സംസ്ഥാന നാഥനാ... വയസുകാലത്ത് കിട്ടിയ പണിക്ക് ഗവര്ണര്, മോദി അമിത് ഷാ കൂട്ടുകെട്ടിനോട് നന്ദി കാണിക്കുകയാണെന്നായിരുന്നെന്ന് ഗവര്ണറെ പരിഹസിച്ച് മന്ത്രി എം എം മണി; പരിഹസിച്ചവര്ക്കെതിരെ അതേ നാണത്തില് തുറന്നടിച്ച് ഗവര്ണറും
ഗവര്ണര് ആരിഫ് മുഹമ്മദ് ഖാനെ പരിഹസിച്ച് മന്ത്രി എം എം മണി രംഗത്തെത്തിയത് മറ്റൊരു വിവാദത്തിന് തുടക്കം കുറിച്ചു. വയസുകാലത്ത് കിട്ടിയ പണിക്ക് ഗവര്ണര്, മോദി അമിത് ഷാ കൂട്ടുകെട്ടിനോട് നന്ദി കാണിക്കുകയാണെന്നായിരുന്നു മണിയുടെ പരിഹാസം . ആവശ്യമില്ലാത്ത സാധനം ആവശ്യമില്ലാത്ത സ്ഥലത്ത് വെച്ച അവസ്ഥയിലാണ് ഗവര്ണര് എന്നും മന്ത്രി പറഞ്ഞു. ഹൈറേഞ്ച് മേഖലാ ജമാഅത്ത് കോഓര്ഡിനേഷന് കമ്മിറ്റിയുടെ നേതൃത്വത്തില് നെടുങ്കണ്ടത്തു നടന്ന പൗരത്വ സംരക്ഷണ റാലിയും, പൊതുസമ്മേളനവും ഉദ്ഘാടനം ചെയ്യുകയായിരുന്നു മന്ത്രി എം എം മണി. അതേസമയം മണിക്ക് വയസായില്ല ചെറുപ്പമെന്നാണ് സോഷ്യല് മീഡിയയുടെ പരിഹാസം.
ഗവര്ണര് രാഷ്ട്രീയം കളിക്കുകയാണെന്നും കേരളത്തിന്റെ സംസ്കാരം ഗവര്ണര് ആരിഫ് മുഹമ്മദ് ഖാന് അറിയില്ല . പൗരത്വ ഭേദഗതി നിയമത്തിനെതിരെ കേരള നിയമസഭ പാസാക്കിയ പ്രമേയത്തിനെതിരെ ഗവര്ണര് നടത്തിയ പ്രസ്താവന തെറ്റാണെന്നും മണി പ്രസ്താവിച്ചു .
ഗവര്ണറെ വിമര്ശിച്ച സിപിഎമ്മിന് അതേ നാണയത്തില് മറുപടിയുമായാണ് ആരിഫ് മുഹമ്മദ് ഖാന് രംഗത്തെത്തിയത്. ഭരണഘടനാപരമായി താന് സംസ്ഥാനത്തിന്റെ തലവനാണെന്നാണ് ഗവര്ണര് തിരിച്ചടിച്ചത്. ജനങ്ങളെ ബാധിക്കുന്ന വിഷയങ്ങളില് അഭിപ്രായം പറയുമെന്നും ഗവര്ണര്. ജനങ്ങളുടെ പണം അനാവശ്യമായി വിനിയോഗിക്കാന് ആരെയും അനുവദിക്കില്ല.
