ഇന്ത്യന്‍ സൂപ്പര്‍ ലീഗ് ഫൈനല്‍ പോരാട്ടം ഇന്ന്. കൊല്‍ക്കത്തയിലെ സാള്‍ട്ട് ലെയ്ക് സ്റ്റേഡിയത്തിലാണ് ഗ്രാന്‍ഡ് ഫിനാലെ. നിലവിലെ ചാമ്പ്യന്‍മാരായ മോഹന്‍ ബഗാന്‍ സൂപ്പര്‍ ജയന്റ്സ്- മുംബൈ സിറ്റി എഫ്സിയുമായി ഏറ്റുമുട്ടും. വൈകീട്ട് 7.30 മുതലാണ് കലാശപ്പോര്.

ലീഗ് റൗണ്ടില്‍ ഇരു ടീമുകളും അവസാനം ഏറ്റുമുട്ടിയപ്പോള്‍ ജയം മോഹന്‍ ബഗാനൊപ്പമായിരുന്നു. 2-1നു ജയിച്ച് അവര്‍ ലീഗ് വിന്നേഴ്സ് ഷീല്‍ഡ് സ്വന്തമാക്കിയിരുന്നു. അതിന്റെ മുന്‍തൂക്കം ടീമിനുണ്ട്.

ഒപ്പം സ്വന്തം മണ്ണില്‍ കളിക്കുന്നതിന്റെ ആനുകൂല്യവും. കഴിഞ്ഞ സീസണില്‍ ബംഗളൂരു എഫ്സിയെ പെനാല്‍റ്റി ഷൂട്ടൗട്ടില്‍ വീഴ്ത്തിയാണ് മോഹന്‍ ബഗാന്‍ കിരീടം നേടിയത്.സെമിയില്‍ ആദ്യ പാദത്തില്‍ ഒഡിഷ എഫ്സിയോടു 1-2നു തോറ്റ മോഹന്‍ ബഗാന്‍ രണ്ടാം പാദത്തില്‍ 2-0ത്തിനു ജയിച്ച് 3-2ന്റെ അഗ്രഗേറ്റില്‍ മത്സരം പിടിച്ചാണ് മോഹന്‍ ബഗാന്‍ ഫൈനലിലേക്ക് മുന്നേറിയത്.


മുംബൈ സിറ്റി എഫ്സി സെമിയില്‍ എഫ്സിയെ ഗോവയെ വീഴ്ത്തിയാണ് ഫൈനലുറപ്പിച്ചത്. ആദ്യ പാദത്തില്‍ 3-2നും രണ്ടാം പാദത്തില്‍ 2-0ത്തിനും ജയിച്ച് 5-2 എന്ന അഗ്രഗേറ്റില്‍ സുരക്ഷിതമായാണ് അവര്‍ കലാശപ്പോരിലേക്ക് കടന്നത്. ഒരു തവണയാണ് മുംബൈ സിറ്റി ഐഎസ്എല്‍ കിരീടം നേടിയത്. 2020-21 സീസണില്‍. അന്നും എതിരാളികള്‍ മോഹന്‍ ബഗാന്‍ തന്നെയായിരുന്നു .