കൊ​ച്ചിയിൽ ന​ടി​യെ ആ​ക്ര​മി​ച്ച കേ​സി​ല്‍ വി​ടു​ത​ല്‍ ഹ​ര്‍​ജി ത​ള്ളി​യ​തി​ന് പി​ന്നാ​ലെ ദി​ലീ​പി​ന് കൂ​ടു​ത​ല്‍ തി​രി​ച്ച​ടി. കേ​സി​ല്‍ കോ​ട​തി​യി​ല്‍ ഹാ​ജ​രാ​കാ​തി​രു​ന്ന ദി​ലീ​പി​ന്‍റെ ന​ട​പ​ടി​യി​ല്‍ കോ​ട​തി അ​തൃ​പ്തി അ​റി​യി​ച്ചു. ദി​ലീ​പ് സ​മ​ര്‍​പ്പി​ച്ച വി​ടു​ത​ല്‍ ഹ​ര്‍​ജി ത​ള്ളി​യ ഉ​ത്ത​ര​വി​നി​ടെ​യാ​ണ് കോ​ട​തി അ​തൃ​പ്തി അറിയിച്ചത്.

തി​ങ്ക​ളാ​ഴ്ച കേ​സി​ലെ മു​ഴു​വ​ന്‍ പ്ര​തി​ക​ളും കോ​ട​തി​യി​ല്‍ ഹാ​ജ​രാ​ക​ണ​മെ​ന്ന് കൊ​ച്ചി​യി​ലെ പ്ര​ത്യേ​ക വി​ചാ​ര​ണ കോ​ട​തി ഉ​ത്ത​ര​വി​ട്ടി​ട്ടു​ണ്ട്. അ​ന്നേ​ദി​വ​സം പ്ര​തി​ക​ള്‍​ക്ക് മേ​ല്‍ കോ​ട​തി കു​റ്റം ചു​മ​ത്തു​ക​യും കു​റ്റ​പ​ത്രം വാ​യി​ച്ചു കേ​ള്‍​പ്പി​ക്കു​ക​യും ചെ​യ്യും. എ​ന്നാ​ല്‍ കു​റ്റം ചു​മ​ത്തു​ന്ന​ത് നീ​ട്ടി​വ​യ്ക്ക​ണ​മെ​ന്ന് ദി​ലീ​പി​ന്‍റെ അ​ഭി​ഭാ​ഷ​ക​ന്‍ കോ​ട​തി​യി​ല്‍ ആ​വ​ശ്യ​പ്പെ​ട്ടു. വി​ടു​ത​ല്‍ ഹ​ര്‍​ജി​യു​മാ​യി ദി​ലീ​പ് മേ​ല്‍​കോ​ട​തി​യെ സ​മീ​പി​ക്കു​ക​യാ​ണെ​ന്നും അ​തി​നാ​ല്‍ 10 ദി​വ​സ​ത്തെ സ​മ​യം കൂ​ടി അ​നു​വ​ദി​ക്ക​ണ​മെ​ന്നു​മാ​യി​രു​ന്നു ദി​ലീ​പി​ന്‍റെ ആ​വ​ശ്യം. കോ​ട​തി ഈ ​ആ​വ​ശ്യം അം​ഗീ​ക​രി​ക്കാ​ന്‍ ത​യാ​റാ​യി​ല്ല.

കേ​സി​ന്‍റെ വി​ചാ​ര​ണ ആ​റ് മാ​സ​ത്തി​ന​കം പൂ​ര്‍​ത്തി​യാ​ക്ക​ണ​മെ​ന്ന സു​പ്രീം​കോ​ട​തി ഉ​ത്ത​ര​വു​ണ്ടെ​ന്നും അ​തി​നാ​ല്‍ വി​ചാ​ര​ണ ന​ട​പ​ടി​ക​ള്‍ വേ​ഗ​ത്തി​ലാക്കണമെന്നും കോ​ട​തി വി​ല​യി​രു​ത്തി. കേ​സി​ലെ പ്ര​തി​പ​ട്ടി​ക​യി​ല്‍ നി​ന്നും ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ദി​ലീ​പും പ​ത്താം പ്ര​തി വി​ഷ്ണു​വു​മാ​ണ് വി​ചാ​ര​ണ കോ​ട​തി​യി​ല്‍ അ​പേ​ക്ഷ ന​ല്‍​കി​യി​രു​ന്ന​ത്. ത​ന്‍റെ ഹ​ര്‍​ജി​യി​ലെ വി​വ​ര​ങ്ങ​ള്‍ പു​റ​ത്തു​പോ​ക​രു​തെ​ന്നും ദി​ലീ​പ് കോ​ട​തി​യോ​ട് അ​പേ​ക്ഷി​ച്ചി​രു​ന്നു.

