പൂട്ടാന് തന്ത്രങ്ങള്... ഭരണപക്ഷത്തിന് നേരെ ഇരച്ച് കയറിയ ശേഷം കരഞ്ഞ് കൊണ്ട് പത്രക്കാരെ കാണുന്ന രമ്യ ഹരിദാസ് വൈറലാകുന്നു; തെരഞ്ഞെടുപ്പ് സമയത്ത് തുടങ്ങിയ രമ്യ ഹരിദാസിന്റെ കരച്ചില് ഏറ്റെടുത്ത മലയാളികള്ക്ക് ഇപ്പോള് തോന്നുന്നത് ചിരിയാണ്; രമ്യയുടെ പൊട്ടിക്കരച്ചില് ദേശീയ മാധ്യമങ്ങളില് പോലും കോമഡിയാകുന്നു
നമ്മുടെ ആലത്തൂര് എം.പി. രമ്യ ഹരിദാസിനെ മലയാളികള്ക്ക് ഏറെ ഇഷ്ടമാണ്. പാട്ട് പാടി വോട്ട് പിടിച്ച രമ്യയുടെ തെരഞ്ഞെടുപ്പ് പ്രചാരണം ഏറെ ഹിറ്റായി. അതിനിടെ രമ്യയുടെ പൊട്ടിക്കരച്ചിലും ഏറെ ശ്രദ്ധിക്കപ്പെട്ടു. രമ്യ ഹരിദാസിനെ അധിക്ഷേപിച്ച് എല്.ഡി.എഫ് കണ്വീനര് എ വിജയരാഘവന് നടത്തിയ പരാമര്ശമാണ് കരച്ചിലിനിടയാക്കിയത്. രമ്യ പി.കെ കുഞ്ഞാലിക്കുട്ടിയെ കാണാന് പോയിരുന്നു. ആ കുട്ടിയുടെ അവസ്ഥ ഇനി എന്താകുമെന്ന് അറിയില്ലെന്നാണ് വിജയരാഘവന് പറഞ്ഞത്. ഇത് വലിയ വിവാദമാകുകയും വിജയരാഘവന് പറഞ്ഞത് പിന്വലിക്കുകയും ചെയ്തു. ഇതെല്ലാം രമ്യയുടെ വിജയത്തിന് സഹായിച്ചു.
എല്ലാം കഴിഞ്ഞ് പാര്ലമെന്റിലെത്തിയപ്പോഴും രമ്യ കരച്ചില് നിര്ത്തിയില്ല. സ്കൂള് കുട്ടികളെ പോലെ എന്നെ പിച്ചി, മാന്തി എന്ന് പറഞ്ഞാണ് പത്രക്കാരെ കാണുന്നത്. ഒരു തവണയല്ല പലതവണയാണ് ഈ കരച്ചില്. ഒന്നുകില് പ്രതിഷേധത്തില് പങ്കെടുത്ത് കരയാതെ ബോള്ഡായി പത്രക്കാരെ കാണണം. അല്ലെങ്കില് സോണിയാ ഗാന്ധിയേയും രാഹുല് ഗാന്ധിയേയും എന്തിന് എ.കെ. ആന്റണിയേയും പോലെ മിണ്ടാതിരിക്കുക. അവരെ ആരെങ്കിലും തടയാന് വരുന്നുണ്ടോ. ദേശീയ വാര്ത്തകളില് പോലും രമ്യയുടെ കരച്ചില് കോമഡിയായി മാറുകയാണ്. അതേസമയം രമ്യയ്ക്കെതിരായ നീക്കം ബിജെപിയും ശക്തിപ്പെടുത്തിയിട്ടുണ്ട്.
ദില്ലിയില് നടന്ന വര്ഗീയ കലാപത്തെക്കുറിച്ച് ചര്ച്ച വേണമെന്നുള്ള പ്രതിപക്ഷ ആവശ്യത്തിലാണ് രമ്യയുടെ അവസാനത്തെ കരച്ചില്. ഹോളിക്ക് ശേഷം ചര്ച്ച എന്ന സര്ക്കാര് നിലപാട് ഇന്നലെ പ്രതിപക്ഷം തള്ളിയിരുന്നു. സഭ നടപടികളുമായി മുന്നോട്ടു പോകാന് സ്പീക്കര് ശ്രമിച്ചപ്പോള് ഇന്നലെ അംഗങ്ങള്ക്കിടയില് ഉന്തും തള്ളും നടന്നു. അതിനിടെയാണ് രമ്യ വന്നതും കിട്ടിയതും കരഞ്ഞതും. തള്ളിക്കയറിയ രമ്യ ഉള്പ്പെടെയുള്ള പ്രതിപക്ഷ അംഗങ്ങള്ക്കെതിരെ നടപടിയ്ക്ക് ഒരുങ്ങുകയാണ് ഭരണപക്ഷം
എംപി രമ്യാ ഹരിദാസും ബിജെപി വനിതാ എംപയും തമ്മിലാണ് ഇന്നലേയും കയ്യാങ്കളി നടന്നത്. പ്രതിപക്ഷം പ്രതിഷേധവുമായി നടുത്തളത്തിലിറങ്ങിയതിനിടെ, സെക്രട്ടറി ജനറലിന്റെ ഇരിപ്പിടത്തിനടുത്തുള്ള ഗേറ്റ് അടിച്ചു തകര്ക്കാന് ടി എന് പ്രതാപന് ശ്രമിച്ചത് സംഘര്ഷത്തിനിടയാക്കി.