നിയമസഭയുടെ നടപടിയില് താന് ഇടപെട്ടിട്ടില്ല. ജനങ്ങളുടെ പണം ഉപയോഗിച്ചാണ് നിയമസഭ പ്രവര്ത്തിക്കുന്നത്. ജനങ്ങളുടെ പണം അനാവശ്യമായി വിനിയോഗിക്കാന് അനുവദിക്കില്ല. സംസ്ഥാനത്തിന്റെ അധികാര പരിധിയില് വരുന്നതല്ല പൗരത്വ നിയമം. തന്നെ ആര്ക്കും വിമര്ശിക്കാം. പലരും തന്നെ പുറത്തിറക്കില്ലെന്നു വെല്ലുവിളിച്ചു. എന്നാല് താന് ഇപ്പോഴും സഞ്ചരിച്ചുകൊണ്ടിരിക്കുകയാണെന്നും ആരിഫ് മുഹമ്മദ് ഖാന് പറഞ്ഞു.
ഭരണഘടനയുടെ അന്ത:സത്തയ്ക്ക് നിരക്കാത്ത ജല്പ്പനങ്ങളാണ് സംസ്ഥാന ഗവര്ണര് നടത്തിക്കൊണ്ടിരിക്കുന്നതെന്ന് സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണന് നേരത്തെ ആരോപിച്ചിരുന്നു . ഭരണഘടനയും സുപ്രീം കോടതി വിധികളുമൊന്നും മനസ്സിലാക്കാതെയുള്ള ഗവര്ണ്ണറുടെ 'സംസ്ഥാന ബി.ജെ.പി അദ്ധ്യക്ഷന്' കളി സകല സീമകളും ലംഘിച്ചുവെന്നും അദ്ദേഹം പറഞ്ഞു.നിയമസഭ പാസാക്കിയ പ്രമേയം നിയമവിരുദ്ധമാണെന്നാണ് അദ്ദേഹം പറയുന്നത്. ഏതു നിയമത്തിന്റെ ലംഘനമാണ് നിയമസഭ നടത്തിയതെന്നാണ് ചൂണ്ടിക്കാണിക്കാന് അദ്ദേഹത്തിന് കഴിയുമോ?
എത്രയോ വിഷയങ്ങളില് സംസ്ഥാന നിയമസഭ പ്രമേയങ്ങള് പാസാക്കിയിട്ടുണ്ട്. അന്നും ദല്ഹിയില് കേന്ദ്രസര്ക്കാരും കേരളത്തില് ഗവര്ണര്മാരും ഉണ്ടായിരുന്നുവെന്നും കോടിയേരി പറഞ്ഞു. പൗരത്വഭേദഗതിക്കെതിരെ നിയമസഭ പാസ്സാക്കിയ പ്രമേയം നിയമവിരുദ്ധമാണെന്ന ഗവര്ണറുടെ പ്രസ്താവനയാണ് സിപിഎമ്മിനെ പ്രകോപിപ്പിച്ചത്. അന്നൊന്നുമില്ലാത്ത പെരുമാറ്റമാണ് ഗവര്ണര് പദവിയിരുന്ന് ആരിഫ് മുഹമ്മദ്ഖാന് കാഴ്ചവെച്ചിരിക്കുന്നത്. തരണംതാണ രാഷ്ട്രീയക്കളിയിലാണ് അദ്ദേഹം ഏര്പ്പെട്ടിരിക്കുന്നത്. ഇതൊന്നും കേരളത്തില് ചെലവാകില്ലെന്ന് അല്പമെങ്കിലും ബുദ്ധിയും ബോധവുമുള്ള ആര്.എസ്.എസുകാര് അദ്ദേഹത്തെ ഉപദേശിക്കണമെന്നും കോടിയേരി പറഞ്ഞു.
പൗരത്വ ഭേദഗതിക്കനുകൂലമായ നിലപാട് സ്വീകരിച്ചതിന്റെ പേരില് തന്നെ വിമര്ശിച്ച സിപിഎമ്മിന് ശക്തമായ മറുപടിയാണ് ഗവര്ണര് ആരിഫ് മുഹമ്മദ് ഖാന് നല്കിയത്. അതിനാല് തന്നെ ശക്തമായ പ്രതിരോധം തീര്ക്കേണ്ട അവസ്ഥയിലാണ് ഭരണപക്ഷം.
https://www.facebook.com/Malayalivartha