കൊച്ചിയില്‍ നടിയെ ആക്രമിച്ച കേസിലെ പ്രധാന തെളിവായ ദൃശ്യങ്ങള്‍ നടന്‍ ദിലീപ് കണ്ടു. തന്നെ ബന്ധപ്പെടുത്തുന്ന യാതൊരു കാര്യവും ദൃശ്യങ്ങളിലില്ലെന്ന ആത്മവിശ്വസത്തിലാണ് ദിലീപ്. ഇതേ തുടര്‍ന്നാണ് കേസില്‍ വിടുതല്‍ ഹര്‍ജി നല്‍കാന്‍ ദിലീപിന്റെ അഭിഭാഷകന്‍ തീരുമാനിച്ചത്. ദിലീപിനെതിരെ, നടിയെ തട്ടിക്കൊണ്ട് പോയി ബലാത്സംഗം ചെയ്തതിന്റെ ഗൂഢാലോചന, ബലാത്സംഗം എന്നീ കുറ്റങ്ങളാണ് കുറ്റപത്രത്തില്‍ ചുമത്തിയിരിക്കുന്നത്.

മലയാള സിനിമ ലോകത്തെ ഒന്നടങ്കം ഞെട്ടിച്ച സംഭവമായിരുന്നു കൊച്ചിയിൽ നടിയെ തട്ടികൊണ്ട് പോയി ആക്രമിച്ച കേസ്. നടൻ ദിലീപ് വരെ ഉള്ളപ്പെട്ട കേസ് ഏറെ വിവാദമായിരുന്നു, സംഭവം നടന്ന് മൂന്നുവർഷം തികയാൻ മാസങ്ങൾ ബാക്കി നിൽക്കവേയാണ് കേസിന്റെ വിചാരണ നടപടികൾ ആരംഭിച്ചത്.

നടിയെ ആക്രമിച്ച കേസിൽ എട്ടാം പ്രതിയാണ് ദിലീപ്. പ്രതിപ്പട്ടികയിൽ നിന്ന് ഒഴിവാക്കണമെന്നാവശ്യപ്പെട്ടാണ് ദിലീപ് വിചാരണക്കോടതിയിൽ വിടുതൽ ഹർജി സമർപ്പിച്ചത്. വിചാരണക്കാവശ്യമായ ശക്തമായ തെളിവുകൾ ദിലീപിനെതിരെയുണ്ടെന്ന് പ്രോസിക്യൂഷൻ കോടതിയെ അറിയിച്ചിരുന്നു. പ്രതികൾക്കെതിരെ കുറ്റം ചുമത്തുന്നതിനു മുന്നോടിയായുള്ള പ്രാഥമിക വാദം നേരത്തെ പൂർത്തിയായിരുന്നു. ഇരയ്‌ക്കെതിരെ ആരോപണങ്ങളുന്നയിച്ചാണ് ദിലീപ് വിടുതൽ ഹർജി നൽകിയത്. അടച്ചിട്ട കോടതി മുറിയിലാണ് കേസിന്റെ വാദം കേട്ടത്. ഇരയുടെ സ്വകാര്യതയെ ബാധിക്കുമെന്നതിനാൽ ഹർജിയിലെ വിവരങ്ങൾ പുറത്ത് വിടുന്നതിന് കോടതി വിലക്കേർപ്പെടുത്തിയിരുന്നു.

അതേസമയം ദൃശ്യങ്ങള്‍ കോടതിക്ക് നല്‍കിയത് ഒന്നാം പ്രതിയായ പള്‍സര്‍ സുനിയുടെ അഭിഭാഷകനാണ്. അതിലും ദുരൂഹതയുണ്ടെന്നാണ് ദിലീപിന്റെ ആക്ഷേപം. പ്രതിയുടെ അഭിഭാഷകന്‍ തന്നെ ദൃശ്യങ്ങള്‍ അടങ്ങിയ മെമ്മറി കാര്‍ഡ് ഹാജരാക്കിയെങ്കിലും അത് ചിത്രീകരിച്ച മൊബൈല്‍ ഫോണ്‍ നല്‍കിയില്ല. അത് കണ്ടെത്താന്‍ പൊലീസിന് ഇതുവരെ കഴിഞ്ഞതുമില്ല. കേസിലെ പ്രധാന പ്രതിയായ പള്‍സര്‍ സുനി കോടതിയില്‍ കീഴടങ്ങാനെത്തിയപ്പോഴാണ് പൊലീസ് നാടകീയമായി പിടികൂടിയത്. അത് കഴിഞ്ഞ് ഏറെ നാളുകള്‍ക്ക് ശേഷമാണ് ദിലീപിനെ പൊലീസ് ചോദ്യം ചെയ്യാന്‍ വിളിപ്പിക്കുന്നത്. രണ്ടാംതവണ ചോദ്യം ചെയ്യാന്‍ വിളിപ്പിച്ച ശേഷം അറസ്റ്റ് രേഖപ്പെടുത്തുകയായിരുന്നു. 84 ദിവസം ആലുവ ജയിലില്‍ റിമാന്‍ഡില്‍ കഴിഞ്ഞു. നാല് തവണ ജാമ്യാപേക്ഷ നല്‍കിയെങ്കിലും തള്ളിയിരുന്നു. അഞ്ചാം തവണയാണ് ജാമ്യം കിട്ടിയത്. കോടതി അനുമതിയില്ലാതെ വിദേശത്ത് പോകാന്‍ പോലും ദിലീപിന് കഴിയാത്ത സാഹചര്യമാണ് ഇപ്പോഴുള്ളത്.