ഇതിനിടെയാണ് ഒരു ബിജെപി എംപിയും രമ്യാ ഹരിദാസ് എംപിയും തമ്മില് കയ്യാങ്കളിയുണ്ടായത്. രമ്യാ ഹരിദാസിനെ പിടിച്ചുവയ്ക്കാന് ഈ ബിജെപി എംപി ശ്രമിച്ചു. കുതറിമാറി മുന്നോട്ട് കുതിക്കാന് രമ്യാ ഹരിദാസും ശ്രമിച്ചു. ഇതോടെ അവരെ പിന്നോട്ട് തള്ളാന് ബിജെപി എംപി ശ്രമിച്ചു. ഇതോടെ കയ്യാങ്കളിയുണ്ടായി.
ഇതിനിടെയാണ് സ്പീക്കറുടെ മുന്നിലുള്ള ചെറിയ വാതില് ടി എന് പ്രതാപന് അടിച്ചു തകര്ക്കാന് ശ്രമിച്ചത്. സ്പീക്കറുടെ ഇരിപ്പിടത്തിന് മുന്നില് സെക്രട്ടറി ജനറല് ഇരിക്കുന്നതിന് അടുത്തുള്ള വാതിലാണിത്. ഇതാണ് ടി എന് പ്രതാപന് അടിച്ചു തകര്ക്കാന് ശ്രമിച്ചത്. ഒരു വശത്ത് ബിജെപി എംപിമാര്ക്കെതിരെ പ്രതിപക്ഷ പ്രതിഷേധം. മറുവശത്ത് ടി എന് പ്രതാപനെതിരെ പ്രതിഷേധം. ഇതോടെ ബഹളം പാരമ്യത്തിലെത്തി. ഈ സാഹചര്യത്തിലാണ് സഭാ നടപടികള് സ്പീക്കര് നിര്ത്തിവച്ചത്. ഇതെല്ലാം തെറ്റിച്ചതോടെയാണ് രമ്യ ഹരിദാസിനെതിരെ അടക്കം സ്പീക്കര് നടപടിയെടുക്കാനൊരുങ്ങുന്നത്.
ഇതിന് പിന്നാലെയാണ് രമ്യയുടെ കരച്ചിലോടെ മാധ്യമങ്ങളെ കണ്ടത്. ബിജെപിയുടെ എംപിമാര് ഞങ്ങളെ തടഞ്ഞുവെന്നാണ് രമ്യ പറയുന്നത്. അതില് വനിതാ എംപിമാരുമുണ്ടായിരുന്നു. സഭയില് മുദ്രാവാക്യം വിളിക്കാന് പറ്റുന്നില്ല, പ്ലക്കാര്ഡുകളെടുക്കാന് പറ്റുന്നില്ല. ജനാധിപത്യരീതിയിലല്ല പാര്ലമെന്റ് പോകുന്നത്. ദില്ലിയില് പാര്ലമെന്റിന് പുറത്ത്, എന്താണോ സംഭവിക്കുന്നത് അത് പാര്ലമെന്റിന് ഉള്ളിലും സംഭവിക്കുമോയെന്ന് ആശങ്കപ്പെടുന്നതായും സങ്കടത്തോടെ രമ്യ ഹരിദാസ് പറഞ്ഞു. ഇങ്ങനെ കരയുന്ന രമ്യയെയല്ല ഞങ്ങള്ക്കാവശ്യമെന്ന് സോഷ്യല് മീഡിയയില് പരക്കെ കമന്റ് വരുന്നുണ്ട്. ഇനിയെങ്കിലും കരച്ചില് നിര്ത്ത് രമ്യാ...
"
https://www.facebook.com/Malayalivartha