തിങ്കളാഴ്ച വലിയതുറ പള്ളിയില് നിന്നും മോഷ്ടിക്കപ്പെട്ട തിരുശേഷിപ്പ് വീണ്ടെടുക്കാന് ഊര്ജിത അന്വേഷണം
ഇറ്റലിയിലെ പാദുവയില് നിന്നും അന്പതു വര്ഷത്തിനു മുമ്പ് കൊണ്ടു വന്ന് വലിയതുറ സെന്റ് ആന്റണീസ് ഫൊറോന പള്ളിയില് സൂക്ഷിച്ചിരുന്ന സെന്റ് ആന്റണിയുടെ തിരുശേഷിപ്പ് കാണാതായതിനെ തുടര്ന്നു പൊലീസ് അന്വേഷണം തുടരുന്നു. സംഭവം അറിഞ്ഞയുടന് വലിയതുറ പൊലീസ് സ്ഥലത്ത് എത്തി തെളിവെടുത്തു. വിരലടയാള വിദഗ്ധരും ഡോഗ് സ്ക്വാഡും സ്ഥലത്ത് എത്തി. പള്ളിയുടെ ഒരു വശത്തുള്ള അള്ത്താരയില്് പ്രതിഷ്ഠിച്ചിരുന്ന തിരുശേഷിപ്പ് തിങ്കളാഴ്ചയാണ് കാണാതായത്.
ഇതിനു പൂട്ടോ മറ്റു സുരക്ഷാ സംവിധാനങ്ങളോ ഇല്ല. ഈ ഭാഗത്ത് സിസിടിവിയും ഇല്ല. രാവിലെ പള്ളിയില് ആരാധന കഴിഞ്ഞ് എല്ലാവരും 11-ന് പിരിയുമ്പോള് തിരുശേഷിപ്പ് അവിടെ ഉണ്ടായിരുന്നു. മൂന്നു മണിയോടെ കപ്യാര് വന്നു നോക്കുമ്പോഴാണ് നഷ്ടപ്പെട്ടതായി കണ്ടെത്തിയത്.11-നും മൂന്നിനുമിടയില് ആരോ കൊണ്ടു പോയെന്നാണ് നിഗമനം. പള്ളിയില് നിന്നും മറ്റൊന്നും നഷ്ടപ്പെട്ടിട്ടില്ല. കാണിക്ക വഞ്ചിയിലും മറ്റും മോഷ്ടാവ് കൈവച്ചിട്ടില്ല.
തിരുശേഷിപ്പ് കൈകാര്യം ചെയ്യുന്ന എല്ലാവരുടെയും വിരലടയാളം പൊലീസ് എടുത്തു.അതില് നിന്നു വ്യത്യസ്തമായ വിരലടയാളം ലഭിച്ചിട്ടുണ്ടെന്നും അതു മോഷ്ടിച്ചയാളിന്റെതാകാമെന്നും പൊലീസ് അറിയിച്ചു.
തിരുശേഷിപ്പ് നഷ്ടപ്പെട്ട വിവരം വികാരി ഫാ.ഡേവിഡ്സണ് അപ്പോള് തന്നെ എല്ലാവരെയും അറിയിച്ചു. തുടര്ന്നാണു പൊലീസ് സ്ഥലത്തെത്തി അന്വേഷണം തുടങ്ങിയത്. അതിരൂപതാ വികാരി ജനറല് മോണ്.സി.ജോസഫ് വിവരമറിഞ്ഞ് ഇന്നലെ പള്ളിയിലെത്തിയിരുന്നു. പ്രാര്ഥിക്കാന് എത്തുന്നവര്ക്കു പള്ളിയില് കയറുന്നതിനായി എല്ലായ്പ്പോഴും ഒരു വാതില് തുറന്നിടാറുണ്ട്. ഇതിലൂടെയാണ് മോഷ്ടാവ് അകത്തു കടന്നതെന്ന് സംശയിക്കുന്നു.
സംശയം ഉള്ള പലരെയും ചോദ്യം ചെയ്തുവെങ്കിലും കൃത്യമായ തുമ്പു ലഭിച്ചിട്ടില്ല. മോഷണക്കേസ് റജിസ്റ്റര് ചെയ്താണ് അന്വേഷണം നടത്തുന്നത്. വരും ദിവസങ്ങളില് കൂടുതല് വ്യക്തമായ സൂചന ലഭിക്കുമെന്നാണ് പ്രതീക്ഷിക്കുന്നതെന്നും പൊലീസ് പറഞ്ഞു.
https://www.facebook.com/Malayalivartha