിറ്റ്, മേശ, കസേരകള്, രണ്ട് കട്ടിലുകള്, ശുചിമുറി, നാപ്കിന് മെഷീന്, കൂളര് തുടങ്ങി കിടന്നു വിശ്രമിക്കാനുള്ള സൗകര്യം വരെ ഈ മുറിയിലുണ്ട്. പത്ത് രൂപയുടെ തുട്ട് ഇട്ടാല് മൂന്ന് പാഡുള്ള ഒരു പാക്കറ്റ് നാപ്കിന് മെഷീനില് നിന്ന് ലഭിക്കും
മാറനല്ലൂര് സ്കൂളില് പഠിക്കുന്നത് ആയിരത്തോളം പെണ്കുട്ടികളാണ് . എന്ത് അസുഖം വന്നാലും പെണ്കുട്ടികള്ക്ക് ഇവിടെ വന്ന് വിശ്രമിക്കാന് സാധിക്കുമെന്ന് അധ്യാപകര് ഉറപ്പ് പറയുന്നു. അതുപോലെ പെണ്കുട്ടികളും വളരെ സന്തോഷത്തോടെയാണ് പെണ്ണിടങ്ങളെ സ്വാഗതം ചെയ്യുന്നത്. മണ്ഡലത്തിലെ പത്ത് സ്കൂളുകളില് നേരത്തെ തന്നെ പെണ്ണിടങ്ങള് ഒരുങ്ങിക്കഴിഞ്ഞിരുന്നു. നാവൂര്, ചൊവ്വള്ളൂര് എന്നീ സ്കൂളുകളില് അടുത്ത ദിവസം തന്നെ പെണ്ണിടങ്ങള് സജ്ജീകരിക്കും.
https://www.facebook.com/Malayalivartha